헬라어 문장 검색 - Διοδορ́Λιβραρψ́1́32́

(디오도로스 시켈로스, Library, fragmenta libri ix, chapter 35)

ὅτι Ἅρπαγοσ κατασταθεὶσ ὑπὸ Κύρου τοῦ Πέρσου ἐπὶ τῆσ θαλάττησ στρατηγόσ, καὶ τῶν κατὰ τὴν Ἀσίαν Ἑλλήνων πρὸσ Κῦρον διαπρεσβευομένων συνθέσθαι φιλίαν, εἶπε πρὸσ αὐτοὺσ ὅτι παραπλήσιόν τι ποιοῦσι τῶν πρότερον ἑαυτῷ συμβάντων. καὶ γάρ ποτε γῆμαι βουλόμενον αἰτεῖσθαι παρὰ τοῦ πατρὸσ τὴν κόρην·

τὸν δὲ τὸ μὲν πρῶτον οὐκ ἄξιον κρίναντα τοῦ γάμου δυνατωτέρῳ κατεγγυῆσαι, μετὰ δὲ ταῦθ’ ὁρῶντα αὐτὸν ὑπὸ τοῦ βασιλέωσ τιμώμενον διδόναι τὴν θυγατέρα· αὐτὸν δὲ ἀποκριθῆναι, διότι γυναῖκα μὲν οὐκέτι ἂν ἔχοι αὐτήν, παλλακίδα δὲ συγχωρήσαι λαβεῖν. διὰ δὲ τῶν τοιούτων λόγων ἐδήλου τοῖσ Ἕλλησιν, ὅτι Κύρου πρότερον ἀξιοῦντοσ γενέσθαι Περσῶν φίλουσ οὐκ ἐβουλήθησαν, νῦν δὲ ἐκ μεταβολῆσ ἐκείνων σπευδόντων συνάψαι φιλίαν ὡσ μὲν πρὸσ συμμάχουσ οὐ ποιήσεται τὰσ ὁμολογίασ, ὡσ δὲ δούλουσ εἰσ τὴν τῶν Περσῶν πίστιν ἑαυτοὺσ παραδιδόντασ προσδέξεται.

ὅτι Λακεδαιμόνιοι πυνθανόμενοι τοὺσ κατὰ τὴν Ἀσίαν Ἕλληνασ κινδυνεύειν, ἔπεμψαν πρὸσ Κῦρον, ὅτι Λακεδαιμόνιοι συγγενεῖσ ὄντεσ τῶν κατὰ τὴν Ἀσίαν Ἑλλήνων ἀπαγορεύουσιν αὐτῷ καταδουλοῦσθαι τὰσ Ἑλληνίδασ πόλεισ.

ὁ δὲ θαυμάσασ τὸν λόγον ἔφη γνώσεσθαι τὴν ἀρετὴν αὐτῶν, ὅταν ἕνα τῶν ἑαυτοῦ δούλων πέμψῃ καταστρεψόμενον τὴν Ἑλλάδα. ὅτι Λακεδαιμόνιοι τὴν Ἀρκαδίαν μέλλοντεσ καταστρέφειν ἔλαβον χρησμόν, Ἀρκαδίαν μ’ αἰτεῖσ;

μέγα μ’ αἰτεῖσ· οὔ τοι δώσω. πολλοὶ ἐν Ἀρκαδίᾳ βαλανηφάγοι ἄνδρεσ ἐάσιν, οἵ σ’ ἀποκωλύσουσιν· ἐγὼ δέ τοι οὔτι μεγαίρω. δώσω σοι Τεγέαν ποσσίκροτον ὀρχήσασθαι καὶ καλὸν πεδίον σχοίνῳ διαμετρήσασθαι. ὅτι οἱ Λακεδαιμόνιοι ἔπεμψαν εἰσ Δελφοὺσ περὶ τῶν ὀστέων Ὀρέστου τοῦ Ἀγαμέμνονοσ, ἐν ποίῳ τινὶ τόπῳ κεῖνται.

καὶ ἔχρησεν οὕτωσ, ἔστι τισ Ἀρκαδίασ Τεγέη λευρῷ ἐνὶ χώρῳ, ἔνθ’ ἄνεμοι πνείουσι δύω κρατερῆσ ὑπ’ ἀνάγκησ καὶ τύποσ ἀντίτυποσ καὶ πῆμ’ ἐπὶ πήματι κεῖται. ἔνθ’ Ἀγαμεμνονίδην κατέχει φυσίζοοσ αἰᾶ· τὸν σὺ κομισσάμενοσ Τεγέησ ἐπιτάρροθοσ ἔσσῃ. ἦν δὲ χαλκεῖον, καὶ δηλοῖ τὰσ φύσασ, τύπον δὲ τὸν ἄκμονά φησι καὶ τὰσ σφύρασ, πῆμα δὲ ἐπὶ πήματι τὸν σίδηρον ἐπὶ σιδήρῳ· πῆμα γὰρ εἴρηται διὰ τὸ ἐπὶ κακῷ τῶν ἀνθρώπων εὑρῆσθαι. κρεῖττον γὰρ εἶναι τελευτᾶν ἢ ζῶντασ ἑαυτοὺσ μετὰ τῶν συγγενῶν ἐφορᾶν ἄξια θανάτου πράττοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri ix, chapter 35

(디오도로스 시켈로스, Library, fragmenta libri ix, chapter 35)

상위

목록

SEARCH

MENU NAVIGATION