호흡부호 보기
강세부호 보기
장단부호 보기
작은 Iota 보기
모든 부호 보기
τὰσ ἐξ ἐρατῶν ἐφόβησεν παγκρατὴσ Ἥρα μελάθρων Προίτου, παραπλῆγι φρένασ καρτερᾷ ζεύξασ’ ἀνάγκᾳ· παρθενίᾳ γὰρ ἔτι ψυχᾷ κίον ἐσ τέμενοσ πορφυροζώνοιο θεᾶσ· φάσκον δὲ πολὺ σφέτερον πλούτῳ προφέρειν πατέρα ξανθᾶσ παρέδρου σεμνοῦ Διὸσ εὐρυβία. ταῖσιν δὲ χολωσαμένα στήθεσσι παλίντροπον ἔμβαλεν νόημα· φεῦγον δ’ ὄροσ ἐσ τανίφυλλον, σμερδαλέαν φωνὰν ἱεῖσαι, Τιρύνθιον ἄστυ λιποῦσαι καὶ θεοδμάτουσ ἀγυιάσ, ἤδη γὰρ ἔτοσ δέκατον θεοφιλὲσ λιπόντεσ Ἄργοσ ναῖον ἀδεισιβόαι χαλκάσπιδεσ ἡμίθεοι σὺν πολυζήλῳ βασιλεῖ. νεῖκοσ γὰρ ἀμαιμάκετον βληχρᾶσ ἀνέπαλτο κασιγνητοῖσ ἀπ’ ἀρχᾶσ Προίτῳ τε καὶ Ἀκρισίῳ·
호흡부호 보기
강세부호 보기
장단부호 보기
작은 Iota 보기
모든 부호 보기