Arrian, Cynegeticus, chapter 15 1:

χρὴ δὲ ὅστισ κύνασ ἀγαθὰσ ἔχει μήτε ἐγγύθεν ἐπιλύειν τῷ λαγῷ μήτε πλείουσ δυοῖν· καὶ γὰρ εἰ πάνυ ὠκὺσ τύχοι καὶ πολλὰσ πολλάκισ κύνασ διαπεφευγώσ, ἀλλά γε ἐξ εὐνῆσ ἀνιστάμενον καὶ σὺν βοῇ ἐπικειμένων ἐκπλαγῆναι ἀνάγκη καὶ πατάσσειν αὐτῷ τὴν καρδίαν. καὶ ἐν τούτῳ πολλάκισ γενναῖοι λαγῲ ἀκλεῶσ ἀπώλοντο, μηδὲν μήτε δράσαντεσ μήτε ἀποδειξάμενοι μνήμησ ἄξιον. ἐᾶν δὴ ὑπεκφυγεῖν ἀπὸ τῆσ εὐνῆσ καὶ ἀναθαρρῆσαι.