Arrian, Cynegeticus, chapter 34

(아리아노스, Cynegeticus, chapter 34)

Κελτῶν δὲ ἔστιν οἷσ νόμοσ καὶ ἐνιαύσια θύειν τῇ Ἀρτέμιδι, οἳ δὲ καὶ θησαυρὸν ἀποδεικνύουσιν τῇ θεῷ. καὶ ἐπὶ μὲν λαγῷ ἁλόντι δύ̓ ὀβολὼ ἐμβάλλουσιν ἐσ τὸν θησαυρόν, ἐπὶ δὲ ἀλώπεκι δραχμήν, ὅτι ἐπίβουλόν τὸ χρῆμα, καὶ τοὺσ λαγὼσ διαφθείρει· τούτου ἕνεκα πλέον ἐμβάλλουσιν, ὡσ ἐπὶ πολεμίῳ ἁλόντι. ἐπὶ δὲ δορκάδι τέσσαρασ δραχμάσ, ὅτι μέγα τὸ ζῴον καὶ ἡ θήρα ἐντιμοτέρα. περιελθόντοσ δὲ τοῦ ἔτουσ ὁπόταν τὰ γενέθλιαἥκῃ τῆσ Ἀρτέμιδοσ, ἀνοίγνυται μὲν ὁ θησαυρόσ, ἀπὸ δὲ τοῦ συλλεχθέντοσ ἱερεῖον ὠνοῦνται, οἳ μὲν οἶν, οἳ δὲ αἶγα, οἳ δὲ μόσχον, εἰ οὕτω προχωροίη.

θύσαντεσ δὲ καὶ τῶν ἱερείων ἀπαρξάμενοι τῇ Ἀγροτέρᾳ, ὡσ ἑκάστοισ νόμοσ, εὐωχοῦνται αὐτοὶ τε καὶ αἱ κύνεσ.

τὰσ κύνασ δὲ καὶ στεφανοῦσιν ἐν τῇδε τῇ ἡμέρᾳ, ὡσ δῆλον εἶναι διότι ἐπ̓ αὐταῖσ ἑορτάζουσιν.

일치하는 문장이 없습니다.

SEARCH

MENU NAVIGATION