Arrian, Cynegeticus, chapter 25

(아리아노스, Cynegeticus, chapter 25)

θήλειαν μὲν μετὰ μῆνα ἑνδέκατον ἐξάγειν ἐπὶ θήραν, πρόσθεν δὲ ἔτι ἀπὸ δεκάτου μηνόσ, εἰ εὐπαγὴσ τύχοι καὶ μὴ ὑγρομελήσ, λαγῶ ἀπὸ χειρὸσ ἀφιέναι ἐν χωρίῳ περιφανεῖ, καὶ τὴν μὲν ἐγγύθεν ἐφιέναι τῷ λαγῷ τήν τε ὄψιν αὐτὴν ἐμπίμπλασθαι καὶ ἐγγὺσ ὁρῶσαν μετ̓ ἐλπίδοσ ἀγαθῆσ πονεῖν, κύνα δὲ ἄλλην τελείαν ἐφιέναι ὕστερον, ὡσ μὴ ἐπὶ πολὺ κακοπαθῆσαι τὴν σκύλακα μηδὲ ἀπαγορεῦσαι ὑπὸ καμάτου. ἣ δὲ θαμινὰ καὶ εὐμαρῶσ ἐξελίσσουσα τὸν λαγῶ παραδώσει τῇ σκύλακι.

ἑλοῦσαν δὲ ἐᾶν σπαράξαι τοῖσ ὀδοῦσιν, ἔστε κατακανεῖν. ἐπειδὰν δὲ ἐξάγεσθαι ἤδη ὡρ́αν ἔχῃ, πρῶτα μὲν τὰσ ὁδοὺσ βαδίζειν, ὅσαι τραχεῖαι αὐτῶν·

ἀγαθὸν γὰρ τὸ μελέτημα ἐσ τὸ πῆξαι τοὺσ πόδασ ταῖσ κυσίν. ἔπειτα ἵστασθαι τὸν ἔχοντα αὐτὴν ἐν χωρίῳ περιφανεῖ καὶ ὑπερδεξίῳ, καὶ φθάσαντι μὲν τῷ λαγῷ καὶ προλαβόντι οὐχ ὁρῶσαν μὴ ἐφιέναι·

τοῦτο γάρ τοι περὶ τῶν ἐσ ἰχνείαν ἀσκουμένων κυνῶν παραινεῖ ὁ Ξενοφῶν ἐκεῖνοσ. κύνα δὲ ὠκεῖαν εἰ μὴ ὁρῶσαν ἐπιλύσειασ, πλάζεται καὶ σκιρτᾷ καὶ ἔκφρων γίγνεται καὶ ἀνασοβεῖται.

καὶ τοίνυν εἴ ποτε διαφύγοι αὐτὴν τελεωθεῖσαν ἤδη ὁ λαγώσ, οὐκ ἀτρέμα ἔχει ἑαυτὴν οὐδὲ ἐπὶ τὸν κυναγωγὸν ἐπάνεισιν οὐδὲ ἀνακαλοῦντοσ ὑπακούει, ἀλλ̓ ὑπὸ μελέτησ τοῦ θεῖν ἐπὶ μηδενὶ εἰδῇ πλάζεται, καὶ μαινομένῃ ἐοίκεν.

ἀλλ̓ ἵστασθαι μὲν τὸν ἔχοντα τὴν σκύλακα ἐν χωρίῳ, ὁποῖον ἤδη μοι λέλεκται, κρυπτόμενον οἷ μάλιστα τεκμήραιτο ἄν τισ ὅτι πονούμενοσ ὁ λαγὼσ ὑποκάμψασ ἥξει.

ἰδόντα δὲ διαπεπονημένον ἐγγύθεν ἐφιέναι, μὴ κατὰ στόμα·

ἡ μὲν γὰρ κύων ἐξορμήσασα ἐπ̓ εὐθὺ ἐξενεχθήσεται, ὁ δὲ λαγὼσ ἐξελίξασ εὐμαρῶσ παραμείψει· τὴν δὲ πολὺ ἀπολειφθῆναι ἀνάγκη καὶ χαλεπῶσ ὑποκάμψαι, καθάπερ αἱ τριήρεισ εὐθυπλοοῦσαι οὐκ εὐμαρῶσ ἐπικάμπτουσιν, εἰ μὴ ἀνεθείη τὸ πολὺ τῆσ εἰρεσίασ αὐταῖσ, ἀλλ̓ ἐάσαντα παραμεῖψαι τὸν λαγῶ ἐκ τοὺ πλαγίου χρὴ ἐφιέναι. ἁλόντοσ δὲ ἐφομαρτείτω τισ σπουδῇ, πρὶν ἐμφορηθῆναι τοῦ αἵματοσ τὴν κύνα, οὐχ ὅτι δὴ τὰ κρέα ἄρα περὶ πολλοῦ ποιητέον ἀνδρὶ ἐσ κάλλοσ κυνηγετοῦντι, ἀλλ̓ ὅτι πονηρὸν μάθημα κυνὶ γενναίᾳ, λαγὼ ἐσθίειν.

καὶ ἤδη πολλαὶ κύνεσ οὕτω διεφθάρησαν, ἐπεὶ μακρῷ δρόμῳ ἀσθμαίνουσαι ἐνεπλήσθησαν, ἔπειτα πνιγεῖσαι ἀπώλοντο.

일치하는 문장이 없습니다.

SEARCH

MENU NAVIGATION