Apollodorus, Library and Epitome, book E, chapter 3 8:

Μενέλαοσ δὲ αἰσθόμενοσ τὴν ἁρπαγὴν ἧκεν εἰσ Μυκήνασ πρὸσ Ἀγαμέμνονα, καὶ δεῖται στρατείαν ἐπὶ Τροίαν ἀθροίζειν καὶ στρατολογεῖν τὴν Ἑλλάδα. ὁ δὲ πέμπων κήρυκα πρὸσ ἕκαστον τῶν βασιλέων τῶν ὁρ́κων ὑπεμίμνησκεν ὧν ὤμοσαν, καὶ περὶ τῆσ ἰδίασ γυναικὸσ ἕκαστον ἀσφαλίζεσθαι παρῄνει, ἴσην λέγων γεγενῆσθαι τὴν τῆσ Ἑλλάδοσ καταφρόνησιν καὶ κοινήν. ὄντων δὲ πολλῶν προθύμων στρατεύεσθαι, παραγίνονται καὶ πρὸσ Ὀδυσσέα εἰσ Ἰθάκην.