호흡부호 보기
강세부호 보기
장단부호 보기
작은 Iota 보기
모든 부호 보기
ὡσ δὲ οἱ Θηβαῖοι συνεκάλεσαν ἀπὸ τῶν πόλεων ἁπασῶν ἀκουσομένουσ τῆσ παρὰ βασιλέωσ ἐπιστολῆσ, καὶ ὁ Πέρσησ ὁ φέρων τὰ γράμματα δείξασ τὴν βασιλέωσ σφραγῖδα ἀνέγνω τὰ γεγραμμένα, οἱ μὲν Θηβαῖοι ὀμνύναι ταῦτα ἐκέλευον βασιλεῖ καὶ ἑαυτοῖσ τοὺσ βουλομένουσ φίλουσ εἶναι, οἱ δὲ ἀπὸ τῶν πόλεων ἀπεκρίναντο ὅτι οὐκ ὀμούμενοι ἀλλ’ ἀκουσόμενοι πεμφθείησαν· εἰ δέ τι ὁρ́κων δέοιντο, πρὸσ τὰσ πόλεισ πέμπειν ἐκέλευον. ὁ μέντοι Ἀρκὰσ Λυκομήδησ καὶ τοῦτο ἔλεγεν, ὅτι οὐδὲ τὸν σύλλογον ἐν Θήβαισ δέοι εἶναι, ἀλλ’ ἔνθα ἂν ᾖ ὁ πόλεμοσ. χαλεπαινόντων δ’ αὐτῷ τῶν Θηβαίων καὶ λεγόντων ὡσ διαφθείροι τὸ συμμαχικόν, οὐδ’ εἰσ τὸ συνέδριον ἤθελε καθίζειν, ἀλλ’ ἀπιὼν ᾤχετο, καὶ μετ’ αὐτοῦ πάντεσ οἱ ἐξ Ἀρκαδίασ πρέσβεισ.
호흡부호 보기
강세부호 보기
장단부호 보기
작은 Iota 보기
모든 부호 보기