헬라어 문장 검색 - ΣτραβόΓεογραπ́07́06́

(스트라본, 지리학, Book 7, chapter 6)

λοιπὴ δ’ ἐστὶ τῆσ μεταξὺ Ἴστρου καὶ τῶν ὀρῶν τῶν ἐφ’ ἑκάτερα τῆσ Παιονίασ ἡ Ποντικὴ παραλία, ἡ ἀπὸ τοῦ ἱεροῦ στόματοσ τοῦ Ἴστρου μέχρι τῆσ περὶ τὸν Αἷμον ὀρεινῆσ καὶ μέχρι τοῦ στόματοσ τοῦ κατὰ Βυζάντιον. καθάπερ δὲ τὴν Ἰλλυρικὴν παραλίαν ἐπιόντεσ μέχρι τῶν Κεραυνίων ὀρῶν προὔβημεν ἔξω τῆσ Ἰλλυρικῆσ πιπτόντων ὀρεινῆσ, ἐχόντων δέ τι οἰκεῖον πέρασ, τὰ μεσόγαια δ’ ἔθνη τούτοισ ἀφωρίσμεθα, νομίζοντεσ σημειωδεστέρασ ἔσεσθαι τὰσ τοιαύτασ περιγραφὰσ καὶ πρὸσ τὰ νῦν καὶ πρὸσ τὰ ὕστερον, οὕτω κἀνταῦθα ἡ παραλία, κἂν ὑπερπίπτῃ τὴν ὀρεινὴν γραμμήν, ὅμωσ εἰσ οἰκεῖόν τι πέρασ τελευτήσει τὸ τοῦ Πόντου στόμα καὶ πρὸσ τὰ νῦν καὶ πρὸσ τὰ ἐφεξῆσ. ἔστιν οὖν ἀπὸ τοῦ ἱεροῦ στόματοσ τοῦ Ἴστρου ἐν δεξιᾷ ἔχοντι τὴν συνεχῆ παραλίαν Ἴστροσ πολίχνιον ἐν πεντακοσίοισ σταδίοισ, Μιλησίων κτίσμα· εἶτα Τόμισ, ἕτερον πολίχνιον ἐν διακοσίοισ πεντήκοντα σταδίοισ· εἶτα πόλισ Κάλλατισ ἐν διακοσίοισ ὀγδοήκοντα, Ἡρακλεωτῶν ἄποικοσ· εἶτ’ Ἀπολλωνία ἐν χιλίοισ τριακοσίοισ σταδίοισ, ἄποικοσ Μιλησίων, τὸ πλέον τοῦ κτίσματοσ ἱδρυμένον ἔχουσα ἐν νησίῳ τινί, ὅπου ἱερὸν τοῦ Ἀπόλλωνοσ, ἐξ οὗ Μάρκοσ Λεύκολλοσ τὸν κολοσσὸν ἦρε καὶ ἀνέθηκεν ἐν τῷ Καπετωλίῳ τὸν τοῦ Ἀπόλλωνοσ, Καλάμιδοσ ἔργον. ἐν τῷ μεταξὺ δὲ διαστήματι τῷ ἀπὸ Καλλάτιδοσ εἰσ Ἀπολλωνίαν Βιζώνη τέ ἐστιν, ἧσ κατεπόθη πολὺ μέροσ ὑπὸ σεισμῶν, καὶ Κρουνοὶ καὶ Ὀδησσὸσ Μιλησίων ἄποικοσ, καὶ Ναύλοχοσ Μεσημβριανῶν πολίχνιον· εἶτα τὸ Αἷμον ὄροσ μέχρι τῆσ δεῦρο θαλάττησ διῆκον· εἶτα Μεσημβρία Μεγαρέων ἄποικοσ, πρότερον δὲ Μενεβρία, οἱο͂ν Μένα πόλισ, τοῦ κτίσαντοσ Μένα καλουμένου, τῆσ δὲ πόλεωσ βρίασ καλουμένησ θρᾳκιστί· ὡσ καὶ ἡ τοῦ Σήλυοσ πόλισ Σηλυμβρία προσηγόρευται, ἥ τε Αἶνοσ Πολτυμβρία ποτὲ ὠνομάζετο· εἶτ’ Ἀγχιάλη πολίχνιον Ἀπολλωνιατῶν καὶ αὐτὴ Ἀπολλωνία. ἐν δὲ ταύτῃ τῇ παραλίᾳ ἐστὶν ἡ Τίριζισ ἄκρα, χωρίον ἐρυμνόν, ᾧ ποτε καὶ Λυσίμαχοσ ἐχρήσατο γαζοφυλακίῳ. πάλιν δ’ ἀπὸ τῆσ Ἀπολλωνίασ ἐπὶ Κυανέασ στάδιοί εἰσι περὶ χιλίουσ καὶ πεντακοσίουσ, ἐν δὲ τῷ μεταξὺ ἥ τε Θυνιὰσ τῶν Ἀπολλωνιατῶν χώρα, καὶ Φινόπολισ καὶ Ἀνδριακή, συνάπτουσαι τῷ Σαλμυδησσῷ. ἔστι δ’ οὗτοσ ἔρημοσ αἰγιαλὸσ καὶ λιθώδησ, ἀλίμενοσ, ἀναπεπταμένοσ πολὺσ πρὸσ τοὺσ βορέασ, σταδίων ὅσον ἑπτακοσίων μέχρι Κυανέων τὸ μῆκοσ, πρὸσ ὃν οἱ ἐκπίπτοντεσ ὑπὸ τῶν Ἀστῶν διαρπάζονται τῶν ὑπερκειμένων, Θρᾳκίου ἔθνουσ. αἱ δὲ Κυάνεαι πρὸσ τῷ στόματι τοῦ Πόντου εἰσὶ δύο νησίδια, τὸ μὲν τῇ Εὐρώπῃ προσεχὲσ τὸ δὲ τῇ Ἀσίᾳ, πορθμῷ διειργόμενα ὅσον εἴκοσι σταδίων. τοσοῦτον δὲ διέχει καὶ τοῦ ἱεροῦ τοῦ Βυζαντίων καὶ τοῦ ἱεροῦ τοῦ Χαλκηδονίων, ὅπερ ἐστὶ τοῦ στόματοσ τοῦ Εὐξείνου τὸ στενώτατον· προϊόντι γὰρ δέκα σταδίουσ ἄκρα ἐστὶ πενταστάδιον ποιοῦσα τὸν πορθμόν, εἶτα διίσταται ἐπὶ πλέον καὶ ποιεῖν ἄρχεται τὴν Προποντίδα. ἀπὸ μὲν οὖν τῆσ ἄκρασ τῆσ τὸ πενταστάδιον ποιούσησ ἐπὶ τὸν ὑπὸ τῇ Συκῇ καλούμενον λιμένα στάδιοι πέντε καὶ τριάκοντα, ἐντεῦθεν δ’ ἐπὶ τὸ Κέρασ τὸ Βυζαντίων πέντε.

ἔστι δὲ τὸ Κέρασ προσεχὴσ τῷ Βυζαντίων τείχει κόλποσ ἀνέχων ὡσ πρὸσ δύσιν ἐπὶ σταδίουσ ἑξήκοντα, ἐοικὼσ ἐλάφου κέρατι· εἰσ γὰρ πλείστουσ σχίζεται κόλπουσ ὡσ ἂν κλάδουσ τινάσ, εἰσ οὓσ ἐμπίπτουσα ἡ πηλαμὺσ ἁλίσκεται ῥᾳδίωσ διά τε τὸ πλῆθοσ αὐτῆσ καὶ τὴν βίαν τοῦ συνελαύνοντοσ ῥοῦ καὶ τὴν στενότητα τῶν κόλπων, ὥστε καὶ χερσὶν ἁλίσκεσθαι. γεννᾶται μὲν οὖν τὸ ζῷον ἐν τοῖσ ἕλεσι τῆσ Μαιώτιδοσ, ἰσχῦσαν δὲ μικρὸν ἐκπίπτει διὰ τοῦ στόματοσ ἀγεληδὸν καὶ φέρεται παρὰ τὴν Ἀσιανὴν ᾐόνα μέχρι Τραπεζοῦντοσ καὶ Φαρνακείασ· ἐνταῦθα δὲ πρῶτον συνίστασθαι συμβαίνει τὴν θήραν, οὐ πολλὴ δ’ ἐστίν· οὐ γάρ πω τὸ προσῆκον ἔχει μέγεθοσ· εἰσ δὲ Σινώπην προϊοῦσα ὡραιοτέρα πρόσ τε τὴν θήραν καὶ τὴν ταριχείαν ἐστίν· ἐπειδὰν δὲ ἤδη συνάψῃ ταῖσ Κυανέαισ καὶ παραλλάξῃ ταύτασ, ἐκ τῆσ Χαλκηδονιακῆσ ἀκτῆσ λευκή τισ πέτρα προπίπτουσα φοβεῖ τὸ ζῷον ὥστ’ εὐθὺσ εἰσ τὴν περαίαν τρέπεσθαι· παραλαβὼν δ’ ὁ ἐνταῦθα ῥοῦσ, ἅμα καὶ τῶν τόπων εὐφυῶν ὄντων πρὸσ τὸ τὸν ἐκεῖ ῥοῦν τῆσ θαλάττησ ἐπὶ τὸ Βυζάντιον καὶ τὸ πρὸσ αὐτῷ Κέρασ τετράφθαι, φυσικῶσ συνελαύνεται δεῦρο καὶ παρέχει τοῖσ Βυζαντίοισ καὶ τῷ δήμῳ τῶν Ῥωμαίων πρόσοδον ἀξιόλογον. Χαλκηδόνιοι δ’ ἐπὶ τῆσ περαίασ ἱδρυμένοι πλησίον οὐ μετέχουσι τῆσ εὐπορίασ ταύτησ διὰ τὸ μὴ προσπελάζειν τοῖσ λιμέσιν αὐτῶν τὴν πηλαμύδα· ᾗ δὴ καὶ τὸν Ἀπόλλω φασὶ τοῖσ κτίσασι τὸ Βυζάντιον ὕστερον μετὰ τὴν ὑπὸ Μεγαρέων Χαλκηδόνοσ κτίσιν χρηστηριαζομένοισ προστάξαι ποιήσασθαι τὴν ἵδρυσιν ἀπεναντίον τῶν τυφλῶν, τυφλοὺσ καλέσαντα τοὺσ Χαλκηδονίουσ, ὅτι πρότεροι πλεύσαντεσ τοὺσ τόπουσ, ἀφέντεσ τὴν πέραν κατασχεῖν τοσοῦτον πλοῦτον ἔχουσαν, εἵλοντο τὴν λυπροτέραν. Μέχρι μὲν δὴ Βυζαντίου προήλθομεν, ἐπειδὴ πόλισ ἐπιφανὴσ πλησιάζουσα μάλιστα τῷ στόματι εἰσ γνωριμώτερον πέρασ ἀπὸ τοῦ Ἴστρου τὸν παράπλουν τελευτῶντα ἀπέφαινεν. ὑπέρκειται δὲ τοῦ Βυζαντίου τὸ τῶν Ἀστῶν ἔθνοσ, ἐν ᾧ πόλισ Καλύβη, Φιλίππου τοῦ Ἀμύντου τοὺσ πονηροτάτουσ ἐνταῦθα ἱδρύσαντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 7, chapter 6

(스트라본, 지리학, Book 7, chapter 6)

상위

목록

SEARCH

MENU NAVIGATION