헬라어 문장 검색 - ΣτραβόΓεογραπ́01́04́012́

(스트라본, 지리학, book 1, chapter 4 12:)

Παραμυθούμενοσ δ’ ἐπὶ πλέον, ὅτι κατὰ φύσιν ἐστὶ τὸ ἀπὸ ἀνατολῆσ ἐπὶ δύσιν διάστημα μεῖζον λέγειν, κατὰ φύσιν φησὶν εἶναι ἀπὸ τῆσ ἑώ πρὸσ τὴν ἑσπέραν μακροτέραν εἶναι τὴν οἰκουμένην, καθάπερ εἰρήκαμεν· . . . ὡσ οἱ μαθηματικοί φασι, κύκλον συνάπτειν, συμβάλλουσαν αὐτὴν ἑαυτῇ, ὥστ’ εἰ μὴ τὸ μέγεθοσ τοῦ Ἀτλαντικοῦ πελάγουσ ἐκώλυε, κἂν πλεῖν ἡμᾶσ ἐκ τῆσ Ἰβηρίασ εἰσ τὴν Ἰνδικὴν διὰ τοῦ αὐτοῦ παραλλήλου, τὸ λοιπὸν μέροσ παρὰ τὸ λεχθὲν διάστημα ὑπὲρ τὸ τρίτον μέροσ ὂν τοῦ ὅλου κύκλου· εἴπερ ὁ δι’ Ἀθηνῶν ἐλάττων ἐστὶν εἴκοσι μυριάδων, ὅπου πεποιήμεθα τὸν εἰρημένον σταδιασμὸν ἀπὸ τῆσ Ἰνδικῆσ εἰσ τὴν Ἰβηρίαν. οὐδὲ ταῦτα οὖν εὖ λέγει· οὗτοσ γὰρ ὁ λόγοσ περὶ μὲν τῆσ εὐκράτου καὶ καθ’ ἡμᾶσ ζώνησ λέγοιτ’ ἂν κατὰ τοὺσ μαθηματικούσ, ἧσ μέροσ ἡ οἰκουμένη ἐστί, περὶ δὲ τῆσ οἰκουμένησ . . . καλοῦμεν γὰρ οἰκουμένην ἣν οἰκοῦμεν καὶ γνωρίζομεν· ἐνδέχεται δὲ ἐν τῇ αὐτῇ εὐκράτῳ ζώνῃ καὶ δύο οἰκουμένασ εἶναι ἢ καὶ πλείουσ, καὶ μάλιστα ἐγγὺσ τοῦ δι’ Ἀθηνῶν κύκλου τοῦ διὰ τοῦ Ἀτλαντικοῦ πελάγουσ γραφομένου. πάλιν δὲ ἐπιμένων τῇ περὶ τοῦ σφαιροειδῆ τὴν γῆν εἶναι ἀποδείξει τῆσ αὐτῆσ ἐπιτιμήσεωσ ἂν τυγχάνοι. ὡσ δ’ αὕτωσ καὶ πρὸσ τὸν Ὅμηρον οὐ παύεται περὶ τῶν αὐτῶν διαφερόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 1, chapter 4 12:

(스트라본, 지리학, book 1, chapter 4 12:)

상위

목록

SEARCH

MENU NAVIGATION