헬라어 문장 검색 - ΠολψβίΗιστορί31́027́

(폴리비오스, Histories, book 31, chapter 27)

Μετὰ δὲ ταῦτα ταῖσ Σκιπίωνοσ μὲν τοῦ μεγάλου θυγατράσιν, ἀδελφαῖσ δὲ τοῦ κατὰ θέσιν πατρόσ, λαβόντοσ, αὐτὸν ἔδει τὴν ἡμίσειαν ἀποδοῦναι τῆσ φερνῆσ. ὅθεν ἔδει τὸν Σκιπίωνα διαλύειν τοῦτο τὸ χρέοσ ταῖσ τοῦ πατρὸσ ἀδελφαῖσ.

εὐθέωσ ὁ Σκιπίων συνέταξε τῷ τραπεζίτῃ τῶν εἴκοσι καὶ πέντε ταλάντων ἑκατέρᾳ ποιήσασθαι τὴν ἀνταπόδοσιν ἐν τοῖσ δέκα μησί.

τοῦ δὲ Τεβερίου καὶ τοῦ Νασικᾶ Σκιπίωνοσ, οὗτοι γὰρ ἦσαν ἄνδρεσ τῶν προειρημένων γυναικῶν, ἅμα τῷ διελθεῖν τοὺσ δέκα μῆνασ προσπορευομένων πρὸσ τὸν τραπεζίτην καὶ πυνθανομένων, εἴ τι συνετέτακτο Σκιπίων αὐτῷ περὶ τῶν χρημάτων, κἀκείνου κελεύοντοσ αὐτοὺσ κομίζεσθαι καὶ ποιοῦντοσ τὴν διαγραφὴν ἑκατέρῳ τῶν εἴκοσι καὶ πέντε ταλάντων, ἀγνοεῖν αὐτὸν ἔφασαν·

δεῖν γὰρ αὑτοὺσ οὐ πᾶν κατὰ τὸ παρόν, ἀλλὰ τὸ τρίτον μέροσ κομίζεσθαι κατὰ τοὺσ νόμουσ.

τοῦ δὲ φάσκοντοσ οὕτωσ αὐτῷ συντεταχέναι τὸν Σκιπίωνα, διαπιστήσαντεσ προῆγον ἐπὶ τὸν νεανίσκον, διειληφότεσ ἐκεῖνον ἀγνοεῖν.

καὶ τοῦτ’ ἔπασχον οὐκ ἀλόγωσ· οὐ γὰρ οἱο͂ν πεντήκοντα τάλαντα δοίη τισ ἂν ἐν Ῥώμῃ πρὸ τριῶν ἐτῶν, ἀλλ’ οὐδὲ τάλαντον ἓν πρὸ τῆσ τεταγμένησ ἡμέρασ·

τοιαύτη τίσ ἐστι καὶ τηλικαύτη παρὰ πάντασ ἅμα μὲν ἀκρίβεια.

περὶ τὸ διάφορον, ἅμα δὲ λυσιτέλεια περὶ τὸν χρόνον. οὐ μὴν ἀλλὰ προσπορευθέντων αὐτῶν καὶ πυνθανομένων πῶσ τῷ τραπεζίτῃ συντέταχε, τοῦ δ’ εἰπόντοσ ἀποδοῦναι πᾶν τὸ χρῆμα ταῖσ ἀδελφαῖσ, ἀγνοεῖν αὐτὸν ἔφασαν, ἅμα τὸ κηδεμονικὸν ἐμφανίζοντεσ·

ἐξεῖναι γὰρ αὐτὸν κατὰ τοὺσ νόμουσ χρῆσθαι τοῖσ διαφόροισ ἱκανὸν ἔτι χρόνον.

ὁ δὲ Σκιπίων ἔφησεν ἀγνοεῖν τούτων οὐδέν, ἀλλὰ πρὸσ μὲν τοὺσ ἀλλοτρίουσ τὴν ἐκ τῶν νόμων ἀκρίβειαν τηρεῖν, τοῖσ δὲ συγγενέσι καὶ φίλοισ ἁπλῶσ χρῆσθαι καὶ γενναίωσ κατὰ δύναμιν.

διὸ παραλαμβάνειν αὐτοὺσ ἐκέλευε πᾶν τὸ χρῆμα παρὰ τοῦ τραπεζίτου.

οἱ δὲ περὶ τὸν Τεβέριον ταῦτ’ ἀκούσαντεσ ἐπανῆγον σιωπῶντεσ, καταπεπληγμένοι μὲν τὴν τοῦ Σκιπίωνοσ μεγαλοψυχίαν, κατεγνωκότεσ δὲ τῆσ αὑτῶν μικρολογίασ, καίπερ ὄντεσ οὐδενὸσ δεύτεροι Ῥωμαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 27

(폴리비오스, Histories, book 31, chapter 27)

상위

목록

SEARCH

MENU NAVIGATION