헬라어 문장 검색 - ΠολψβίΗιστορί31́014́

(폴리비오스, Histories, book 31, chapter 14)

Ταῦτα διαναγνοὺσ ὁ Δημήτριοσ καὶ συννοήσασ τὰσ ὑποθέσεισ, καὶ τίνεσ καὶ παρὰ τίνοσ εἰσίν, παραυτίκα προσποιηθεὶσ ὡσ ἐπιναύσιοσ γεγονὼσ ἀπηλλάττετο, συμπροπεμπόντων αὐτὸν καὶ τῶν φίλων. παραγενόμενοσ δ’ ἐπὶ σκηνὴν τοὺσ μὲν ἀνεπιτηδείουσ τῶν οἰκετῶν ἐξέπεμψεν εἰσ τὰσ Ἀναγνείασ, συντάξασ λαβόντασ τὰ λίνα καὶ τοὺσ κύνασ ἀπαντᾶν ἐπὶ τὸ Κίρκαιον·

ἐκεῖ γὰρ ἐπιμελῶσ εἰώθει κυνηγετεῖν τὸν ὗν·

ἐξ οὗ καὶ τῆσ πρὸσ τὸν Πολύβιον αὐτῷ συνηθείασ τὴν καταρχὴν γενέσθαι συνέπεσεν. μετὰ δὲ ταῦτα τοῖσ περὶ τὸν Νικάνορα διεσάφει τὴν ἐπιβολὴν καὶ κοινωνεῖν παρεκάλει τῶν αὐτῶν ἐλπίδων.

αὐτοὺσ δὲ λαβόντασ ἐσθῆτασ τὰσ ὁδοιπορικὰσ ἀνακάμπτειν ὡσ αὐτόν, εἰπόντασ τοῖσ οἰκέταισ ὅτι μετὰ Δημητρίου συμμίξουσιν αὐτοῖσ κατὰ τὴν ἐπιοῦσαν ἐπὶ τὸν προειρημένον τόπον.

γενομένων δὲ πάντων καθὼσ προείρηται, προῆγον εἰσ τὴν Ὠστίαν νυκτὸσ ἐπὶ τὸ στόμα τοῦ Τιβέριοσ.

ὁ δὲ Μένυλλοσ προπορευόμενοσ ἐκοινολογεῖτο τοῖσ ναυτικοῖσ, φάσκων αὑτῷ προσπεπτωκέναι παρὰ τοῦ βασιλέωσ δι’ ὃ δέον ἐστὶν αὐτὸν μὲν μένειν κατὰ τὸ παρὸν ἐν τῇ Ῥώμῃ, τῶν δὲ νεανίσκων τοὺσ πιστοτάτουσ ἐκπέμψαι πρὸσ αὐτόν, παρ’ ὧν ἐπιγνώσεται πάντα τὰ κατὰ τὸν ἀδελφόν.

διόπερ αὐτὸσ μὲν οὐκ ἔφησεν ἐμβαίνειν, τοὺσ δὲ νεανίσκουσ ἥξειν περὶ μέσασ νύκτασ τοὺσ μέλλοντασ πλεῖν.

παρῆσαν οἱ περὶ τὸν Δημήτριον κατὰ τρίτην φυλακὴν λήγουσαν, ὄντεσ ὀκτὼ καὶ παῖδεσ πέντε καὶ παιδάρια τρία.

ὁ δὲ κυβερνήτησ ἄρτι διαφαύσκοντοσ ἄρασ τὰσ ἀγκύρασ ἐτέλει τὸν πλοῦν, ἁπλῶσ οὐδεμίαν ἔννοιαν ἔχων τοῦ πράγματοσ, ἀλλ’ ὡσ στρατιώτασ τινὰσ ἄγων παρὰ τοῦ Μενύλλου πρὸσ τὸν Πτολεμαῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, chapter 14

(폴리비오스, Histories, book 31, chapter 14)

상위

목록

SEARCH

MENU NAVIGATION