헬라어 문장 검색 - ΠολψβίΗιστορί14́009́

(폴리비오스, Histories, book 14, chapter 8)

Ὧν διασαφηθέντων εἰσ τὸ τῶν Ῥωμαίων στρατόπεδον εὐθέωσ ὁ Πόπλιοσ ἐγίνετο περὶ τὴν ἔξοδον, καὶ συντάξασ τοῖσ πολιορκοῦσι τὴν Ἰτύκην ἃ δέον ἦν πράττειν καὶ τοῖσ κατὰ θάλατταν ἐξώρμησε, τὸ στράτευμα πᾶν ἔχων εὔζωνον. τῇ δ’ ἑξῆσ καταβὰσ εἰσ τὰ πεδία καὶ προθέμενοσ τοὺσ ἱππέασ ἐν ἑπτὰ σταδίοισ παρενέβαλε.

δύο δὲ τὰσ κατὰ πόδασ ἡμέρασ μείναντεσ καὶ βραχέα διὰ τῶν ἀκροβολισμῶν καταπειράσαντεσ ἀλλήλων, τῇ τετάρτῃ κατὰ πρόθεσιν ἐξῆγον ἀμφότεροι καὶ παρενέβαλλον τὰσ δυνάμεισ.

ὁ μὲν οὖν Πόπλιοσ ἁπλῶσ κατὰ τὸ παρ’ αὐτοῖσ ἔθοσ ἔθηκε πρῶτον μὲν τὰσ τῶν ἁστάτων σημαίασ, ἐπὶ δὲ ταύταισ τὰσ τῶν πριγκίπων, τελευταίασ δ’ ἐπέστησε κατόπιν τὰσ τῶν τριαρίων·

τῶν δ’ ἱππέων τοὺσ μὲν Ἰταλικοὺσ ἐπὶ τὸ δεξιὸν ἔθηκε, τοὺσ δὲ Νομάδασ καὶ Μασαννάσαν ἐπὶ τὸ λαιόν.

οἱ δὲ περὶ τὸν Σόφακα καὶ τὸν Ἀσδρούβαν τοὺσ μὲν Κελτίβηρασ μέσουσ ἔταξαν ἀντίουσ ταῖσ τῶν Ῥωμαίων σπείραισ, τοὺσ δὲ Νομάδασ ἐξ εὐωνύμου, τοὺσ δὲ Καρχηδονίουσ ἐκ τῶν δεξιῶν.

ἅμα δὲ τῷ γενέσθαι τὴν πρώτην ἔφοδον εὐθέωσ οἱ Νομάδεσ ἐνέκλιναν τοὺσ Ἰταλικοὺσ ἱππεῖσ, οἵ τε Καρχηδόνιοι τοὺσ περὶ τὸν Μασαννάσαν, ἅτε πλεονάκισ ἤδη προηττημένοι ταῖσ ψυχαῖσ.

οἱ δὲ Κελτίβηρεσ ἐμάχοντο γενναίωσ, συστάντεσ τοῖσ Ῥωμαίοισ.

οὔτε γὰρ φεύγοντεσ ἐλπίδα σωτηρίασ εἶχον διὰ τὴν ἀπειρίαν τῶν τόπων οὔτε ζωγρίᾳ κρατηθέντεσ διὰ τὴν ἀθεσίαν τὴν εἰσ τὸν Πόπλιον· οὐδὲν γὰρ πολέμιον πεπονθότεσ ὑπ’ αὐτοῦ κατὰ τὰσ ἐν Ἰβηρίᾳ πράξεισ ἀδίκωσ ἐφαίνοντο καὶ παρασπόνδωσ ἥκειν κατὰ Ῥωμαίων συμμαχήσοντεσ τοῖσ Καρχηδονίοισ.

οὐ μὴν ἀλλ’ ἅμα τῷ κλῖναι τοὺσ ἀπὸ τῶν κεράτων ταχέωσ κυκλωθέντεσ ὑπὸ τῶν πριγκίπων καὶ τριαρίων αὐτοῦ κατεκόπησαν πάντεσ πλὴν τελέωσ ὀλίγων.

οἱ μὲν οὖν Κελτίβηρεσ τοῦτον τὸν τρόπον ἀπώλοντο, μεγάλην [παρ’ ὅλην] παρασχόμενοι χρείαν τοῖσ Καρχηδονίοισ οὐ μόνον κατὰ τὴν μάχην, ἀλλὰ καὶ κατὰ τὴν φυγήν.

εἰ μὴ γὰρ τοῦτ’ ἐμπόδιον ἐγένετο τοῖσ Ῥωμαίοισ, ἀλλ’ εὐθέωσ ἐκ ποδὸσ ἠκολούθησαν τοῖσ φεύγουσι, παντελῶσ ἂν ὀλίγοι διέφυγον τῶν ὑπεναντίων.

νῦν δὲ περὶ τούτουσ γενομένησ ἐπιστάσεωσ οἵ τε περὶ τὸν Σόφακα μετὰ τῶν ἱππέων ἀσφαλῶσ ἐποιήσαντο τὴν ἀποχώρησιν εἰσ τὴν οἰκείαν, οἵ τε περὶ τὸν Ἀσδρούβαν μετὰ τῶν διασῳζομένων εἰσ τὴν Καρχηδόνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 8

(폴리비오스, Histories, book 14, chapter 8)

상위

목록

SEARCH

MENU NAVIGATION