Polybius, Histories, book 14, chapter 12

(폴리비오스, Histories, book 14, chapter 12)

Ἴσωσ δέ τινεσ ἐπαπορήσουσι πῶσ ἡμεῖσ τὰσ ἄλλασ πράξεισ ἁπάσασ κατ’ ἐνιαυτὸν γράφοντεσ τὰσ καταλλήλουσ περὶ μόνων τῶν κατ’ Αἴγυπτον ἐν καιρῷ τῷ νῦν ἐκ πλείονοσ χρόνου πεποιήμεθα τὴν ἐξήγησιν. ἡμεῖσ δὲ τοῦτο πεποιήκαμεν διά τινασ τοιαύτασ αἰτίασ.

Πτολεμαῖοσ ὁ βασιλεύσ, περὶ οὗ νῦν ὁ λόγοσ, ὁ Φιλοπάτωρ, μετὰ τὸ συντελεσθῆναι τὸν περὶ Κοίλην Συρίαν πόλεμον ἀποστὰσ πάντων τῶν καλῶν ἐτράπη πρὸσ βίον ἄσωτον καὶ τοιοῦτον οἱο͂ν ἀρτίωσ διεληλύθαμεν.

ὀψὲ δέ ποτε βιασθεὶσ ὑπὸ τῶν πραγμάτων ἐνέπεσεν εἰσ τὸν νῦν δεδηλωμένον πόλεμον, ὃσ χωρὶσ τῆσ εἰσ ἀλλήλουσ ὠμότητοσ καὶ παρανομίασ οὔτε παράταξιν οὔτε ναυμαχίαν οὔτε πολιορκίαν οὔθ’ ἕτερον οὐδὲν ἔσχε μνήμησ ἄξιον.

διόπερ ὑπέδραμεν οὕτω κἀμοὶ τῷ γράφοντι ῥᾳδίαν ἔσεσθαι καὶ τοῖσ ἀναγινώσκουσιν εὐμαθεστέραν τὴν διήγησιν, εἰ μὴ κατ’ ἐνιαυτὸν ἐπιψαύων μικρῶν [καὶ] οὐκ ἀξίων ἐπιστάσεωσ πραγμάτων ἀποδιδοίην τὸν λόγον, ἀλλ’ εἰσάπαξ οἱο͂ν εἰ σωματοειδῆ ποιήσασ τὴν τοῦ βασιλέωσ προαίρεσιν ἀπαγγείλαιμι περὶ αὐτῆσ.

일치하는 문장이 없습니다.

SEARCH

MENU NAVIGATION