헬라어 문장 검색 - ΠολψβίΗιστορί14́004́

(폴리비오스, Histories, book 14, chapter 3)

Ὁ δὲ Σόφαξ ταῦτα διακούσασ ἔφερε μὲν δυσχερῶσ διὰ τὸ προκατηλπικέναι περὶ τῶν διαλύσεων, συνῄει δὲ πρὸσ τὸν Ἀσδρούβαν εἰσ λόγουσ, καὶ διεσάφει τὰ παρὰ τῶν Ῥωμαίων αὐτῷ προσαγγελλόμενα. περὶ ὧν πολλὰ διαπορήσαντεσ ἐβουλεύοντο πῶσ σφίσι καθήκει χρῆσθαι τοῖσ ἑξῆσ πράγμασι, πλεῖστον ἀπέχοντεσ ταῖσ ἐννοίαισ καὶ ταῖσ ἐπιβολαῖσ τοῦ μέλλοντοσ·

περὶ φυλακῆσ μὲν γὰρ ἢ τοῦ πείσεσθαί τι δεινὸν οὐδ’ ἡντινοῦν εἶχον πρόληψιν, περὶ δὲ τοῦ δρᾶσαί τι καὶ προκαλέσασθαι τοὺσ πολεμίουσ εἰσ ὁμαλὸν τόπον πολλή τισ ἦν αὐτῶν ὁρμὴ καὶ προθυμία.

τῶν δὲ χιλιάρχων τοὺσ ἐπιτηδειοτάτουσ καὶ πιστοτάτουσ καλέσασ περὶ μέσον ἡμέρασ ἐξέθηκε τὴν ἐπιβολήν, καὶ παρήγγειλε δειπνοποιησαμένουσ καθ’ ὡρ́αν ἐξάγειν τὰ στρατόπεδα πρὸ τοῦ χάρακοσ, ἐπειδὰν κατὰ τὸν ἐθισμὸν οἱ σαλπιγκταὶ σημαίνωσιν ἅμα πάντεσ·

ἔστι γὰρ ἔθοσ Ῥωμαίοισ κατὰ τὸν τοῦ δείπνου καιρὸν τοὺσ βυκανητὰσ καὶ σαλπιγκτὰσ πάντασ σημαίνειν παρὰ τὴν τοῦ στρατηγοῦ σκηνήν, χάριν τοῦ τὰσ νυκτερινὰσ φυλακὰσ κατὰ τὸν καιρὸν τοῦτον ἵστασθαι κατὰ τοὺσ ἰδίουσ τόπουσ.

μετὰ δὲ ταῦτα τοὺσ κατασκόπουσ ἀνακαλεσάμενοσ, οὓσ ἐτύγχανε διαπεμπόμενοσ εἰσ τὰ τῶν πολεμίων στρατόπεδα, συνέκρινε καὶ διηρεύνα τὰ λεγόμενα περί τε τῶν προσβάσεων καὶ τῶν εἰσόδων τῶν εἰσ τὰσ παρεμβολάσ, χρώμενοσ ἐπικριτῇ τῶν λεγομένων καὶ συμβούλῳ Μασαννάσᾳ διὰ τὴν τῶν τόπων ἐμπειρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 3

(폴리비오스, Histories, book 14, chapter 3)

상위

목록

SEARCH

MENU NAVIGATION