헬라어 문장 검색 - Πλυταρ́Θυαεστι

(플루타르코스, Quaestiones Convivales, book 1, Διὰ τί τῆσ Αἰαντίδοσ φυλῆσ Ἀθήνησιν οὐδέποτε τὸν χορὸν ἔκρινον ὕστατον.)

. ἔσχε γὰρ ὁ ἀγὼν ἐντονωτάτην ἅμιλλαν, ἀγωνοθετοῦντοσ ἐνδόξωσ καὶ μεγαλοπρεπῶσ Φιλοπάππου τοῦ βασιλέωσ ταῖσ φυλαῖσ ὁμοῦ πάσαισ χορηγοῦντοσ. ἐτύγχανε δὲ συνεστιώμενοσ ἡμῖν καὶ τῶν παλαιῶν τὰ μὲν λέγων τὰ δ’ ἀκούων διὰ φιλανθρωπίαν οὐχ ἧττον ἢ φιλομάθειαν.

Προεβλήθη δέ τι τοιοῦτον ὑπὸ Μάρκου τοῦ γραμματικοῦ.

Νεάνθη τὸν Κυζικηνὸν ἔφη λέγειν ἐν τοῖσ κατὰ πόλιν μυθικοῖσ, ὅτι τῇ Αἰαντίδι φυλῇ γέρασ ὑπῆρχε τὸ μὴ κρίνεσθαι τὸν αὐτῆσ χορὸν ἔσχατον· "ἂν οὖν ψεῦδοσ ᾖ τὸ λεγόμενον;

"εἰ ταὐτὸ πεισόμεθα Δημοκρίτῳ τῷ σοφῷ διὰ φιλολογίαν.

"καὶ γὰρ ἐκεῖνοσ ὡσ ἐοίκε τρώγων σίκυον, ὡσ ἐφάνη μελιτώδησ ὁ χυμόσ, ἠρώτησε τὴν διακονοῦσαν, ὁπόθεν πρίαιτο· "τῆσ δὲ κῆπόν τινα φραζούσησ, ἐκέλευσεν ἐξαναστὰσ ἡγεῖσθαι καὶ δεικνύναι τὸν τόπον· "θαυμάζοντοσ δὲ τοῦ γυναίου καὶ πυνθανομένου τί βούλεται, τὴν αἰτίαν ἔφη δεῖ με τῆσ γλυκύτητοσ εὑρεῖν, εὑρήσω δὲ τοῦ χωρίου γενόμενοσ θεατήσ· "κατάκεισο δή τὸ γύναιον εἶπε μειδιῶν, ἐγὼ γὰρ ἀγνοήσασα τὸ σίκυον εἰσ ἀγγεῖον ἐθέμην μεμελιτωμένον· "ὁ δ’ ὥσπερ ἀχθεσθεὶσ ἀπέκναισασ εἶπε καὶ οὐδὲν ἧττον ἐπιθήσομαι τῷ λόγῳ καὶ ζητήσω τὴν αἰτίαν, ὡσ ἂν οἰκείου καὶ συγγενοῦσ οὔσησ τῷ σικύῳ τῆσ γλυκύτητοσ. "οὐκοῦν μηδ’ ἡμεῖσ τὴν Νεάνθουσ ἐν ἐνίοισ εὐχέρειαν ἀποδράσεωσ ποιησώμεθα πρόφασιν ἐγγυμνάσασθαι γάρ, εἰ μηδὲν ἄλλο χρήσιμον, ὁ λόγοσ παρέξει. πάντεσ οὖν ὁμαλῶσ ἐρρύησαν πρὸσ τὸ τὴν φυλὴν ἐγκωμιάζειν, εἴ τι καλὸν πρὸσ δόξαν αὐτῇ ὑπῆρχεν ἀναλεγόμενοι.

καὶ γὰρ ὁ Μαραθὼν εἰσ, μέσον εἵλκετο, δῆμοσ ὢν ἐκείνησ τῆσ φυλῆσ· τοὺσ περὶ Ἁρμόδιον Αἰαντίδασ ἀπέφαινον, Ἀφιδναίουσ γε δὴ τῶν δήμων γεγονότασ.

Γλαυκίασ δ’ ὁ ῥήτωρ καὶ τὸ δεξιὸν κέρασ Αἰαντίδαισ τῆσ ἐν Μαραθῶνι παρατάξεωσ ἀποδοθῆναι, ταῖσ Αἰσχύλου εἰσ τὴν μεθορίαν ἐλεγείαισ πιστούμενοσ, ἠγωνισμένου τὴν μάχην ἐκείνην ἐπιφανῶσ·

ἔτι δὲ καὶ Καλλίμαχον ἀπεδείκνυε τὸν πολέμαρχον ἐξ ἐκείνησ ὄντα τῆσ φυλῆσ, ὃσ αὑτόν τε παρέσχεν ἄριστον ἄνδρα καὶ τῆσ μάχησ μετά γε Μιλτιάδην αἰτιώτατοσ κατέστη, σύμψηφοσ ἐκείνῳ γενόμενοσ. ἐγὼ δὲ τῷ Γλαυκίᾳ προσετίθην, ὅτι καὶ τὸ ψήφισμα, καθ’ ὃ τοὺσ Ἀθηναίουσ ἐξήγαγε, τῆσ Αἰαντίδοσ φυλῆσ πρυτανευούσησ γραφείη, καὶ ὅτι περὶ τὴν ἐν Πλαταιαῖσ μάχην εὐδοκιμήσειεν ἡ φυλὴ μάλιστα·

διὸ καὶ ταῖσ Σφραγίτισι Νύμφαισ τὴν ἐπινίκιον καὶ πυθόχρηστον ἀπῆγον Αἰαντίδαι θυσίαν εἰσ Κιθαιρῶνα, τῆσ πόλεωσ τὸ ἱερεῖον καὶ τἄλλα παρεχούσησ αὐτοῖσ.

"πολλὰ καὶ ταῖσ ἄλλαισ φυλαῖσ ὑπάρχει.

", καὶ πρώτην γε τὴν ἐμὴν ἴστε δὴ τὴν Λεοντίδα μηδεμιᾷ δόξησ ὑφιεμένην. "σκοπεῖτε δὲ δή, μὴ πιθανώτερον λέγεται τὸ παραμύθιον τοῦ ἐπωνύμου τῆσ φυλῆσ καὶ παραίτησιν εἶναι τὸ γιγνόμενον· "οὐ γὰρ εὔκολοσ ἐνεγκεῖν ἧτταν ὁ Τελαμώνιοσ, ἀλλ’ οἱο͂σ ἀφειδεῖν πάντων ὑπ’ ὀργῆσ καὶ φιλονεικίασ· "ἵν’ οὖν μὴ χαλεπὸσ μηδ’ ἀπαραμύθητοσ, ἔδοξε τῆσ ἥττησ ἀφελεῖν τὸ δυσχερέστατον, εἰσ τὴν ἐσχάτην χώραν μηδέποτε τὴν φυλὴν αὐτοῦ καταβαλόντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 1, Διὰ τί τῆσ Αἰαντίδοσ φυλῆσ Ἀθήνησιν οὐδέποτε τὸν χορὸν ἔκρινον ὕστατον.

(플루타르코스, Quaestiones Convivales, book 1, Διὰ τί τῆσ Αἰαντίδοσ φυλῆσ Ἀθήνησιν οὐδέποτε τὸν χορὸν ἔκρινον ὕστατον.)

상위

목록

SEARCH

MENU NAVIGATION