헬라어 문장 검색 - Πλυταρ́Δεγαρρύ20́

(플루타르코스, De garrulitate, section 20)

δεύτερον τοίνυν ἄσκημα πρὸσ τὰσ ἰδίασ ἀποκρίσεισ ἐστίν, αἷσ οὐχ ἥκιστα δεῖ προσέχειν τὸν ἀδόλεσχον πρῶτον μέν, ἵνα μὴ λάθῃ τοῖσ ἐπὶ γέλωτι καὶ ὕβρει προκαλουμένοισ εἰσ λόγουσ αὐτὸν ἀποκρινόμενοσ μετὰ σπουδῆσ. ἔνιοι γὰρ οὐδὲν δεόμενοι διατριβῆσ δὲ καὶ παιδιᾶσ ἕνεκα συνθέντεσ τινὰσ ἐρωτήσεισ προβάλλουσι τοῖσ τοιούτοισ καὶ ἀνακινοῦσιν αὐτῶν τὸν λῆρον ὃ δεῖ φυλάττεσθαι, καὶ μὴ ταχὺ τῷ λόγῳ μηδ’ ὥσπερ χάριν ἔχοντασ ἐπιπηδᾶν, ἀλλὰ καὶ τὸν τρόπον τοῦ πυνθανομένου σκοπεῖν καὶ τὴν χρείαν. ὅταν δὲ φαίνηται τῷ ὄντι βουλόμενοσ μαθεῖν, ἐθιστέον ἐφιστάναι καὶ ποιεῖν τι διάλειμμα μεταξὺ τῆσ ἐρωτήσεωσ καὶ τῆσ ἀποκρίσεωσ, ἐν ᾧ προσθεῖναι μὲν ὁ ἐρωτῶν, εἴ τι βούλεται, δύναται, σκέψασθαι δ’ αὐτὸσ περὶ ὧν ἀποκρινεῖται, καὶ μὴ κατατρέχειν μηδὲ καταχωννύναι τὴν ἐρώτησιν, ἔτι πυνθανομένοισ πολλάκισ ὑπὸ σπουδῆσ ἄλλασ ἀντ’ ἄλλων ἀποκρίσεισ διδόντα. ἡ μὲν γὰρ Πυθία καὶ πρὸ ἐρωτήσεωσ αὐθωρὶ χρησμοὺσ εἰώθέ τινασ ἐκφέρειν ὁ γὰρ θεόσ, ᾧ λατρεύει, καὶ κωφοῦ ξυνίησι καὶ οὐ λαλέοντοσ ἀκούει, τὸν δὲ βουλόμενον ἐμμελῶσ ἀποκρίνασθαι δεῖ τὴν διάνοιαν ἀναμεῖναι καὶ τὴν προαίρεσιν ἀκριβῶσ καταμαθεῖν τοῦ πυνθανομένου, μὴ γένηται τὸ κατὰ τὴν παροιμίαν ἄμασ ἀπῄτουν, οἱ δ’ ἀπηρνοῦντο σκάφασ.

ἄλλωσ δὲ τὸ λάβρον τοῦτο καὶ πρὸσ τοὺσ λόγουσ ὀξύπεινον ἀνακρουστέον, ἵνα μὴ δοκῇ καθάπερ ῥεῦμα τῇ γλώττῃ πάλαι προσιστάμενον ἀσμένωσ ὑπὸ τῆσ ἐρωτήσεωσ ἐξερᾶσθαι.

καὶ γὰρ ὁ Σωκράτησ οὕτωσ ἐκόλουε τὴν δίψαν, οὐκ ἐφιεὶσ ἑαυτῷ πιεῖν μετὰ γυμνάσιον, εἰ μὴ τὸν πρῶτον ἐκχέαι κάδον ἀνιμήσασ ὅπωσ ἐθίζηται τὸν τοῦ λόγου καιρὸν ἀναμένειν τὸ ἄλογον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De garrulitate, section 20

(플루타르코스, De garrulitate, section 20)

상위

목록

SEARCH

MENU NAVIGATION