헬라어 문장 검색 - Πλυταρ́Δεγαρρύ19́

(플루타르코스, De garrulitate, section 19)

οὐ γὰρ ἔστιν ὡσ χαλινῶν ἐφαψαμένουσ ἐπισχεῖν τὸν ἀδολέσχην, ἀλλ’ ἔθει δεῖ κρατῆσαι τοῦ νοσήματοσ. πρῶτον μὲν οὖν ἐν ταῖσ τῶν πέλασ ἐρωτήσεσιν ἑαυτὸν ἐθιζέτω σιωπᾶν μέχρι οὗ πάντεσ ἀπείπωνται τὴν ἀπόκρισιν οὐ γάρ τι βουλῆσ ταὐτὸ καὶ δρόμου τέλοσ, ὥσ φησι Σοφοκλῆσ, οὐδέ γε φωνῆσ καὶ ἀποκρίσεωσ· ἀλλ’ ἐκεῖ μὲν ἡ νίκη τοῦ φθάσαντόσ ἐστιν, ἐνταῦθα δέ, ἐὰν μὲν ἱκανῶσ ἕτεροσ ἀποκρίνηται, καλῶσ ἔχει συνεπαινέσαντα καὶ συνεπιφήσαντα δόξαν εὐμενοῦσ ἀνθρώπου λαβεῖν· ἐὰν δὲ μή, τότε καὶ διδάξαι τὸ ἠγνοημένον καὶ ἀναπληρῶσαι τὸ ἐλλεῖπον ἀνεπίφθονον καὶ οὐκ ἄκαιρόν ἐστι.

μάλιστα δὲ φυλάττωμεν ἑαυτούσ, ὅπωσ μὴ ἑτέρου τινὸσ ἐρωτηθέντοσ αὐτοὶ προλαμβάνωμεν ὑποφθάνοντεσ τὴν ἀπόκρισιν. ἴσωσ μὲν γὰρ οὐδ’ ἄλλοτε καλῶσ ἔχον ἐστίν, αἰτηθέντοσ ἑτέρου, παρωσαμένουσ ἐκεῖνον αὐτοὺσ ἐπαγγέλλεσθαι δόξομεν γὰρ ἅμα καὶ τοῦτον ὡσ παρασχεῖν ὃ αἰτεῖται μὴ δυνάμενον, κἀκεῖνον ὡσ αἰτεῖν παρ’ ὧν δύναται λαβεῖν οὐκ ἐπιστάμενον ὀνειδίζειν μάλιστα δ’ ὕβριν φέρει περὶ τὰσ ἀποκρίσεισ ἡ τοιαύτη προπέτεια καὶ θρασύτησ. "τί τούτου δέῃ;

"τί οὗτοσ οἶδε; "ἐμοῦ παρόντοσ, περὶ τούτων οὐδένα δεῖ ἄλλον ἐρωτᾶν. καίτοι πολλάκισ τινὰσ ἐρωτῶμεν οὐ τοῦ λόγου δεόμενοι, φωνὴν δέ τινα καὶ φιλοφροσύνην ἐκκαλούμενοι παρ’ αὐτῶν καὶ προαγαγεῖν εἰσ ὁμιλίαν ἐθέλοντεσ, ὡσ Σωκράτησ Θεαίτητον καὶ Χαρμίδην. πρὸσ ἑαυτὸν ὅπου, κἂν ἀπείπηται τὸν λόγον ὁ αἰτηθείσ, ἐπισχόντα καλῶσ ἔχει καὶ πρὸσ τὸ βουλόμενον τοῦ ἐρωτῶντοσ ἁρμοσάμενον ὡσ ἐπὶ κλῆσιν ἀλλοτρίαν αἰδημόνωσ καὶ κοσμίωσ ἀπαντᾶν.

καὶ γὰρ οἱ μὲν ἐρωτηθέντεσ, ἂν σφαλῶσιν ἐν τῷ ἀποκρίνασθαι, συγγνώμησ δικαίασ τυγχάνουσιν ὁ δ’ αὐθαιρέτωσ ὑφιστάμενοσ καὶ προλαμβάνων τὸν λόγον ἀηδὴσ μέν ἐστι καὶ κατορθῶν, διαμαρτάνων δὲ παντάπασιν ἐπίχαρτοσ γίνεται καὶ καταγέλαστοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De garrulitate, section 19

(플루타르코스, De garrulitate, section 19)

상위

목록

SEARCH

MENU NAVIGATION