헬라어 문장 검색 - Πλυταρ́Δεδεφεξ́08́

(플루타르코스, De defectu oraculorum, section 8)

"ὦ Λαμπρία, καὶ πρόσεχε τῷ λόγῳ τὴν διάνοιαν, ὅπωσ μὴ τὸν θεὸν ἀναίτιον ποιῶμεν. "ὁ γὰρ ἄλλῳ τινὶ καὶ μὴ θεοῦ γνώμῃ τὰ παυσάμενα τῶν χρηστηρίων ἐκλιπεῖν ἡγούμενοσ, ὑπόνοιαν δίδωσι τοῦ μὴ γίνεσθαι μηδ’ εἶναι διὰ τὸν θεὸν ἀλλ’ ἑτέρῳ τινὶ τρόπῳ νομίζειν. "οὐ γὰρ ἄλλη γέ τισ ἔστι μείζων οὐδὲ κρείττων δύναμισ, ὥστ’ ἀναιρεῖν καὶ ἀφανίζειν ἔργον θεοῦ τὴν μαντικὴν οὖσαν. "ὁ μὲν οὖν Πλανητιάδου λόγοσ οὐκ ἀρεστὸσ ἐμοὶ διά τε τἄλλα καὶ τὴν ἀνωμαλίαν, ἣν περὶ τὸν θεὸν ποιεῖ, πῆ μὲν ἀποστρεφόμενον καὶ ἀπαξιοῦντα τὴν κακίαν πῆ δὲ πάλιν αὖ προσιέμενον ὥσπερ βασιλεύσ τισ ἢ τύραννοσ ἑτέραισ ἀποκλείων θύραισ τοὺσ πονηροὺσ καθ’ ἑτέρασ εἰσδέχοιτο καὶ χρηματίζοι. "τοῦ δὲ μετρίου καὶ ἱκανοῦ καὶ μηδαμῆ περιττοῦ πανταχῆ δ’ αὐτάρκουσ, μάλιστα τοῖσ θεοῖσ πρέποντοσ ἔργου , εἰ ταύτην ἀρχὴν λαβὼν φαίη τισ, ὅτι τῆσ κοινῆσ ὀλιγανδρίασ, ἣν αἱ πρότεραι στάσεισ καὶ οἱ πόλεμοι περὶ πᾶσαν ὁμοῦ τι τὴν οἰκουμένην ἀπειργάσαντο, πλεῖστον μέροσ ἡ Ἑλλὰσ μετέσχηκε, καὶ μόλισ ἂν νῦν ὅλη παράσχοι τρισχιλίουσ ὁπλίτασ, ὅσουσ ἡ Μεγαρέων μία πόλισ ἐξέπεμψεν εἰσ Πλαταιέασ οὐδὲν οὖν ἕτερον ἦν τὸ πολλὰ καταλιπεῖν χρηστήρια τὸν θεὸν ἢ τῆσ Ἑλλάδοσ ἐλέγχειν τὴν ἐρημίαν, ἀκριβῶσ ἂν αὐτῷ παράσχοιμι τῆσ εὑρησιλογίασ. "τίνοσ γὰρ ἦν ἀγαθόν, εἱ ἐν Τεγύραισ ὡσ πρότερον ἦν μαντεῖον, ἢ περὶ τὸ Πτῷον ὅπου μεθ’ ἡμέρασ ἐντυχεῖν ἔστιν ἀνθρώπῳ νέμοντι; "καὶ γὰρ τοῦτο δὴ τοὐνταῦθα πρεσβύτατον ὂν χρόνῳ τε δόξῃ τε κλεινότατον ὑπὸ θηρίου χαλεποῦ δρακαίνησ πολὺν χρόνον ἔρημον γενέσθαι καὶ ἀπροσπέλαστον ἱστοροῦσιν, οὐκ ὀρθῶσ τὴν ἀργίαν ἀλλ’ ἀνάπαλιν λαμβάνοντεσ· "ἡ γὰρ ἐρημία τὸ θηρίον ἐπηγάγετο μᾶλλον ἢ τὸ θηρίον ἐποίησε τὴν ἐρημίαν. "ἐπεὶ δὲ τῷ θεῷ δόξαν οὕτωσ ἥ θ’ Ἑλλὰσ ἐρρώσθη πόλεσι καὶ τὸ χωρίον ἀνθρώποισ ἐπλήθυνε, δυσὶν ἐχρῶντο προφήτισιν ἐν μέρει καθιεμέναισ, καὶ τρίτη δ’ ἔφεδροσ ἦν ἀποδεδειγμένη. "νῦν δ’ ἔστι μία προφῆτισ, καὶ οὐκ ἐγκαλοῦμεν ἐξαρκεῖ γὰρ αὕτη τοῖσ δεομένοισ. "οὐ τοίνυν αἰτιατέον οὐδὲ τὸν θεόν· "ἡ γὰρ οὖσα μαντικὴ καὶ διαμένουσα πᾶσίν ἐστιν ἱκανὴ καὶ πάντασ ἀποπέμπει τυγχάνοντασ ὧν χρῄζουσιν. "ὥσπερ οὖν ἐννέα κήρυξιν ὁ Ἀγαμέμνων ἐχρῆτο, καὶ μόλισ κατεῖχε τὴν ἐκκλησίαν διὰ πλῆθοσ, ἐνταῦθα δ’ ὄψεσθε μεθ’ ἡμέρασ ὀλίγασ ἐν τῷ θεάτρῳ μίαν φωνὴν ἐξικνουμένην εἰσ πάντασ· "οὕτω τότε πλείοσιν ἐχρῆτο φωναῖσ πρὸσ πλείονασ ἡ μαντικὴ , νῦν δὲ τοὐναντίον ἔδει θαυμάζειν τὸν θεόν, εἰ περιεώρα τὴν μαντικὴν ἀχρήστωσ δίκην ὕδατοσ ἀπορρέουσαν ἢ καθάπερ αἱ πέτραι ποιμένων ἐν ἐρημίᾳ καὶ βοσκημάτων φωναῖσ ἀντηχοῦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De defectu oraculorum, section 8

(플루타르코스, De defectu oraculorum, section 8)

상위

목록

SEARCH

MENU NAVIGATION