헬라어 문장 검색 - Διογεν́Λιϝεσοφ́4́05́

(디오게네스 라에르티오스, Lives of Eminent Philosophers, D, Kef. e'. KRANTWR)

Κράντωρ Σολεὺσ θαυμαζόμενοσ ἐν τῇ ἑαυτοῦ πατρίδι ἀπῆρεν εἰσ Ἀθήνασ καὶ Ξενοκράτουσ διήκουσε Πολέμωνι συσχολάζων. καὶ κατέλιπεν ὑπομνήματα εἰσ μυριάδασ στίχων τρεῖσ, ὧν τινά τινεσ Ἀρκεσιλάῳ προσάπτουσι. φασὶ δὲ αὐτὸν ἐρωτηθέντα τίνι θηραθείη ὑπὸ Πολέμωνοσ, εἰπεῖν τῷ μήτ’ ὀξύτερον μήτε βαρύτερον ἀκοῦσαι φθεγγομένου. οὗτοσ νοσήσασ εἰσ τὸ Ἀσκληπιεῖον ἀνεχώρησε κἀκεῖ περιεπάτει· οἱ δὲ πανταχόθεν προσῄεσαν αὐτῷ, νομίζοντεσ οὐ διὰ νόσον, ἀλλὰ βούλεσθαι αὐτόθι σχολὴν συστήσασθαι. ὧν ἦν καὶ Ἀρκεσίλαοσ θέλων ὑπ’ αὐτοῦ συστῆναι Πολέμωνι, καίπερ ἐρῶντοσ, ὡσ ἐν τῷ περὶ Ἀρκεσιλάου λέξομεν. ἀλλὰ καὶ αὐτὸν ὑγιάναντα διακούειν Πολέμωνοσ, ἐφ’ ᾧ καὶ μάλιστα θαυμασθῆναι.

λέγεται δὲ καὶ τὴν οὐσίαν καταλιπεῖν Ἀρκεσιλάω, ταλάντων οὖσαν δυοκαίδεκα. καὶ ἐρωτηθέντα πρὸσ αὐτοῦ ποῦ βούλεται ταφῆναι, εἰπεῖν· ἐν γῆσ φίλησ μυχοῖσι κρυφθῆναι καλόν. λέγεται δὲ καὶ ποιήματα γράψαι καὶ ἐν τῇ πατρίδι ἐν τῷ τῆσ Ἀθηνᾶσ ἱερῷ σφραγισάμενοσ αὐτὰ θεῖναι. καί φησι Θεαίτητοσ ὁ ποιητὴσ περὶ αὐτοῦ οὑτωσί· ἥνδανεν ἀνθρώποισ, ὁ δ’ ἐπὶ πλέον ἥνδανε Μούσαισ Κράντωρ, καὶ γήρωσ ἤλυθεν οὔτι πρόσω. γῆ, σὺ δὲ τεθνηῶτα τὸν ἱερὸν ἄνδρ’ ὑπόδεξαι· ἠρέμα καὶ κεῖθι ζῴη ἐν εὐθενίῃ. Ἐθαύμαζε δὲ ὁ Κράντωρ πάντων δὴ μᾶλλον Ὅμηρον καὶ Εὐριπίδην, λέγων ἐργῶδεσ εἶναι ἐν τῷ κυρίῳ τραγικῶσ ἅμα καὶ συμπαθῶσ γράψαι.

καὶ προεφέρετο τὸν στίχον τὸν ἐκ τοῦ Βελλεροφόντου· οἴμοι· τί δ’ οἴμοι; θνητά τοι πεπόνθαμεν. λέγεται δὲ καὶ Ἀνταγόρα τοῦ ποιητοῦ ὡσ Κράντοροσ εἰσ Ἔρωτα πεποιημένα φέρεσθαι ταυτί· ἐν δοιῇ μοι θυμόσ, ἐπεὶ γένοσ ἀμφίσβητον, ἤ σε θεῶν τὸν πρῶτον ἀειγενέων, Ἔροσ, εἴπω, τῶν ὅσσουσ Ἔρεβόσ τε πάλαι βασίλειά τε παῖδασ γείνατο Νὺξ πελάγεσσιν ὑπ’ εὐρέοσ Ὠκεανοῖο· ἤ σέ γε Κύπριδοσ υἱᾶ περίφρονοσ, ἠέ σε Γαίησ, ἢ Ἀνέμων·

τοῖοσ σὺ κακὰ φρονέων ἀλάλησαι ἀνθρώποισ ἠδ’ ἐσθλά· τὸ καὶ σέο σῶμα δίφυιον. Ἦν δὲ καὶ δεινὸσ ὀνοματοποιῆσαι. τραγῳδὸν γοῦν ἀπελέκητον εἶπεν ἔχειν φωνὴν καὶ φλοιοῦ μεστήν· καί τινοσ ποιητοῦ σκίφησ μεστοὺσ εἶναι τοὺσ στίχουσ· καὶ τὰσ Θεοφράστου θέσεισ ὀστρέῳ γεγράφθαι. θαυμάζεται δὲ αὐτοῦ βιβλίον μάλιστα τὸ Περὶ πένθουσ. καὶ κατέστρεψε πρὸ Πολέμωνοσ καὶ Κράτητοσ, ὑδρωπικῇ διαθέσει νοσήσασ. καὶ ἔστιν εἰσ αὐτὸν ἡμῶν· ἐπέκλυσε καὶ σέ, Κράντορ, ἡ νόσων κακίστη, χοὔτω μέλαν κατῆλθεσ Πλουτέωσ ἄβυσσον. καὶ σὺ μὲν ἐκεῖθι χαίρεισ, σῶν λόγων δὲ χήρη ἕστηκεν Ἀκαδήμεια καὶ Σόλοι, πατρίσ σευ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef. e'. KRANTWR

(디오게네스 라에르티오스, Lives of Eminent Philosophers, D, Kef. e'. KRANTWR)

상위

목록

SEARCH

MENU NAVIGATION