헬라어 문장 검색 - Δεμοστ́Σπεεξηε

(데모스테네스, Speeches 31-40, Παραγραφὴ πρὸσ Ναυσίμακον καὶ Ξενοπείθην)

δεδωκότων, ὦ ἄνδρεσ δικασταί, τῶν νόμων παραγράψασθαι περὶ ὧν ἄν τισ ἀφεὶσ καὶ ἀπαλλάξασ πάλιν δικάζηται, γεγενημένων ἀμφοτέρων τούτων τῷ πατρὶ πρὸσ Ναυσίμαχον καὶ Ξενοπείθην τοὺσ εἰληχότασ ἡμῖν, παρεγραψάμεθα, ὥσπερ ἠκούσατ’ ἀρτίωσ, μὴ εἰσαγώγιμον εἶναι τὴν δίκην. δεήσομαι δὲ καὶ δίκαια καὶ μέτρι’ ὑμῶν ἁπάντων, πρῶτον μὲν εὐνοϊκῶσ ἀκοῦσαί μου λέγοντοσ, εἶτ’, ἐὰν ἀδικεῖσθαι δοκῶ καὶ μὴ προσήκοντοσ ἐγκλήματοσ φεύγειν δίκην, βοηθῆσαί μοι τὰ δίκαια.

ὃ μὲν γὰρ ὑμεῖσ ἐπὶ τῇ δίκῃ τίμημ’ ἀκηκόατε, τριάκοντα μναῖ εἰσιν, ὧν δὲ φεύγομεν χρημάτων, τέτταρα τάλαντα. ὄντεσ γὰρ δύο τέτταρασ εἰλήχασι δίκασ ἡμῖν, τῶν αὐτῶν χρημάτων πάσασ, τρισχιλίων ἑκάστην, βλάβησ· καὶ νυνὶ πρὸσ τριάκοντα μνῶν ἐπίγραμμα, ὑπὲρ τοσούτων χρημάτων εἰσ ἀγῶνα καθέσταμεν. τὴν μὲν οὖν συκοφαντίαν τὴν τούτων, καὶ μεθ’ ὅσησ ἐπιβουλῆσ ἐληλύθασιν ἐφ’ ἡμᾶσ, ἐξ αὐτῶν τῶν πεπραγμένων εἴσεσθε.

ἀναγνώσεται δὲ πρῶτον ὑμῖν τὰσ μαρτυρίασ, ὡσ ἀφεῖσαν τὸν πατέρ’ ἡμῶν ὧν ἐνεκάλεσαν εἰσ τὴν ἐπιτροπήν· κατὰ γὰρ τοῦτο καὶ παρεγραψάμεθα μὴ εἰσαγώγιμον εἶναι τὴν δίκην. καί μοι λέγε ταυτασὶ τὰσ μαρτυρίασ. Μαρτυρίαι ὅτι μὲν τοίνυν, ὦ ἄνδρεσ δικασταί, καὶ δίκασ ἔλαχον τῆσ ἐπιτροπῆσ καὶ ἀφεῖσαν ταύτασ καὶ τὰ συγχωρηθέντα χρήματ’ ἔχουσιν, ἀκούετε τῶν μαρτυριῶν. ὅτι δ’ οὐκ ἐῶσιν οἱ νόμοι περὶ τῶν οὕτω πραχθέντων αὖθισ δικάζεσθαι, νομίζω μὲν ἅπαντασ ὑμᾶσ εἰδέναι, κἂν μηδὲν εἴπω περὶ αὐτῶν ἐγώ, βούλομαι δ’ ὅμωσ καὶ τὸν νόμον ὑμῖν αὐτὸν ἀναγνῶναι. λέγε τὸν νόμον.

Νόμοσ ἀκούετ’, ὦ ἄνδρεσ δικασταί, τοῦ νόμου σαφῶσ λέγοντοσ ἕκαστα, ὧν μὴ εἶναι δίκασ· ὧν ἕν ἐστιν, ὁμοίωσ τοῖσ ἄλλοισ κύριον, περὶ ὧν ἄν τισ ἀφῇ καὶ ἀπαλλάξῃ, μὴ δικάζεσθαι.

ὥστε τεττάρων μὲν καὶ δέκ’ ἐτῶν γεγενημένων ἀφ’ οὗ τὸν πατέρ’ ἡμῶν ἀφεῖσαν, εἴκοσι δὲ καὶ δυοῖν ἀφ’ οὗ τυγχάνουσιν ἐγγεγραμμένοι, τετελευτηκότοσ δὲ καὶ τοῦ πατρὸσ τοῦ ἡμετέρου, πρὸσ ὃν αὐτοῖσ ἐγένονθ’ αἱ διαλλαγαί, καὶ τῶν ἐπιτρόπων, οἳ μετὰ τὸν ἐκείνου θάνατον τῶν ἡμετέρων ἐγένοντο κύριοι, καὶ τῆσ ἑαυτῶν μητρόσ, ἥτισ ἅπαντα ταῦτ’ ᾔδει, καὶ διαιτητῶν καὶ μαρτύρων καὶ πάντων τῶν πλείστων ὡσ εἰπεῖν, τὴν ἡμετέραν ἀπειρίαν καὶ τὴν ἐξ ἀνάγκησ ἄγνοιαν τῶν πεπραγμένων ἑρ́μαιον νομίσαντεσ ἑαυτῶν, τὰσ δίκασ ἡμῖν ἔλαχον ταυτασί, καὶ λόγον οὔτε δίκαιον οὔτ’ ἐπιεικῆ τολμῶσι λέγειν.

φασὶ γὰρ οὐκ ἀποδόσθαι τὰ πατρῷ’ ὧν ἐκομίζοντο χρημάτων, οὐδ’ ἀποστῆναι τῶν ὄντων, ἀλλ’ ὅσ’ αὐτοῖσ κατελείφθη χρέα καὶ σκεύη καὶ ὅλωσ χρήματα, ταῦθ’ ἑαυτῶν γίγνεσθαι.

ἐγὼ δ’ οἶδ’ ἀκούων ὅτι τὴν οὐσίαν Ξενοπείθησ καὶ Ναυσικράτησ ἅπασαν χρέα κατέλιπον, καὶ φανερὰν ἐκέκτηντο μικράν τινα· εἰσπραχθέντων δὲ τῶν χρεῶν καί τινων σκευῶν πραθέντων, ἔτι δ’ ἀνδραπόδων, καὶ τὰ χωρία καὶ τὰσ συνοικίασ ἐπρίανθ’ οἱ ἐπίτροποι, ἃ παρέλαβον οὗτοι. εἰ μὲν οὖν μηδὲν ἠμφεσβητήθη περὶ τούτων πρότερον, μηδ’ ὡσ οὐ καλῶσ διῳκημένων εἰσ δίκην ἦλθεν, ἄλλοσ ἂν ἦν λόγοσ·

ἐπειδὴ δ’ ὅλην τὴν ἐπιτροπὴν ἐγκαλέσαντεσ οὗτοι καὶ δίκασ λαχόντεσ χρήματ’ ἐπράξαντο, πάντα ταῦτ’ ἀφεῖται τότε. οὔτε γὰρ οὗτοι τοὐνόματοσ δήπου τοῦ τῆσ ἐπιτροπῆσ τὰσ δίκασ ἐδίωκον, ἀλλὰ τῶν χρημάτων, οὔτ’ ἐκεῖνοι τοὔνομα τοῦτ’ ἐωνοῦνθ’ ὧν ἀπέτεισαν χρημάτων, ἀλλὰ τὰ ἐγκλήματα. ὅτι μὲν οὖν ὧν πρὸ τῶν ἀπαλλαγῶν εἰσέπραξεν χρεῶν ὁ πατὴρ ἢ ὅλωσ ἔλαβεν χρημάτων ἐκ τῆσ ἐπιτροπῆσ, οὐδενόσ εἰσιν δίκαι τούτοισ καθ’ ἡμῶν ἀπηλλαγμένοισ, ἐξ αὐτῶν τῶν νόμων καὶ τῆσ ἀφέσεωσ ἱκανῶσ πάντασ ἡγοῦμαι ὑμᾶσ μεμαθηκέναι.

ὅτι δ’ ὕστερον οὐκ ἔνι τὴν κομιδὴν γεγενῆσθαι τούτων τῶν χρημάτων τοῦτο γὰρ πλάττουσιν οὗτοι καὶ παράγουσιν, τοῦτο βούλομαι δεῖξαι. τὸν μὲν γὰρ πατέρ’ οὐδ’ ἂν αἰτιάσαιντο λαβεῖν τέτταρσι γὰρ ἢ τρισὶ μησὶν ὕστερον ἢ διελύσατο πρὸσ τούτουσ ἐτελεύτησεν.

ὡσ δ’ οὐδὲ Δημάρετον τὸν καταλειφθένθ’ ἡμῶν ἐπίτροπον λαβεῖν οἱο͂́ν τε καὶ γὰρ τοῦτον ἔγραψαν εἰσ τὸ ἔγκλημα, καὶ τοῦτ’ ἐπιδείξω. μέγιστοι μὲν οὖν ἡμῖν εἰσιν οὗτοι μάρτυρεσ οὐδαμοῦ γὰρ φανήσονται δίκην εἰληχότεσ ζῶντι τῷ Δημαρέτῳ·

οὐ μὴν ἀλλὰ καὶ τὸ πρᾶγμ’ ἄν τισ αὐτὸ σκοπῶν καὶ θεωρῶν ἴδοι οὐ μόνον οὐχὶ λαβόντα, ἀλλ’ οὐδ’ ἐνὸν αὐτῷ λαβεῖν. ἦν μὲν γὰρ τὸ χρέωσ ἐν Βοσπόρῳ, ἀφίκετο δ’ οὐδεπώποτ’ εἰσ τὸν τόπον τοῦτον ὁ Δημάρετοσ· πῶσ οὖν εἰσέπραξεν; ἔπεμψεν νὴ Δί’, εἴποι τισ ἄν, τὸν κομιούμενον. σκοπεῖτε δὴ τοῦθ’ οὑτωσί.

ὤφειλεν Ἑρμῶναξ στατῆρασ ἑκατὸν παρὰ Ναυσικράτουσ λαβὼν τούτοισ. τούτων Ἀρίσταιχμοσ ἐπίτροποσ καὶ κηδεμὼν ἐγένεθ’ ἑκκαίδεκ’ ἔτη. οὐκοῦν ἅ γε τούτων ἀνδρῶν γεγονότων δι’ ἑαυτοῦ διέλυε χρήμαθ’ ὁ Ἑρμῶναξ, οὐκ ἀπέδωκεν ὅτ’ ἦσαν παῖδεσ· οὐ γὰρ δίσ γε ταὐτὰ κατετίθει. ἔστιν οὖν οὕτω τισ ἀνθρώπων ἄτοποσ, ὥσθ’ ἃ τοὺσ κυρίουσ διεκρούσατο μὴ καταθεῖναι τοσοῦτον χρόνον, ταῦτα τῷ μὴ κυρίῳ πέμψαντι γράμμαθ’ ἑκὼν ἀποδοῦναι; ἐγὼ μὲν οὐκ οἶμαι. ἀλλὰ μὴν ὡσ ἀληθῆ λέγω, καὶ ὁ μὲν πατὴρ ἐτελεύτησεν εὐθέωσ μετὰ τὰσ διαλύσεισ, τῷ Δημαρέτῳ δ’ οὐδεπώποθ’ οὗτοι τούτων τῶν χρημάτων δίκην ἔλαχον, οὐδ’ ὅλωσ ἐξέπλευσεν ἐκεῖνοσ οὐδ’ ἀπεδήμησεν ἐκεῖσε, λαβὲ τὰσ μαρτυρίασ.

Μαρτυρίαι ὅτι μὲν τοίνυν οὔθ’ ὁ πατὴρ μετὰ τὴν ἄφεσιν τὰ χρήματ’ εἰσέπραξεν, οὔτ’ ἂν ἔδωκεν ἑκὼν οὐδείσ, εἴ τιν’ ἔπεμψεν ὁ Δημάρετοσ, οὔτ’ ἀνέπλευσεν αὐτὸσ οὐδ’ ἀφίκετ’ ἐκεῖσε, δῆλον ἐκ τῶν χρόνων καὶ τῶν μαρτυριῶν ὑμῖν γέγονεν. βούλομαι τοίνυν καὶ ὅλωσ ψευδομένουσ αὐτοὺσ ὅλον τὸ πρᾶγμ’ ἐπιδεῖξαι.

οὗτοι γὰρ γεγράφασιν εἰσ ὃ νῦν ἔγκλημα διώκουσιν, ὀφείλειν ἡμᾶσ τὸ ἀργύριον κομισαμένου τοῦ πατρὸσ καὶ παραδόντοσ αὐτοῖσ τοῦτο τὸ χρέωσ ἐν τῷ λόγῳ τῆσ ἐπιτροπῆσ ὀφειλόμενον. καί μοι λέγ’ αὐτὸ τὸ ἔγκλημα λαβών. Ἔγκλημα ἀκούετε γεγραμμένον ἐν τῷ ἐγκλήματι παραδόντοσ ἐμοὶ τοῦ Ἀρισταίχμου τὸ χρέωσ ἐν τῷ λόγῳ τῆσ ἐπιτροπῆσ. ὅτε τοίνυν ἐλάγχανον τῷ πατρὶ τῆσ ἐπιτροπῆσ, τἀναντί’ ἐγράψαντο τούτων· ὡσ γὰρ οὐκ ἀποδόντι λόγον τότ’ ἐγκαλοῦντεσ φαίνονται.

λέγ’ αὐτὸ τὸ ἔγκλημα, ὃ τότ’ ἔλαχον τῷ πατρί. Ἔγκλημα ἐν ποίῳ δὴ λόγῳ νῦν ἐγκαλεῖθ’ ὡσ παρέδωκεν, ὦ Ξενοπείθη καὶ Ναυσίμαχε; τότε μὲν γὰρ ὡσ οὐκ ἀποδόντι δίκασ ἐλαγχάνετε καὶ χρήματ’ ἐπράττεσθε.

εἰ δ’ ἐπ’ ἀμφότερ’ ἔσται συκοφαντεῖν ὑμῖν, καὶ τοτὲ μὲν τοῦ μὴ παραδοῦναι χρήματ’ ἐπράξασθε, τοτὲ δ’ ὡσ παραδόντοσ διώκετε, οὐδὲν κωλύει καὶ τρίτον τι σκοπεῖν μετὰ ταῦτα, ὅτου πάλιν δικάσεσθε. οἱ νόμοι δ’ οὐ ταῦτα λέγουσιν, ἀλλ’ ἅπαξ περὶ τῶν αὐτῶν πρὸσ τὸν αὐτὸν εἶναι τὰσ δίκασ. ἵνα τοίνυν εἰδῆτ’, ὦ ἄνδρεσ δικασταί, ὅτι οὐ μόνον οὐκ ἀδικοῦνται νῦν, ἀλλὰ καὶ παρὰ πάντασ ἡμῖν δικάζονται τοὺσ νόμουσ, βούλομαι καὶ τοῦτον ὑμῖν τὸν νόμον εἰπεῖν, ὅστισ διαρρήδην λέγει, ἐὰν πέντ’ ἔτη παρέλθῃ καὶ μὴ δικάσωνται, μηκέτ’ εἶναι τοῖσ ὀρφανοῖσ δίκην περὶ τῶν ἐκ τῆσ ἐπιτροπῆσ ἐγκλημάτων.

καὶ ὑμῖν ἀναγνώσεται τὸν νόμον. Νόμοσ ἀκούετ’, ὦ ἄνδρεσ δικασταί, τοῦ νόμου λέγοντοσ ἄντικρυσ, ἐὰν μὴ πέντ’ ἐτῶν δικάσωνται, μηκέτ’ εἶναι δίκην. οὐκοῦν ἐλάχομεν, φαῖεν ἄν.

καὶ διελύσασθέ γε, ὥστ’ οὐκ εἰσὶν αὖθισ ὑμῖν δίκαι. ἢ δεινόν γ’ ἂν εἰή, εἰ τῶν μὲν ἐξ ἀρχῆσ ἀδικημάτων οὐ δίδωσιν ἔξω πέντ’ ἐτῶν τὰσ δίκασ τοῖσ ὀρφανοῖσ ὁ νόμοσ κατὰ τῶν οὐκ ἀφειμένων ἐπιτρόπων, πρὸσ δὲ τοὺσ ἐξ ἐκείνων ἡμᾶσ, περὶ ὧν αὐτοὺσ ἀφήκατε, εἰκοστῷ νῦν ἔτει δίκην τελέσαισθ’ ὑμεῖσ. ἀκούω τοίνυν αὐτοὺσ τὰ μὲν περὶ τῶν πραγμάτων αὐτῶν καὶ τῶν νόμων δίκαια φεύξεσθαι, παρεσκευάσθαι δὲ λέγειν ὡσ πολλὰ χρήματ’ αὐτοῖσ κατελείφθη καὶ ταῦτ’ ἀπεστερήθησαν, καὶ τεκμηρίῳ χρήσεσθαι τούτου τῷ μεγέθει τῶν δικῶν ἃσ ἐξ ἀρχῆσ ἔλαχον, καὶ τὴν ὀρφανίαν ὀδυρεῖσθαι, καὶ τὸν τῆσ ἐπιτροπῆσ λόγον διεξιέναι·

καὶ ταῦτ’ εἶναι καὶ τοιαῦθ’ οἷσ πεπιστεύκασι καὶ δι’ ὧν ὑμᾶσ ἐξαπατήσειν οἰόνται. ἐγὼ δὲ τὸ μὲν τῶν δικῶν μέγεθοσ τῶν τότε ληχθεισῶν μεῖζον ἡγοῦμαι τεκμήριον ἡμῖν εἶναι ὡσ ἐσυκοφαντεῖθ’ ὁ πατήρ, ἢ τούτοισ ὡσ πόλλ’ ἀπεστεροῦντο.

ὀγδοήκοντα μὲν γὰρ τάλαντ’ ἔχων ἐξελέγχειν, οὐδὲ εἷσ ἂν τρία λαβὼν ἀπηλλάγη· τοσούτων δὲ χρημάτων ἐπιτροπῆσ φεύγων, οὐδεὶσ ἔστιν ὅστισ οὐκ ἂν ἔδωκεν τρία τάλαντα, τὸν κίνδυνον ὠνούμενοσ καὶ τὰ φύσει τότε τούτοισ πλεονεκτήμαθ’ ὑπάρχοντα. καὶ γὰρ ὀρφανοὶ καὶ νέοι καὶ ὁποῖοί τινέσ εἰσιν ἀγνῶτεσ ἦσαν· ταῦτα δὲ πάντεσ φασὶν μεγάλων δικαίων ἰσχύειν πλέον παρ’ ὑμῖν. ὅτι τοίνυν οὐδ’ ἀνάσχοισθ’ ἂν αὐτῶν εἰκότωσ οὐδὲν περὶ τῆσ ἐπιτροπῆσ, καὶ τοῦτ’ οἰόμαι δείξειν.

εἰ γὰρ ὡσ οἱο͂́ν τε μέγιστ’ ἠδικῆσθαι δοίη τισ αὐτοῖσ καὶ ἐρεῖν ἅπαντ’ ἀληθῆ περὶ τούτων νυνί, ἐκεῖνό γ’ οἶμαι πάντασ ἂν ὑμᾶσ ὁμολογῆσαι, ὅτι πολλὰ συμβέβηκεν ἠδικῆσθαί τισιν ἤδη μείζω τῶν εἰσ χρήματα γιγνομένων ἀδικημάτων· καὶ γὰρ ἀκούσιοι φόνοι καὶ ὕβρεισ εἰσ ἃ μὴ δεῖ καὶ πολλὰ τοιαῦτ’ ἀδικήματα γίγνεται. ἀλλ’ ὅμωσ τούτων ἁπάντων ὁρ́οσ καὶ λύσισ τοῖσ παθοῦσιν τέτακται τὸ πεισθέντασ ἀφεῖναι. καὶ τοῦθ’ οὕτω τὸ δίκαιον ἐν πᾶσιν ἰσχύει, ὥστ’ ἐὰν ἑλών τισ ἀκουσίου φόνου καὶ φανερῶσ ἐπιδείξασ μὴ καθαρόν, μετὰ ταῦτ’ αἰδέσηται καὶ ἀφῇ, οὐκέτ’ ἐκβαλεῖν κύριοσ τὸν αὐτόν ἐστιν.

εἶθ’ ὑπὲρ μὲν ψυχῆσ καὶ τῶν μεγίστων οὕτωσ ἰσχύει καὶ μένει τὸ ἀφεῖναι, ὑπὲρ δὲ χρημάτων καὶ ἐλαττόνων ἐγκλημάτων ἄκυρον ἔσται; μηδαμῶσ. οὐ γὰρ εἰ μὴ τῶν δικαίων ἐγὼ παρ’ ὑμῖν τεύξομαι, τοῦτ’ ἔστι δεινότατον, ἀλλ’ εἰ πρᾶγμα δίκαιον ὡρισμένον ἐκ παντὸσ τοῦ χρόνου νῦν καταλυθήσεται. οὐκ ἐμίσθωσαν ἡμῶν τὸν οἶκον, ἴσωσ ἐροῦσιν.

οὐ γὰρ ἐβούλεθ’ ὁ θεῖοσ ὑμῶν Ξενοπείθησ, ἀλλὰ φήναντοσ Νικίδου τοὺσ δικαστὰσ ἔπεισεν ἐᾶσαι αὑτὸν διοικεῖν· καὶ ταῦτ’ ἴσασιν πάντεσ. πολλὰ διήρπασαν ἡμῶν ἐκεῖνοι. οὐκοῦν ἣν ἐπείσθητέ γε, τούτων δίκην παρ’ αὐτῶν ἔχετε, καὶ οὐ δήπουθεν πάλιν δεῖ λαβεῖν ὑμᾶσ παρ’ ἐμοῦ. ἵνα δὲ μηδ’ οἰήσθ’ εἶναί τι ταῦτα, ἔστι μὲν οὐκ ἴσον πῶσ γάρ;

πρὸσ τοὺσ πράξαντασ διαλυσαμένουσ τῶν οὐκ εἰδότων κατηγορεῖν, ὅμωσ μέντοι, ὦ Ξενοπείθη καὶ Ναυσίμαχε, εἰ μεγάλ’ ὑμῖν καὶ θαυμάστ’ εἶναι τὰ δίκαια ταῦθ’ ὑπολαμβάνετε, ἀποδόντεσ τὰ τρία τάλαντα περαίνετε. ὧν δὲ τοῦ μὴ κατηγορῆσαι τοσαῦτα χρήματ’ ἐπράξασθε, πρὶν ἂν ταῦτ’ ἀποδῶτε, σιωπᾶν ἐστὲ δίκαιοι, καὶ μὴ κατηγορεῖν καὶ ἔχειν· ἔσχατον γὰρ ἤδη πραγμάτων τοῦτό γε. τάχα τοίνυν ἴσωσ καὶ τριηραρχίασ ἐροῦσι, καὶ τὰ ὄνθ’ ὡσ ἀνηλώκασιν εἰσ ὑμᾶσ.

ἐγὼ δ’ ὅτι μὲν ψεύσονται, καὶ πόλλ’ ἀπολωλεκότεσ τῶν ὄντων αὑτοῖσ, μικρὰ τῆσ πόλεωσ μετειληφυίασ, οὐ δικαίαν οὐδὲ γιγνομένην χάριν ἀξιώσουσι κομίζεσθαι παρ’ ὑμῶν, ἐάσω. ἀξιῶ δὲ καὶ αὐτόσ, ὦ ἄνδρεσ δικασταί, εἶναι τοῖσ λῃτουργοῦσιν ὑμῖν ἅπασιν χάριν τιν’ ὑπάρχουσαν παρ’ ὑμῶν. τίσιν δὲ μεγίστην; τοῖσ ὃ μὲν χρήσιμον τῇ πόλει τοῦ πράγματόσ ἐστι ποιοῦσιν, ὃ δ’ αἰσχρὸν ἅπαντεσ ἂν εἶναι φήσαιεν καὶ ὄνειδοσ, μὴ κατασκευάζουσιν. οἱ μὲν τοίνυν μετὰ τοῦ λῃτουργεῖν τὰ σφέτερ’ αὐτῶν διεφθαρκότεσ τὴν βλασφημίαν ἀντὶ τῆσ χρείασ τῇ πόλει καταλείπουσιν οὐδεὶσ γὰρ αὐτὸσ αὑτοῦ κατηγόρησεν πώποτε, ἀλλ’ ὡσ ἡ πόλισ τὰ ὄντ’ ἀφῄρηται λέγει·

οἱ δ’ ὅσα μὲν προστάττεθ’ ὑμεῖσ ποιοῦντεσ προθύμωσ, τῇ περὶ τἄλλα δὲ σωφροσύνῃ τὰ ὄντα σῴζοντεσ, οὐ μόνον κατὰ τοῦτ’ ἐκείνων πλεονεκτοῖεν ἂν εἰκότωσ, ὅτι καὶ γεγόνασιν χρήσιμοι καὶ ἔσονται, ἀλλ’ ὅτι καὶ χωρὶσ ὀνείδουσ ταῦτα παρ’ αὐτῶν ὑμῖν γίγνεται. ἡμεῖσ μὲν τοίνυν τοιοῦτοι εἰσ ὑμᾶσ ἅπαντεσ φανούμεθ’ ὄντεσ· τούτουσ δ’ ἐάσω, μή με φῶσιν κακῶσ αὑτοὺσ λέγειν. οὐ τοίνυν θαυμάσαιμ’ ἄν, εἰ καὶ δακρύειν καὶ ἐλεινοὺσ ἑαυτοὺσ πειρῷντο ποιεῖν.

ἐγὼ δ’ ἀξιῶ πρὸσ ταῦθ’ ὑπολαμβάνειν ἅπαντασ ὑμᾶσ, ὅτι τῶν αἰσχρῶν ἐστι, μᾶλλον δ’ οὐδὲ δικαίων, τὰ μὲν ὄντα κατεσθίοντασ καὶ παροινοῦντασ μετ’ Ἀριστοκράτουσ καὶ Διογνήτου καὶ τοιούτων ἑτέρων αἰσχρῶσ καὶ κακῶσ ἀνηλωκέναι, τὰ δ’ ἀλλότρι’ ὥστε λαβεῖν, δακρύειν νυνὶ καὶ κλάειν. ἐπ’ ἐκείνοισ ἐκλάετ’ ἄν, οἷσ ἐποιεῖτε, δικαίωσ. νῦν δ’ οὐ δεῖ δακρύειν, ἀλλ’ ὡσ οὐκ ἀφήκατε δεικνύναι, ἢ ὡσ εἰσὶν ὧν ἀφήκατ’ αὖθισ ὑμῖν δίκαι, ἢ ὡσ εἰκοστῷ λαγχάνειν ἔτει δίκαιόν ἐστι, τοῦ νόμου πέντ’ ἔτη τὴν προθεσμίαν δεδωκότοσ· ταῦτα γάρ ἐστιν ὑπὲρ ὧν οὗτοι δικάζουσιν. ἐὰν δὲ μὴ δύνωνται ταῦτα δεικνύναι, ὡσ οὐ δυνήσονται, ἡμεῖσ ὑμῶν ἁπάντων, ὦ ἄνδρεσ δικασταί, δεόμεθα μὴ ἡμᾶσ προέσθαι τούτοισ, μηδὲ τετάρτην οὐσίαν ἔτι δοῦναι τρεῖσ ἑτέρασ κακῶσ διῳκηκόσιν, ἣν παρ’ ἑκόντων ἔλαβον τῶν ἐπιτρόπων, ἣν ὑπὲρ τῶν δικῶν εἰσεπράξαντο, ἣν πρῴην ἀφείλοντ’ Αἰσίου δίκην ἑλόντεσ, ἀλλ’ ἡμᾶσ τὰ ἡμέτερα, ὥσπερ ἐστὶν δίκαιον, ἐᾶν ἔχειν·

ἃ καὶ ὑμῖν ἐστιν ἐν ὠφελείᾳ μείζονι παρ’ ἡμῖν ὄντ’ ἢ παρὰ τούτοισ, καὶ δικαιότερον δήπου τὰ ἡμέτερα ἡμᾶσ ἐστιν ἔχειν ἢ τούτουσ. οὐκ οἶδ’ ὅ τι δεῖ πλείω λέγειν·

οἶμαι γὰρ ὑμᾶσ οὐδὲν ἀγνοεῖν τῶν εἰρημένων. ἐξέρα τὸ ὕδωρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Demosthenes, Speeches 31-40, Παραγραφὴ πρὸσ Ναυσίμακον καὶ Ξενοπείθην

(데모스테네스, Speeches 31-40, Παραγραφὴ πρὸσ Ναυσίμακον καὶ Ξενοπείθην)

상위

목록

SEARCH

MENU NAVIGATION