헬라어 문장 검색 - ΑριστοπήΩασπσ́07́00́2́

(아리스토파네스, Wasps, Episode 2:)

φέρε νυν τίν’ αὐτῷ πρῶτον εἰσαγάγω δίκην; τί τίσ κακὸν δέδρακε τῶν ἐν τᾠκίᾳ; ἡ Θρᾷττα προσκαύσασα πρώην τὴν χύτραν ‐ ἐπίσχεσ οὗτοσ· ὡσ ὀλίγου μ’ ἀπώλεσασ. ἄνευ δρυφάκτου τὴν δίκην μέλλεισ καλεῖν, ὃ πρῶτον ἡμῖν τῶν ἱερῶν ἐφαίνετο; μὰ τὸν Δί’ οὐ πάρεστιν. ἀλλ’ ἐγὼ δραμὼν αὐτὸσ κομιοῦμαι τό γε παραυτίκ’ ἔνδοθεν. τί ποτε τὸ χρῆμ’; ὡσ δεινὸν ἡ φιλοχωρία. βάλλ’ ἐσ κόρακασ. τοιουτονὶ τρέφειν κύνα. τί δ’ ἔστιν ἐτεόν; οὐ γὰρ ὁ Λάβησ ἀρτίωσ ὁ κύων παρᾴξασ ἐσ τὸν ἰπνὸν ὑφαρπάσασ τροφαλίδα τυροῦ Σικελικὴν κατεδήδοκεν; τοῦτ’ ἆρα πρῶτον τἀδίκημα τῷ πατρὶ εἰσακτέον μοι· σὺ δὲ κατηγόρει παρών. μὰ Δί’ οὐκ ἔγωγ’· ἀλλ’ ἅτερόσ φησιν κύων κατηγορήσειν, ἤν τισ εἰσάγῃ γραφήν. ἴθι νυν ἄγ’ αὐτὼ δεῦρο. ταῦτα χρὴ ποιεῖν. τουτὶ τί ἔστι; χοιροκομεῖον Ἑστίασ. εἶθ’ ἱεροσυλήσασ φέρεισ; οὔκ, ἀλλ’ ἵνα ἀφ’ Ἑστίασ ἀρχόμενοσ ἐπιτρίψω τινά. ἀλλ’ εἴσαγ’ ἀνύσασ· ὡσ ἐγὼ τιμᾶν βλέπω. φέρε νυν ἐνέγκω τὰσ σανίδασ καὶ τὰσ γραφάσ. οἴμοι διατρίβεισ κἀπολεῖσ τριψημερῶν· ἐγὼ δ’ ἀλοκίζειν ἐδεόμην τὸ χωρίον. ἰδού. κάλει νυν. ταῦτα δή. τίσ οὑτοσὶ ὁ πρῶτόσ ἐστιν; ἐσ κόρακασ, ὡσ ἄχθομαι ὁτιὴ ’πελαθόμην τοὺσ καδίσκουσ ἐκφέρειν. οὗτοσ σὺ ποῖ θεῖσ; ἐπὶ καδίσκουσ. μη δαμῶσ. ἐγὼ γὰρ εἶχον τούσδε τοὺσ ἀρυστίχουσ. κάλλιστα τοίνυν· πάντα γὰρ πάρεστι νῷν ὅσων δεόμεθα, πλήν γε δὴ τῆσ κλεψύδρασ. ἡδὶ δὲ δὴ τίσ ἐστιν; οὐχὶ κλεψύδρα; εὖ γ’ ἐκπορίζεισ αὐτὰ κἀπιχωρίωσ. ἀλλ’ ὡσ τάχιστα πῦρ τισ ἐξενεγκάτω καὶ μυρρίνασ καὶ τὸν λιβανωτὸν ἔνδοθεν, ὅπωσ ἂν εὐξώμεσθα πρῶτα τοῖσ θεοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Wasps, Episode 2:

(아리스토파네스, Wasps, Episode 2:)

상위

목록

SEARCH

MENU NAVIGATION