Aristophanes, Thesmophoriazusae, Parodos, lyric 2:

ξυνευχόμεσθα τέλεα μὲν πόλει τέλεα δὲ δήμῳ τάδ’ εὔγματα γενέσθαι, τὰ δ’ ἄρισθ’ ὅσαισ προσήκει νικᾶν λεγούσαισ· ὁπόσαι δ’ ἐξαπατῶσιν παραβαίνουσί τε τοὺσ ὁρ́κουσ τοὺσ νενομισμένουσ κερδῶν οὕνεκ’ ἐπὶ βλάβῃ, ἢ ψηφίσματα καὶ νόμον ζητοῦσ’ ἀντιμεθιστάναι, τἀπόρρητά τε τοῖσιν ἐχθροῖσ τοῖσ ἡμετέροισ λέγουσ’, ἢ Μήδουσ ἐπάγουσι γῇ κερδῶν οὕνεκ’ ἐπὶ βλάβῃ, ἀσεβοῦσιν ἀδικοῦσίν τε τὴν πόλιν. ἀλλ’ ὦ παγκρατὲσ Ζεῦ ταῦτα κυρώσειασ, ὥσθ’ ἡμῖν θεοὺσ παραστατεῖν καίπερ γυναιξὶν οὔσαισ.