헬라어 문장 검색 - ΑριστοπήΤηεσμοπ́02́2́

(아리스토파네스, Thesmophoriazusae, Parodos, lyric)

δεχόμεθα καὶ θεῶν γένοσ λιτόμεθα ταῖσδ’ ἐπ’ εὐχαῖσ φανέντασ ἐπιχαρῆναι. Ζεῦ μεγαλώνυμε χρυσολύρα τε Δῆλον ὃσ ἔχεισ ἱεράν, καὶ σὺ παγκρατὲσ κόρα γλαυκῶπι χρυσόλογχε πόλιν οἰκοῦσα περιμάχητον, ἐλθὲ δεῦρο. καὶ πολυώνυμε θηροφόνη παῖ Λατοῦσ χρυσώπιδοσ ἔρνοσ, σύ τε πόντιε σεμνὲ Πόσειδον ἁλιμέδον προλιπὼν μυχὸν ἰχθυόεντ’ οἰστροδόνητον, Νηρέοσ ἐναλίου τε κόραι Νύμφαι τ’ ὀρείπλαγκτοι. χρυσέα τε φόρμιγξ ἰαχήσειεν ἐπ’ εὐχαῖσ ἡμετέραισ· τελέωσ δ’ ἐκκλησιάσαιμεν Ἀθηναίων εὐγενεῖσ γυναῖκεσ. εὔχεσθε τοῖσ θεοῖσι τοῖσ Ὀλυμπίοισ καὶ ταῖσ Ὀλυμπίαισι καὶ τοῖσ Πυθίοισ καὶ ταῖσι Πυθίαισι καὶ τοῖσ Δηλίοισ καὶ ταῖσι Δηλίαισι τοῖσ <τ’> ἄλλοισ θεοῖσ, εἴ τισ ἐπιβουλεύει τι τῷ δήμῳ κακὸν τῷ τῶν γυναικῶν ἢ ’πικηρυκεύεται Εὐριπίδῃ Μήδοισ <τ’> ἐπὶ βλάβῃ τινὶ τῇ τῶν γυναικῶν, ἢ τυραννεῖν ἐπινοεῖ ἢ τὸν τύραννον συγκατάγειν, ἢ παιδίον ὑποβαλλομένησ κατεῖπεν, ἢ δούλη τινὸσ προαγωγὸσ οὖσ’ ἐνετρύλλισεν τῷ δεσπότῃ ἢ πεμπομένη τισ ἀγγελίασ ψευδεῖσ φέρει, ἢ μοιχὸσ εἴ τισ ἐξαπατᾷ ψευδῆ λέγων καὶ μὴ δίδωσιν ἃν ὑπόσχηταί ποτε, ἢ δῶρά τισ δίδωσι μοιχῷ γραῦσ γυνή, ἢ καὶ δέχεται προδιδοῦσ’ ἑταίρα τὸν φίλον, κεἴ τισ κάπηλοσ ἢ καπηλὶσ τοῦ χοῶσ ἢ τῶν κοτυλῶν τὸ νόμισμα διαλυμαίνεται, κακῶσ ἀπολέσθαι τοῦτον αὐτὸν κᾠκίαν ἀρᾶσθε, ταῖσ δ’ ἄλλαισιν ὑμῖν τοὺσ θεοὺσ εὔχεσθε πάσαισ πολλὰ δοῦναι κἀγαθά. ξυνευχόμεσθα τέλεα μὲν πόλει τέλεα δὲ δήμῳ τάδ’ εὔγματα γενέσθαι, τὰ δ’ ἄρισθ’ ὅσαισ προσήκει νικᾶν λεγούσαισ·

ὁπόσαι δ’ ἐξαπατῶσιν παραβαίνουσί τε τοὺσ ὁρ́κουσ τοὺσ νενομισμένουσ κερδῶν οὕνεκ’ ἐπὶ βλάβῃ, ἢ ψηφίσματα καὶ νόμον ζητοῦσ’ ἀντιμεθιστάναι, τἀπόρρητά τε τοῖσιν ἐχθροῖσ τοῖσ ἡμετέροισ λέγουσ’, ἢ Μήδουσ ἐπάγουσι γῇ κερδῶν οὕνεκ’ ἐπὶ βλάβῃ, ἀσεβοῦσιν ἀδικοῦσίν τε τὴν πόλιν. ἀλλ’ ὦ παγκρατὲσ Ζεῦ ταῦτα κυρώσειασ, ὥσθ’ ἡμῖν θεοὺσ παραστατεῖν καίπερ γυναιξὶν οὔσαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Thesmophoriazusae, Parodos, lyric

(아리스토파네스, Thesmophoriazusae, Parodos, lyric)

상위

목록

SEARCH

MENU NAVIGATION