헬라어 문장 검색 - ΑριστίΑρσΡηετ́1́03́

(아리스티데스, 아일리오스, Ars Rhetorica, περὶ πολιτικοῦ λόγου, περὶ βαρύτητοσ.)

βαρύτησ δὲ γίνεται καθολικῶσ κατὰ γνώμην καὶ κατὰ σχῆμα, κατὰ δὲ τὴν ἀπαγγελίαν οὐ πάνυ τι. κατὰ μὲν οὖν γνώμην γίνεται βαρύτησ οὕτωσ, ὅταν ἢ κατηγορεῖν τισ προάγηται αὐτὸσ ἑαυτοῦ ἢ τῶν οἰκείων τινὸσ ἢ φίλων· βαρὺ γὰρ τὸ τοιοῦτον ἂν εἰή ἐξὸν ἐπαινεῖν, ἢ ὅλωσ τούτων τινὸσ ὑπὲρ ὧν λέγει ἢ πρὸσ οὓσ λέγει, ὡσ ὁ Δημοσθένησ περιείργασμαι μὲν ἐγώ, περιείργασται δὲ ἡ πόλισ ἡ πεισθεῖσα ἐμοί, ἔστω δὲ πάντα τὰ ἁμαρτήματα καὶ ἀδικήματα ἐμά. ὅπου δὲ καθ’ ὑπερβολὴν δύνασαι ἀποδεῖξαι μὴ ἀδικοῦντα σεαυτόν, ἐκεῖ δὲ θρασύτητι χρῆσθαι τοιαύτῃ, ὥστε ἀφαιρεῖν σεαυτὸν συγγνώμησ ἢ φιλανθρωπίασ τῆσ παρὰ τῶν δικαστῶν, ὡσ ὅταν λέγῃσ μηδὲ φωνὴν ἀνάσχησθε, μηδ’ εἰ πάντα τὰ κοινὰ ὑπέρευ πεπολίτευμαι, ἀλλ’ ἀναστάντεσ καταψηφίσασθε ἤδη·

βαρύτησ κἀνταῦθα γίνεται. καὶ ἐπὶ φίλου δὲ ὡσαύτωσ βαρύτησ γίνεται, ἐὰν ἀφαιρῇσ αὐτὸν ἢ συγγνώμησ ἢ φιλανθρωπίασ δικαστῶν. βαρύτησ γίνεται καὶ ὅταν τι ἄτοπον σεαυτῷ ἐπαράσῃ, οἱο͂ν καίτοι τεθνάναι μᾶλλον ἢ ταῦτ’ εἰρηκέναι βούλομαι. καὶ ὅταν ἄτοπόν τι προτείνῃ τοῖσ ἀκούουσιν, ὃ μὴ ἂν ἑκόντεσ δέξαιντο, ὡσ ἐν τῷ κατὰ Ἀριστογείτονοσ ἐπεξελθὼν τὰ συμβαίνοντα ἐν ταῖσ ἐκκλησίαισ, διὰ τὴν ἀπειρίαν τῶν τοιούτων ῥητόρων, σὺν βαρύτητι προέτεινε τὸ ἄτοπον, εἰ μὲν οὖν ὑμεῖσ ταῦτα βούλεσθε καὶ μετὰ τῆσ ἡμετέρασ γνώμησ οὗτοι ταῦτα ποιοῦσιν, ὁδῷ βαδίζειν καὶ ἐᾶν δεῖ.

καὶ ὅταν εἰσ ἄτοπον ἀπάγῃσ τὸν λόγον, βαρύτητα εἴργασαι, ὡσ ἐν τῷ πρὸσ Καλλικλέα, οὐ γὰρ δὴ ἐκπιεῖν με αὐτὸ Καλλικλῆσ ἀναγκάσει, ἢ ὅταν ὁμολογούμενα ἄτοπα τῷ ἀντιδίκῳ συγχωρῇσ, ὡσ ἐν τῷ κατὰ Ἀριστογείτονοσ, εἰ πονηρόσ ἐστιν Ἀριστογείτων ἁπλῶσ καὶ πικρὸσ καὶ συκοφάντησ, δίδωμι, συγχωρῶ, Φιλόκρατέσ, σοι τῷ τοιούτῳ τὸν ὅμοιον σώζειν.

καὶ ὅταν πάντα τισ διελὼν ἕν τι καταλείπῃ τῷ ἀντιδίκῳ, ὡσ ὑπὲρ αὐτοῦ [τοῦ] μηδὲν ἧττον ἢ κατ’ αὐτοῦ, βαρύτησ γίνεται, οἱο͂ν πλὴν ἔστι νὴ Δία, ἐστὶν ἀδελφόσ τισ αὐτῷ ὁ τὴν καλὴν δίκην αὐτῷ λαχών.

καὶ πάλιν ἀνελὼν δι’ ἃ οὐ δεῖ ἐπάγει πλὴν εἰ τοῦτό τισ εἴποι, μανέντεσ· ἄλλο γὰρ οὐκ ἔστιν εἰπεῖν. καὶ ὅταν εἰσ κρίσιν ἀνάγῃσ τεθνηκότων ἐνδόξων, βαρὺ δοκεῖ τὸ τοιοῦτον εἶναι, οἱο͂ν καίτοι πηλίκον ἂν στενάξαιεν οἱ πρόγονοι.

καὶ πάλιν καίτοι τίνα ποτὲ οἰέσθε τοὺσ προγόνουσ ὑμῶν ὀργὴν ἢ ψῆφον θέσθαι κατὰ τῶν αἰτίων τούτου τοῦ ὀλέθρου; βαρύτητοσ δὲ καὶ τὸ ἃ μηδεὶσ ἂν εἴποι ὑπολιπεῖν ὡσ ῥηθησόμενα, ἐροῦμεν νὴ Δία τοῖσ Ἕλλησι, Τιμοκράτουσ νόμοσ ἐστὶ παρ’ ἡμῖν·

ἀναμείνατε οὖν τὴν ἐνάτην πρυτανείαν· εἶτα τότ’ ἔξιμεν. καὶ τὸ συγχωρεῖν δὲ τὰ παρελθόντα ἄτοπα, ὡσ τὸ μέχρι οὖν τοῦδε διωρίσθω ὑμῖν, βαρύτησ.

βαρύτητοσ δὲ καὶ τὸ ἀπεύχεσθαι τὰ ἄτοπα, καίτοι μὴ γένοιτο, ὦ ἄνδρεσ Ἀθηναῖοι, τὰ πράγματα ἐν τούτῳ.

τεθνάναι δὲ μυριάκισ κρεῖττον ἢ κολακείᾳ τι ποιῆσαι Φιλίππῳ. κατὰ δὲ σχῆμα οὕτω βαρύτησ γίνεται, ὅταν τισ τῷ τῆσ διανοίασ σχήματι χρῆται, οἱο͂ν ὅμοιόσ γε, οὐ γάρ;

Σόλων νομοθέτησ καὶ Τιμοκράτησ, ἢ πάλιν καλήν γε οἱ πολλοὶ ἀπειλήφασιν Ὠρειτῶν χάριν, ὅτι τοῖσ Φιλίππου φίλοισ ἐπέτρεψαν ἑαυτούσ, τὸν δὲ Εὐφραῖον ἐμίσουν, καλήν γ’ ὁ δῆμοσ ὁ Ἐρετριέων, ὅτι τοὺσ ὑμετέρουσ πρέσβεισ ἀπήλασαν, Κλειτάρχῳ δὲ ἐνέδωκαν ἑαυτούσ, καὶ δὴ δουλεύουσί γε μαστιγούμενοι. βαρύτητοσ δὲ καὶ τὸ τοῖσ σχετλιαστικοῖσ χρῆσθαι σχήμασιν, οἱο͂ν Χαρίδημον, οἴμοι, καὶ τὸ τοῦ Αἰσχίνου παντελῶσ ἐκαρτερεῖτε ὡσ σιδήρειοι.

καὶ αἱ ἀποσιωπήσεισ δὲ τὸ αὐτό σοι δυνήσονται, οἱο͂ν τί ἄν σέ τισ εἰπὼν ὀρθῶσ προσείποι; βαρύτησ δὲ γίνεται καὶ ὅταν προαχθῇσ εἰπεῖν τι λυπηρὸν κατὰ τῶν ἀκουόντων, ὃ οἰέται βαρέωσ ἂν αὐτοὺσ ἐνεγκεῖν τισ, εἶτα ἀνορθώσῃσ ὡσ μὴ ἔχων αὐτοῦ μετριώτερόν τι εἰπεῖν, ὡσ ἔχει καὶ τὸ ἐν ταῖσ ἐπιστολαῖσ, εἰ δὲ τὸ περιφανὲσ ἀξίωμα τῆσ βουλῆσ ἢ τὸν Ἄρειον πάγον προσβλέπετε, τῆσ Ἀριστογείτονοσ κρίσεωσ ἀναμνησθέντεσ ἐγκαλύψασθε·

οὐ γὰρ ἔχω πρᾳότερον πρόσφθεγμα τοῖσ ἐξημαρτηκόσιν εἰσ ἐμὲ αὐτὸν εἰπεῖν. βαρύτητα δὲ καὶ τὸ τοιοῦτον ἔχει, ὅταν δοὺσ ὡσ ὑπάρχον τί σοι, εἶτα ἀνελὼν αὐτὸ ἐπιδιστάσῃσ, ὥσπερ ἔχει καὶ τὸ ἐν τοῖσ Φιλιππικοῖσ, ἀλλ’ ἐκεῖνοσ μὲν ὑμῶν οἴκοι μενόντων, σχολὴν ἀγόντων, ὑγιαινόντων, δοὺσ τοῦτο ὡσ ὑπάρχον αὐτοῖσ εὐθὺσ ἀνεῖλεν ἐπιλαβόμενοσ, εἰ δὴ τοὺσ τὰ τοιαῦτα ποιοῦντασ ὑγιαίνειν φήσαιμεν.

καὶ αἱ διαπορήσεισ δὲ αἱ ἐν τοῖσ σχετλιασμοῖσ βαρύτητα ἔχουσιν, ὥσπερ ἐν ταῖσ ἐπιστολαῖσ, ὦ τί ἂν εἰπὼν μήτε ἁμαρτεῖν δοκοίην μήτε ψευσαίμην;

λίαν ὀλίγωροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Ars Rhetorica, περὶ πολιτικοῦ λόγου, περὶ βαρύτητοσ.

(아리스티데스, 아일리오스, Ars Rhetorica, περὶ πολιτικοῦ λόγου, περὶ βαρύτητοσ.)

상위

목록

SEARCH

MENU NAVIGATION