헬라어 문장 검색 - Αεσξηψ́ΣεϝενΑγ́07́00́0́

(아이스킬로스, 테바이를 공격한 일곱 장수, episode)

ὅ τοι κατόπτησ, ὡσ ἐμοὶ δοκεῖ, στρατοῦ πευθώ τιν’ ἡμῖν, ὦ φίλαι, νέαν φέρει, σπουδῇ διώκων πομπίμουσ χνόασ ποδῶν. καὶ μὴν ἄναξ ὅδ’ αὐτὸσ Οἰδίπου τόκοσ εἰσ ἀρτίκολλον ἀγγέλου λόγον μαθεῖν· σπουδὴ δὲ καὶ τοῦδ’ οὐκ ἀπαρτίζει πόδα. λέγοιμ’ ἂν εἰδὼσ εὖ τὰ τῶν ἐναντίων, ὥσ τ’ ἐν πύλαισ ἕκαστοσ εἴληχεν πάλον. Τυδεὺσ μὲν ἤδη πρὸσ πύλαισι Προιτίσιν βρέμει, πόρον δ’ Ἰσμηνὸν οὐκ ἐᾷ περᾶν ὁ μάντισ· οὐ γὰρ σφάγια γίγνεται καλά. Τυδεὺσ δὲ μαργῶν καὶ μάχησ λελιμμένοσ μεσημβριναῖσ κλαγγαῖσιν ὡσ δράκων βοᾷ· θείνει δ’ ὀνείδει μάντιν Οἰκλείδην σοφόν, σαίνειν μόρον τε καὶ μάχην ἀψυχίᾳ. τοιαῦτ’ ἀυτῶν τρεῖσ κατασκίουσ λόφουσ σείει, κράνουσ χαίτωμ’, ὑπ’ ἀσπίδοσ δ’ ἔσω χαλκήλατοι κλάζουσι κώδωνεσ φόβον· ἔχει δ’ ὑπέρφρον σῆμ’ ἐπ’ ἀσπίδοσ τόδε, φλέγονθ’ ὑπ’ ἄστροισ οὐρανὸν τετυγμένον· λαμπρὰ δὲ πανσέληνοσ ἐν μέσῳ σάκει, πρέσβιστον ἄστρων, νυκτὸσ ὀφθαλμόσ, πρέπει. τοιαῦτ’ ἀλύων ταῖσ ὑπερκόμποισ σαγαῖσ βοᾷ παρ’ ὄχθαισ ποταμίαισ, μάχησ ἐρῶν, ἵπποσ χαλινῶν ὣσ κατασθμαίνων μένει, ὅστισ βοὴν σάλπιγγοσ ὁρμαίνει μένων. τίν’ ἀντιτάξεισ τῷδε; τίσ Προίτου πυλῶν κλῄθρων λυθέντων προστατεῖν φερέγγυοσ; κόσμον μὲν ἀνδρὸσ οὔτιν’ ἂν τρέσαιμ’ ἐγώ, οὐδ’ ἑλκοποιὰ γίγνεται τὰ σήματα· λόφοι δὲ κώδων τ’ οὐ δάκνουσ’ ἄνευ δορόσ. καὶ νύκτα ταύτην ἣν λέγεισ ἐπ’ ἀσπίδοσ ἄστροισι μαρμαίρουσαν οὐρανοῦ κυρεῖν, τάχ’ ἂν γένοιτο μάντισ ἡ ἀνοία τινί. εἰ γὰρ θανόντι νὺξ ἐπ’ ὀφθαλμοῖσ πέσοι, τῷ τοι φέροντι σῆμ’ ὑπέρκομπον τόδε γένοιτ’ ἂν ὀρθῶσ ἐνδίκωσ τ’ ἐπώνυμον, καὐτὸσ καθ’ αὑτοῦ τήνδ’ ὕβριν μαντεύσεται. ἐγὼ δὲ Τυδεῖ κεδνὸν Ἀστακοῦ τόκον τῶνδ’ ἀντιτάξω προστάτην πυλωμάτων, μάλ’ εὐγενῆ τε καὶ τὸν Αἰσχύνησ θρόνον τιμῶντα καὶ στυγοῦνθ’ ὑπέρφρονασ λόγουσ. αἰσχρῶν γὰρ ἀργόσ, μὴ κακὸσ δ’ εἶναι φιλεῖ. σπαρτῶν δ’ ἀπ’ ἀνδρῶν, ὧν Ἄρησ ἐφείσατο, ῥίζωμ’ ἀνεῖται, κάρτα δ’ ἔστ’ ἐγχώριοσ, Μελάνιπποσ· ἔργον δ’ ἐν κύβοισ Ἄρησ κρινεῖ· Δίκη δ’ ὁμαίμων κάρτα νιν προστέλλεται εἴργειν τεκούσῃ μητρὶ πολέμιον δόρυ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

상위

목록

SEARCH

MENU NAVIGATION