Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

καὶ μὴν ἀκούω γ’ ἱππικῶν φρυαγμάτων. μή νυν ἀκούουσ’ ἐμφανῶσ ἄκου’ ἄγαν. στένει πόλισμα γῆθεν, ὡσ κυκλουμένων. οὐκοῦν ἔμ’ ἀρκεῖ τῶνδε βουλεύειν πέρι. δέδοικ’, ἀραγμὸσ δ’ ἐν πύλαισ ὀφέλλεται. οὐ σῖγα μηδὲν τῶνδ’ ἐρεῖσ κατὰ πτόλιν; ὦ ξυντέλεια, μὴ προδῷσ πυργώματα. οὐκ ἐσ φθόρον σιγῶσ’ ἀνασχήσῃ τάδε; θεοὶ πολῖται, μή με δουλείασ τυχεῖν. αὐτὴ σὺ δουλοῖσ κἀμὲ καὶ πᾶσαν πόλιν. ὦ παγκρατὲσ Ζεῦ, τρέψον εἰσ ἐχθροὺσ βέλοσ. ὦ Ζεῦ, γυναικῶν οἱο͂ν ὤπασασ γένοσ. μοχθηρόν, ὥσπερ ἄνδρασ ὧν ἁλῷ πόλισ. παλινστομεῖσ αὖ θιγγάνουσ’ ἀγαλμάτων; ἀψυχίᾳ γὰρ γλῶσσαν ἁρπάζει φόβοσ. αἰτουμένῳ μοι κοῦφον εἰ δοίησ τέλοσ. λέγοισ ἂν ὡσ τάχιστα, καὶ τάχ’ εἴσομαι. σίγησον, ὦ τάλαινα, μὴ φίλουσ φόβει. σιγῶ· σὺν ἄλλοισ πείσομαι τὸ μόρσιμον. τοῦτ’ ἀντ’ ἐκείνων τοὔποσ αἱροῦμαι σέθεν. καὶ πρόσ γε τούτοισ, ἐκτὸσ οὖσ’ ἀγαλμάτων, εὔχου τὰ κρείσσω, ξυμμάχουσ εἶναι θεούσ· κἀμῶν ἀκούσασ’ εὐγμάτων, ἔπειτα σὺ ὀλολυγμὸν ἱερὸν εὐμενῆ παιώνισον, Ἑλληνικὸν νόμισμα θυστάδοσ βοῆσ, θάρσοσ φίλοισ, λύουσα πολέμιον φόβον. ἐγὼ δὲ χώρασ τοῖσ πολισσούχοισ θεοῖσ, πεδιονόμοισ τε κἀγορᾶσ ἐπισκόποισ, Δίρκησ τε πηγαῖσ, ὕδατί τ’ Ἰσμηνοῦ λέγω εὖ ξυντυχόντων καὶ πόλεωσ σεσωμένησ, μήλοισιν αἱμάσσοντασ ἑστίασ θεῶν, ταυροκτονοῦντασ θεοῖσιν, ὧδ’ ἐπεύχομαι θύσειν τροπαῖα, δαί̈ων δ’ ἐσθήματα, στέψω λάφυρα δουρίπληχθ’ ἁγνοῖσ δόμοισ. στέψω πρὸ ναῶν, πολεμίων δ’ ἐσθήματα. τοιαῦτ’ ἐπεύχου μὴ φιλοστόνωσ θεοῖσ, μηδ’ ἐν ματαίοισ κἀγρίοισ ποιφύγμασιν·

οὐ γάρ τι μᾶλλον μὴ φύγῃσ τὸ μόρσιμον. ἐγὼ δέ γ’ ἄνδρασ ἓξ ἐμοὶ σὺν ἑβδόμῳ ἀντηρέτασ ἐχθροῖσι τὸν μέγαν τρόπον εἰσ ἑπτατειχεῖσ ἐξόδουσ τάξω μολών, πρὶν ἀγγέλουσ σπερχνούσ τε καὶ ταχυρρόθουσ λόγουσ ἱκέσθαι καὶ φλέγειν χρείασ ὕπο.

일치하는 문장이 없습니다.

SEARCH

MENU NAVIGATION