Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

ὑμᾶσ ἐρωτῶ, θρέμματ’ οὐκ ἀνασχετά, ἦ ταῦτ’ ἄριστα καὶ πόλει σωτήρια, στρατῷ τε θάρσοσ τῷδε πυργηρουμένῳ, βρέτη πεσούσασ πρὸσ πολισσούχων θεῶν αὐείν, λακάζειν, σωφρόνων μισήματα; ἤκουσασ ἢ οὐκ ἤκουσασ, ἢ κωφῇ λέγω; μήτ’ ἐν κακοῖσι μήτ’ ἐν εὐεστοῖ φίλῃ ξύνοικοσ εἰήν τῷ γυναικείῳ γένει. κρατοῦσα μὲν γὰρ οὐχ ὁμιλητὸν θράσοσ, δείσασα δ’ οἴκῳ καὶ πόλει πλέον κακόν. καὶ νῦν πολίταισ τάσδε διαδρόμουσ φυγὰσ θεῖσαι διερροθήσατ’ ἄψυχον κάκην· τὰ τῶν θύραθεν δ’ ὡσ ἄριστ’ ὀφέλλεται, αὐτοὶ δ’ ὑπ’ αὐτῶν ἔνδοθεν πορθούμεθα. τοιαῦτά τἂν γυναιξὶ συνναίων ἔχοισ. κεἰ μή τισ ἀρχῆσ τῆσ ἐμῆσ ἀκούσεται, ἀνὴρ γυνή τε χὤ τι τῶν μεταίχμιον, ψῆφοσ κατ’ αὐτῶν ὀλεθρία βουλεύσεται, λευστῆρα δήμου δ’ οὔ τι μὴ φύγῃ μόρον. μέλει γὰρ ἀνδρί, μὴ γυνὴ βουλευέτω, τἄξωθεν· ἔνδον δ’ οὖσα μὴ βλάβην τίθει.

일치하는 문장이 없습니다.

SEARCH

MENU NAVIGATION