호흡부호 보기
강세부호 보기
장단부호 보기
작은 Iota 보기
모든 부호 보기
τεκμαιρόμενοσ δὲ Πομπήϊον Μᾶγνον εἰσ Αἴγυπτον ἢ Λιβύην διεκπεσεῖσθαι καὶ σπεύδων πρὸσ ἐκεῖνον ἀνήχθη μὲν ἔχων ἅπαντασ, ἔπλει δὲ πρῶτον ἀπιέναι διδοὺσ καὶ ὑπολείπεσθαι τοὺσ οὐ προθύμωσ συστρατευομένουσ, ἁψάμενοσ δὲ Λιβύησ καὶ παραπλέων ἐντυγχάνει Σέξτῳ τῷ νεωτέρῳ τῶν Πομπηϊού παίδων ἀγγέλλοντι τὴν ἐπ’ Αἰγύπτου τοῦ πατρὸσ τελευτήν. πάντεσ μὲν οὖν βαρέωσ ἤνεγκαν, οὐδεὶσ δὲ μετὰ Πομπήϊον ἠξίου Κάτωνοσ παρόντοσ οὐδὲ ἀκούειν ἄλλον ἡγεμόνα, διὸ καὶ Κάτων αἰδούμενοσ καὶ οἰκτείρων ἄνδρασ ἀγαθοὺσ καὶ πίστεωσ δεδωκότασ πεῖραν ἐπὶ ξένησ ἐρήμουσ καὶ ἀπόρουσ ἀπολιπεῖν, ὑπέστη τε τὴν ἀρχὴν καὶ παρῆλθεν εἰσ Κυρήνην·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기