헬라어 문장 검색 - Πλυταρ́Ξατοτηέ12́

(플루타르코스, Cato the Younger, chapter 12)

ἐπεὶ δὲ τέλοσ εἶχεν ἡ στρατεία τῷ Κάτωνι, προεπέμφθη, οὐκ εὐχαῖσ, ὃ κοινόν ἐστιν, οὐδ’ ἐπαίνοισ, ἀλλὰ δάκρυσι καὶ περιβολαῖσ ἀπλήστοισ, ὑποτιθέντων τὰ ἱμάτια τοῖσ ποσὶν ᾗ βαδίζοι καὶ καταφιλούντων τὰσ χεῖρασ, ἃ τῶν αὐτοκρατόρων ὀλίγοισ μόλισ ἐποίουν οἱ τότε Ῥωμαῖοι. βουληθεὶσ δὲ πρὸ τοῦ πολιτείᾳ προσελθεῖν ἅμα μὲν πλανηθῆναι καθ’ ἱστορίαν τῆσ Ἀσίασ καὶ γενέσθαι θεατὴσ ἠθῶν καὶ βίων καὶ δυνάμεωσ τῆσ περὶ ἑκάστην ἐπαρχίαν, ἅμα δὲ τῷ Γαλάτῃ Δηϊοτάρῳ διὰ ξενίαν καὶ φιλίαν πατρῴαν δεομένῳ πρὸσ αὐτὸν ἐλθεῖν μὴ ἀχαριστῆσαι, τοῦτον τὸν τρόπον ἐποιεῖτο τὴν ἀποδημίαν.

προὔπεμπεν ἅμ’ ἡμέρᾳ τὸν ἀρτοποιὸν καὶ τὸν μάγειρον ὅπου καταλύσειν ἔμελλεν. οἱ δὲ πάνυ κοσμίωσ καὶ μεθ’ ἡσυχίασ εἰσελθόντεσ ἂν εἰσ τὴν πόλιν, εἰ μηδεὶσ τύχοι τῷ Κάτωνι φίλοσ ὢν αὐτόθι πατρῷοσ ἢ γνώριμοσ, ἐν πανδοκείῳ τὴν ὑποδοχὴν αὐτῷ παρεσκεύαζον, ἐνοχλοῦντεσ οὐδενί·

πανδοκείου δὲ μὴ ὄντοσ, οὕτωσ πρὶσ τοὺσ ἄρχοντασ τραπόμενοι ξενίαν ἐλάμβανον, ἀγαπῶντεσ τὴν δοθεῖσαν. πολλάκισ δὲ ἀπιστούμενοι καὶ περιορώμενοι διὰ τὸ μὴ θορύβῳ μηδὲ ἀπειλῇ ταῦτα πράσσειν πρὸσ τοὺσ ἄρχοντασ, ὑπὸ τοῦ Κάτωνοσ ἄπρακτοι κατελαμβάνοντο, καὶ μᾶλλον αὐτὸσ ὀφθεὶσ ὠλιγωρεῖτο, καὶ παρεῖχεν ἐπὶ τῶν φορτίων σιωπῇ καθεζόμενοσ ὑπόνοιαν ἀνθρώπου ταπεινοῦ καὶ περιδεοῦσ.

"ὦ μοχθηροί, μεταβάλεσθε ταύτησ τῆσ κακοξενίασ.

"οὐ πάντεσ ὑμῖν ἀφίξονται Κάτωνεσ. "ἀμβλύνατε ταῖσ φιλοφροσύναισ τὴν ἐξουσίαν τῶν δεομένων προφάσεωσ, ἵνα βίᾳ, λαμβάνωσιν, ὡσ παρ’ ἑκόντων μὴ τυγχάνοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 12

(플루타르코스, Cato the Younger, chapter 12)

상위

목록

SEARCH

MENU NAVIGATION