Apollodorus, Library and Epitome, book E, chapter 6 25:

<Ἀπολλόδωροσ δὲ καὶ οἱ λοιποὶ οὕτω φασί· Γουνεὺσ εἰσ Λιβύην λιπὼν τὰσ ἑαυτοῦ ναῦσ ἐλθὼν ἐπὶ Κίνυφα ποταμὸν κατοικεῖ. Μέγησ δὲ καὶ Πρόθοοσ ἐν Εὐβοίᾳ περὶ τὸν Καφηρέα σὺν πολλοῖσ ἑτέροισ διαφθείρεται . . . τοῦ δὲ Προθόου περὶ τὸν Καφηρέα ναυαγήσαντοσ, οἱ σὺν αὐτῷ Μάγνητεσ εἰσ Κρήτην ῥιφέντεσ ᾤκησαν. > <μετὰ δὲ τὴν Ἰλίου πόρθησιν Μενεσθεὺσ Φείδιππόσ τε καὶ Ἄντιφοσ καὶ οἱ Ἐλεφήνοροσ καὶ Φιλοκτήτησ μέχρι Μίμαντοσ κοινῇ ἔπλευσαν.