헬라어 문장 검색 - ΧενοπήΜινορΩό6́12́

(크세노폰, Minor Works, Κυνηγετικός, chapter 12)

περὶ μὲν αὐτῶν τῶν πράξεων τῶν ἐν τοῖσ κυνηγεσίοισ εἴρηται. ὠφελήσονται δ’ οἱ ἐπιθυμήσαντεσ τούτου τοῦ ἔργου πολλά· ὑγίειάν τε γὰρ τοῖσ σώμασι παρασκευάζει καὶ ὁρᾶν καὶ ἀκούειν μᾶλλον, γηράσκειν δὲ ἧττον, τὰ δὲ πρὸσ τὸν πόλεμον μάλιστα παιδεύει. πρῶτον μὲν γὰρ τὰ ὅπλα ὅταν ἔχοντεσ πορεύωνται ὁδοὺσ χαλεπάσ, οὐκ ἀπεροῦσιν·

ἀνέξονται γὰρ τοὺσ πόνουσ διὰ τὸ εἰθίσθαι μετὰ τούτων αἱρεῖν τὰ θηρία. ἔπειτα εὐνάζεσθαί τε σκληρῶσ δυνατοὶ ἔσονται καὶ φύλακεσ εἶναι ἀγαθοὶ τοῦ ἐπιταττομένου. ἐν δὲ ταῖσ προσόδοισ ταῖσ πρὸσ τοὺσ πολεμίουσ ἅμα οἱοῖ́ τε ἔσονται ἐπιέναι καὶ τὰ παραγγελλόμενα ποιεῖν διὰ τὸ οὕτω καὶ αὐτοὶ αἱρεῖν τὰσ ἄγρασ.

τεταγμένοι δὲ ἐν τῷ πρόσθεν οὐ λείψουσι τὰσ τάξεισ διὰ τὸ καρτερεῖν δύνασθαι. ἐν φυγῇ δὲ τῶν πολεμίων ὀρθῶσ καὶ ἀσφαλῶσ διώξονται τοὺσ ἐναντίουσ ἐν παντὶ χωρίῳ διὰ συνήθειαν.

δυστυχήσαντοσ δὲ οἰκείου στρατοπέδου ἐν χωρίοισ ὑλώδεσι καὶ ἀποκρήμνοισ ἢ ἄλλωσ χαλεποῖσ οἱοῖ́ τ’ ἔσονται καὶ αὐτοὶ σῴζεσθαι μὴ αἰσχρῶσ καὶ ἑτέρουσ σῴζειν· ἡ γὰρ συνήθεια τοῦ ἔργου παρέξει αὐτοῖσ πλέον τι εἰδέναι. καὶ ἤδη τινὲσ τῶν τοιούτων πολλοῦ ὄχλου συμμάχων τρεφθέντοσ τῇ αὑτῶν εὐταξίᾳ καὶ θράσει διὰ δυσχωρίαν ἁμαρτόντασ τοὺσ πολεμίουσ νενικηκότασ ἀναμαχόμενοι ἐτρέψαντο·

ἀεὶ γὰρ ἔστι τοῖσ τὰ σώματα καὶ τὰσ ψυχὰσ εὖ ἔχουσιν ἐγγὺσ εἶναι τοῦ εὐτυχῆσαι. εἰδότεσ δὲ καὶ οἱ πρόγονοι ἡμῶν ὅτι ἐντεῦθεν ηὐτύχουν πρὸσ τοὺσ πολεμίουσ, ἐπιμέλειαν τῶν νέων ἐποιήσαντο·

σπανίζοντεσ γὰρ καρπῶν τὸ ἐξ ἀρχῆσ ἐνόμισαν ὅμωσ τοὺσ κυνηγέτασ μὴ κωλύειν διὰ μηδενὸσ τῶν ἐπὶ τῇ γῇ φυομένων ἀγρεύειν· πρὸσ δὲ τούτῳ μὴ νυκτερεύειν ἐντὸσ πολλῶν σταδίων, ἵνα μὴ ἀφαιροῖντο τὰσ θήρασ αὐτῶν οἱ ἔχοντεσ ταύτην τὴν τέχνην.

ἑώρων γὰρ ὅτι τῶν νεωτέρων ἡ ἡδονὴ μόνη αὕτη πλεῖστα ἀγαθὰ παρασκευάζει. σώφρονάσ τε γὰρ ποιεῖ καὶ δικαίουσ διὰ τὸ ἐν τῇ ἀληθείᾳ παιδεύεσθαι. τά τε ἄλλα γὰρ καὶ τὰ τοῦ πολέμου διὰ τούτων εὐτυχοῦντεσ ᾐσθάνοντο·

καὶ τῶν ἄλλων εἴ τι βούλονται ἐπιτηδεύειν καλῶν οὐδενὸσ ἀποστερεῖ ὥσπερ ἕτεραι κακαὶ ἡδοναί, ἃσ οὐ χρὴ μανθάνειν. ἐκ τῶν τοιούτων οὖν στρατιῶταί τε ἀγαθοὶ καὶ στρατηγοὶ γίγνονται. ὧν γὰρ οἱ πόνοι τὰ μὲν αἰσχρὰ καὶ ὑβριστικὰ ἐκ τῆσ ψυχῆσ καὶ τοῦ σώματοσ ἀφαιροῦνται, ἐπιθυμίαν δ’ ἀρετῆσ ἐνηύξησαν, οὗτοι ἄριστοι·

οὐ γὰρ ἂν περιίδοιεν οὔτε τὴν πόλιν τὴν ἑαυτῶν ἀδικουμένην οὔτε τὴν χώραν πάσχουσαν κακῶσ. λέγουσι δέ τινεσ ὡσ οὐ χρὴ ἐρᾶν κυνηγεσίων, ἵνα μὴ τῶν οἰκείων ἀμελῶσιν, οὐκ εἰδότεσ ὅτι οἱ τὰσ πόλεισ καὶ τοὺσ φίλουσ εὖ ποιοῦντεσ πάντεσ τῶν οἰκείων ἐπιμελέστεροί εἰσιν.

εἰ οὖν οἱ φιλοκυνηγέται παρασκευάζουσιν αὑτοὺσ τῇ πατρίδι χρησίμουσ εἶναι εἰσ τὰ μέγιστα, οὐδ’ ἂν τὰ ἴδια ἀργοῖτο·

σὺν γὰρ τῇ πόλει καὶ σῴζεται καὶ ἀπόλλυται τὰ οἰκεῖα ἑκάστου. ὥστε πρὸσ τοῖσ αὑτῶν καὶ τὰ τῶν ἄλλων ἰδιωτῶν οἱ τοιοῦτοι σῴζουσι. πολλοὶ δὲ ὑπὸ φθόνου ἀλόγιστοι τῶν ταῦτα λεγόντων αἱροῦνται διὰ τὴν αὑτῶν κακίαν ἀπολέσθαι μᾶλλον ἢ ἑτέρων ἀρετῇ σῴζεσθαι·

αἱ γὰρ ἡδοναὶ αἱ πολλαὶ καὶ κακαί· ὧν ἡττώμενοι ἢ λέγειν ἢ πράττειν ἐπαίρονται τὰ χείρω. εἶτα ἐκ μὲν τῶν ματαίων λόγων ἔχθρασ ἀναιροῦνται, ἐκ δὲ τῶν κακῶν ἔργων νόσουσ καὶ ζημίασ καὶ θανάτουσ καὶ αὐτῶν καὶ παίδων καὶ φίλων, ἀναισθήτωσ μὲν τῶν κακῶν ἔχοντεσ, τῶν δὲ ἡδονῶν πλέον τῶν ἄλλων αἰσθανόμενοι, οἷσ τίσ ἂν χρήσαιτο εἰσ πόλεωσ σωτηρίαν;

τούτων μέντοι τῶν κακῶν οὐδεὶσ ὅστισ οὐκ ἀφέξεται ἐρασθεὶσ ὧν ἐγὼ παραινῶ·

παίδευσισ γὰρ καλὴ διδάσκει χρῆσθαι νόμοισ καὶ λέγειν περὶ τῶν δικαίων καὶ ἀκούειν. οἱ μὲν οὖν παρασχόντεσ αὑτοὺσ ἐπὶ τὸ ἀεί τι μοχθεῖν τε καὶ διδάσκεσθαι ἑαυτοῖσ μὲν μαθήσεισ καὶ μελέτασ ἐπιπόνουσ ἔχουσι, σωτηρίαν δὲ ταῖσ ἑαυτῶν πόλεσιν·

οἱ δὲ μὴ θέλοντεσ διὰ τὸ ἐπίπονον διδάσκεσθαι, ἀλλὰ ἐν ἡδοναῖσ ἀκαίροισ διάγειν, φύσει οὗτοι κάκιστοι. οὔτε γὰρ νόμοισ οὔτε λόγοισ ἀγαθοῖσ πείθονται·

οὐ γὰρ εὑρίσκουσι διὰ τὸ μὴ πονεῖν οἱο͂ν χρὴ τὸν ἀγαθὸν εἶναι· ὥστε οὔτε θεοσεβεῖσ δύνανται εἶναι οὔτε σοφοί· τῷ δὲ ἀπαιδεύτῳ χρώμενοι πολλὰ ἐπιτιμῶσι τοῖσ πεπαιδευμένοισ. διὰ μὲν οὖν τούτων οὐδὲν ἂν καλῶσ ἔχοι·

διὰ δὲ τῶν πονούντων ἅπασαι αἱ ὠφέλειαι τοῖσ ἀνθρώποισ ηὑρ́ηνται· ἀμείνουσ οὖν οἱ θέλοντεσ πονεῖν. καὶ τοῦτο ἐπιδέδεικται μεγάλῳ παραδείγματι·

τῶν γὰρ παλαιοτέρων οἱ παρὰ Χείρωνι ὧν ἐπεμνήσθην νέοι ὄντεσ ἀρξάμενοι ἀπὸ τῶν κυνηγεσίων πολλὰ καὶ καλὰ ἔμαθον· ἐξ ὧν ἐγένετο αὐτοῖσ μεγάλη ἀρετή, δι’ ἣν καὶ νῦν θαυμάζονται· ἧσ ὅτι μὲν ἐρῶσιν ἅπαντεσ εὔδηλον, ὅτι δὲ διὰ πόνων ἔστι τυχεῖν αὐτῆσ, οἱ πολλοὶ ἀφίστανται. τὸ μὲν γὰρ κατεργάσασθαι αὐτὴν ἄδηλον, οἱ δὲ πόνοι οἱ ἐν αὐτῇ ἐνόντεσ φανεροί.

ἴσωσ μὲν οὖν, εἰ ἦν τὸ σῶμα αὐτῆσ δῆλον, ἧττον ἂν ἠμέλουν οἱ ἄνθρωποι ἀρετῆσ, εἰδότεσ ὅτι ὥσπερ αὐτοῖσ ἐκείνη ἐμφανήσ ἐστιν, οὕτω καὶ αὐτοὶ ὑπ’ ἐκείνησ ὁρῶνται. ὅταν μὲν γάρ τισ ὁρᾶται ὑπὸ τοῦ ἐρωμένου, ἅπασ ἑαυτοῦ ἐστι βελτίων καὶ οὔτε λέγει οὔτε ποιεῖ αἰσχρὰ οὐδὲ κακά, ἵνα μὴ ὀφθῇ ὑπ’ ἐκείνου.

ὑπὸ δὲ τῆσ ἀρετῆσ οὐκ οἰόμενοι ἐπισκοπεῖσθαι πολλὰ κακὰ καὶ αἰσχρὰ ἐναντίον ποιοῦσιν, ὅτι αὐτοὶ ἐκείνην οὐχ ὁρῶσιν·

ἡ δὲ πανταχοῦ πάρεστι διὰ τὸ εἶναι ἀθάνατοσ καὶ τιμᾷ τοὺσ περὶ αὐτὴν ἀγαθούσ, τοὺσ δὲ κακοὺσ ἀτιμάζει. εἰ οὖν εἰδεῖεν τοῦτο, ὅτι θεᾶται αὐτούσ, ἱέντο ἂν ἐπὶ τοὺσ πόνουσ καὶ τὰσ παιδεύσεισ αἷσ ἁλίσκεται μόλισ, καὶ κατεργάζοιντο ἂν αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Κυνηγετικός, chapter 12

(크세노폰, Minor Works, Κυνηγετικός, chapter 12)

상위

목록

SEARCH

MENU NAVIGATION