Xenophon, Minor Works, Περὶ Ἱππικῆς, chapter 4

(크세노폰, Minor Works, Περὶ Ἱππικῆς, chapter 4)

ὅταν γε μὴν ἀγασθεὶσ ἵππον πρίηταί τισ καὶ οἴκαδε ἀγάγηται, καλὸν μὲν ἐν τοιούτῳ τῆσ οἰκίασ τὸν σταθμὸν εἶναι ὅπου πλειστάκισ ὁ δεσπότησ ὄψεται τὸν ἵππον· ἀγαθὸν δὲ οὕτω κατεσκευάσθαι τὸν ἱππῶνα, ὥστε μηδὲν μᾶλλον οἱο͂́ν τ’ εἶναι τὸν τοῦ ἵππου σῖτον κλαπῆναι ἐκ τῆσ φάτνησ ἢ τὸν τοῦ δεσπότου ἐκ τοῦ ταμιείου. ὁ δὲ τούτου ἀμελῶν ἐμοὶ μὲν ἑαυτοῦ δοκεῖ ἀμελεῖν· δῆλον γὰρ ὅτι ἐν τοῖσ κινδύνοισ τὸ αὑτοῦ σῶμα τῷ ἵππῳ ὁ δεσπότησ παρακατατίθεται. ἔστι δὲ οὐ μόνον τοῦ μὴ κλέπτεσθαι ἕνεκα τὸν σῖτον ἀγαθὸσ ὁ ἐχυρὸσ ἱππών, ἀλλ’ ὅτι καὶ ὅταν μὴ ἐκκομίζῃ τὸν σῖτον ὁ ἵπποσ φανερὸν γίγνεται.

τούτου δ’ ἄν τισ αἰσθανόμενοσ γιγνώσκοι ὅτι ἢ τὸ σῶμα ὑπεραιμοῦν δεῖται θεραπείασ ἢ κόπου ἐνόντοσ δεῖται ἀναπαύσεωσ, ἢ κριθίασισ ἢ ἄλλη τισ ἀρρωστία ὑποδύεται. ἔστι δὲ ὥσπερ ἀνθρώπῳ, οὕτω καὶ ἵππῳ ἀρχόμενα πάντα εὐιατότερα ἢ ἐπειδὰν ἐνσκιρωθῇ τε καὶ ἐξαμαρτηθῇ τὰ νοσήματα. ὥσπερ δὲ τοῦ ἵππου σίτου τε καὶ γυμνασίων ἐπιμελητέον, ὅπωσ ἂν τὸ σῶμα ἰσχύῃ, οὕτω καὶ τοὺσ πόδασ ἀσκητέον.

τὰ μὲν τοίνυν ὑγρά τε καὶ λεῖα τῶν σταθμῶν λυμαίνεται καὶ ταῖσ εὐφυέσιν ὁπλαῖσ· τὰ δέ, ὡσ μὲν μὴ ὑγρὰ εἶναι, ἀπόρρυτα, ὡσ δὲ μὴ λεῖα, λίθουσ ἔχοντα κατορωρυγμένουσ, προσαλλήλουσ, παραπλησίουσ ὁπλαῖσ τὸ μέγεθοσ . . . τὰ γὰρ τοιαῦτα σταθμὰ . . . καὶ ἐφεστηκότων ἅμα στερεοῖ τοὺσ πόδασ. ἔπειτά γε μὴν τῷ ἱπποκόμῳ ἐξακτέον μὲν τὸν ἵππον ὅπου ψήξει, μεταδετέον δὲ μετὰ τὸ ἄριστον ἀπὸ τῆσ φάτνησ, ἵν’ ἥδιον ἐπὶ τὸ δεῖπνον ἰῄ.

ὧδε δ’ ἂν αὖ ὁ ἔξω σταθμὸσ βέλτιστοσ εἰή καὶ τοὺσ πόδασ καρτερύνοι, εἰ λίθων στρογγύλων ἀμφιδόχμων ὅσον μνααίων ἁμάξασ τέτταρασ καὶ πέντε χύδην καταβάλοι, περιχειλώσασ σιδήρῳ, ὡσ ἂν μὴ σκεδαννύωνται· ἐπὶ γὰρ τούτων ἑστηκὼσ ὥσπερ ἐν ὁδῷ λιθώδει ἀεὶ μέροσ <τι> τῆσ ἡμέρασ πορεύοιτο <ἄν>· ἀνάγκη δὲ καὶ ψηχόμενον καὶ μυωπιζόμενον χρῆσθαι ταῖσ ὁπλαῖσ καθάπερ ὅταν βαδίζῃ.

καὶ τὰσ χελιδόνασ δὲ τῶν ποδῶν οἱ οὕτω κεχυμένοι λίθοι στερεοῦσιν. ὡσ δὲ περὶ τῶν ὁπλῶν ὅπωσ στερεαὶ ἔσονται ἐπιμελητέον, οὕτω καὶ τὰ περὶ τὸ στόμα αὖ ὅπωσ μαλακὰ ἔσται ἐπιμελεῖσθαι δεῖ. τὰ δ’ αὐτὰ ἀνθρώπου τε σάρκα καὶ ἵππου στόμα ἁπαλύνει.

SEARCH

MENU NAVIGATION