호흡부호 보기
강세부호 보기
장단부호 보기
작은 Iota 보기
모든 부호 보기
ἐπεὶ δ’ ἅπαξ ἤρξαντο ὑπείκειν, ταχὺ δὴ πᾶσα ἡ ἀκρόπολισ ἔρημοσ τῶν πολεμίων ἐγεγένητο. εὐθὺσ δὲ καὶ οἱ ἱππεῖσ ἐξήλαυνον· οἱ δὲ πολέμιοι ἰδόντεσ αὐτοὺσ ἀπεχώρουν, καταλιπόντεσ τάσ τε κλίμακασ καὶ τοὺσ νεκρούσ, ἐνίουσ δὲ καὶ ζῶντασ ἀποκεχωλευμένουσ. ἀπέθανον δὲ τῶν πολεμίων οἵ τε ἔνδον μαχόμενοι καὶ οἱ ἔξω ἁλλόμενοι οὐκ ἐλάττουσ τῶν ὀγδοήκοντα. ἔνθα δὴ θεάσασθαι παρῆν ἐπὶ τῆσ σωτηρίασ τοὺσ μὲν ἄνδρασ δεξιουμένουσ ἀλλήλουσ, τὰσ δὲ γυναῖκασ πιεῖν τε φερούσασ καὶ ἅμα χαρᾷ δακρυούσασ· πάντασ δὲ τοὺσ παρόντασ τότε γε τῷ ὄντι κλαυσίγελωσ εἶχεν.
호흡부호 보기
강세부호 보기
장단부호 보기
작은 Iota 보기
모든 부호 보기