헬라어 문장 검색 - ΧενοπήΑναβασί5́6́

(크세노폰, Anabasis, Κύρου Ἀναβάσεωσ Ε, chapter 6)

ταύτῃ μὲν τῇ ἡμέρᾳ τοῦτο τὸ τέλοσ ἐγένετο. τῇ δὲ ὑστεραίᾳ ξυνέλεξαν οἱ στρατηγοὶ τοὺσ στρατιώτασ. καὶ ἐδόκει αὐτοῖσ περὶ τῆσ λοιπῆσ πορείασ παρακαλέσαντασ τοὺσ Σινωπέασ βουλεύεσθαι. εἴτε γὰρ πεζῇ δέοι πορεύεσθαι, χρήσιμοι ἂν ἐδόκουν εἶναι οἱ Σινωπεῖσ· ἔμπειροι γὰρ ἦσαν τῆσ Παφλαγονίασ· εἴτε κατὰ θάλατταν, προσδεῖν ἐδόκει Σινωπέων· μόνοι γὰρ ἂν ἐδόκουν ἱκανοὶ εἶναι πλοῖα παρασχεῖν ἀρκοῦντα τῇ στρατιᾷ. καλέσαντεσ οὖν τοὺσ πρέσβεισ ξυνεβουλεύοντο, καὶ ἠξίουν Ἕλληνασ ὄντασ Ἕλλησι τούτῳ πρῶτον καλῶσ δέχεσθαι τῷ εὔνουσ τε εἶναι καὶ τὰ κάλλιστα ξυμβουλεύειν.

ἀναστὰσ δὲ Ἑκατώνυμοσ πρῶτον μὲν ἀπελογήσατο περὶ οὗ εἶπεν ὡσ τὸν Παφλαγόνα φίλον ποιήσοιντο, ὅτι οὐχ ὡσ τοῖσ Ἕλλησι πολεμησόντων σφῶν εἴποι, ἀλλ’ ὅτι ἐξὸν τοῖσ βαρβάροισ φίλουσ εἶναι τοὺσ Ἕλληνασ αἱρήσονται.

ἐπεὶ δὲ ξυμβουλεύειν ἐκέλευον, ἐπευξάμενοσ εἶπεν ὧδε. εἰ μὲν ξυμβουλεύοιμι ἃ βέλτιστά μοι εἶναι δοκεῖ, πολλά μοι καὶ ἀγαθὰ γένοιτο·

εἰ δὲ μή, τἀναντία. αὐτὴ γὰρ ἡ ἱερὰ ξυμβουλὴ λεγομένη εἶναι δοκεῖ μοι παρεῖναι· νῦν γὰρ δὴ ἂν μὲν εὖ ξυμβουλεύσασ φανῶ, πολλοὶ ἔσονται οἱ ἐπαινοῦντέσ με, ἂν δὲ κακῶσ, πολλοὶ ἔσεσθε οἱ καταρώμενοι. πράγματα μὲν οὖν οἶδ’ ὅτι πολὺ πλείω ἕξομεν, ἐὰν κατὰ θάλατταν κομίζησθε·

ἡμᾶσ γὰρ δεήσει τὰ πλοῖα πορίζειν· ἢν δὲ κατὰ γῆν στέλλησθε, ὑμᾶσ δεήσει τοὺσ μαχομένουσ εἶναι. ὅμωσ δὲ λεκτέα ἃ γιγνώσκω· ἔμπειροσ γάρ εἰμι καὶ τῆσ χώρασ τῆσ Παφλαγόνων καὶ τῆσ δυνάμεωσ.

ἔχει γὰρ ἀμφότερα, καὶ πεδία κάλλιστα καὶ ὄρη ὑψηλότατα. καὶ πρῶτον μὲν οἶδα εὐθὺσ ᾗ τὴν εἰσβολὴν ἀνάγκη ποιεῖσθαι·

οὐ γὰρ ἔστιν ἄλλῃ ἢ ᾗ τὰ κέρατα τοῦ ὄρουσ τῆσ ὁδοῦ καθ’ ἑκάτερά ἐστιν ὑψηλά, ἃ κρατεῖν κατέχοντεσ καὶ πάνυ ὀλίγοι δύναιντ’ ἄν· τούτων δὲ κατεχομένων οὐδ’ ἂν οἱ πάντεσ ἄνθρωποι δύναιντ’ ἂν διελθεῖν. ταῦτα δὲ καὶ δείξαιμι ἄν, εἴ μοί τινα βούλοισθε ξυμπέμψαι. ἔπειτα δὲ οἶδα καὶ πεδία ὄντα καὶ ἱππείαν ἣν αὐτοὶ οἱ βάρβαροι νομίζουσι κρείττω εἶναι ἁπάσησ τῆσ βασιλέωσ ἱππείασ.

καὶ νῦν οὗτοι οὐ παρεγένοντο βασιλεῖ καλοῦντι, ἀλλὰ μεῖζον φρονεῖ ὁ ἄρχων αὐτῶν. ἢν δὲ καὶ δυνηθῆτε τά τε ὄρη κλέψαι ἢ φθάσαι λαβόντεσ καὶ ἐν τῷ πεδίῳ κρατῆσαι μαχόμενοι τούσ τε ἱππέασ τούτων καὶ πεζῶν μυριάδασ πλέον ἢ δώδεκα, ἥξετε ἐπὶ τοὺσ ποταμούσ, πρῶτον μὲν τὸν Θερμώδοντα, εὖροσ τριῶν πλέθρων, ὃν χαλεπὸν οἶμαι διαβαίνειν ἄλλωσ τε καὶ πολεμίων πολλῶν ἔμπροσθεν ὄντων, πολλῶν δὲ ὄπισθεν ἑπομένων·

δεύτερον δὲ Ἶριν, τρίπλεθρον ὡσαύτωσ· τρίτον δὲ Ἅλυν, οὐ μεῖον δυοῖν σταδίοιν, ὃν οὐκ ἂν δύναισθε ἄνευ πλοίων διαβῆναι· πλοῖα δὲ τίσ ἔσται ὁ παρέχων; ὡσ δ’ αὔτωσ καὶ ὁ Παρθένιοσ ἄβατοσ· ἐφ’ ὃν ἔλθοιτε ἄν, εἰ τὸν Ἅλυν διαβαίητε.

ἐγὼ μὲν οὖν οὐ χαλεπὴν ὑμῖν εἶναι νομίζω τὴν πορείαν ἀλλὰ παντάπασιν ἀδύνατον. ἂν δὲ πλέητε, ἔστιν ἐνθένδε μὲν εἰσ Σινώπην παραπλεῦσαι, ἐκ Σινώπησ δὲ εἰσ Ἡράκλειαν· ἐξ Ἡρακλείασ δὲ οὔτε πεζῇ οὔτε κατὰ θάλατταν ἀπορία· πολλὰ γὰρ καὶ πλοῖά ἐστιν ἐν Ἡρακλείᾳ. ἐπεὶ δὲ ταῦτ’ ἔλεξεν, οἱ μὲν ὑπώπτευον φιλίασ ἕνεκα τῆσ Κορύλα λέγειν·

καὶ γὰρ ἦν πρόξενοσ αὐτῷ· οἱ δὲ καὶ ὡσ δῶρα ληψόμενον διὰ τὴν ξυμβουλὴν ταύτην· οἱ δὲ ὑπώπτευον καὶ τούτου ἕνεκα λέγειν ὡσ μὴ πεζῇ ἰόντεσ τὴν Σινωπέων τι χώραν κακὸν ἐργάζοιντο. οἱ δ’ οὖν Ἕλληνεσ ἐψηφίσαντο κατὰ θάλατταν τὴν πορείαν ποιεῖσθαι. μετὰ ταῦτα Ξενοφῶν εἶπεν·

ὦ Σινωπεῖσ, οἱ μὲν ἄνδρεσ ᾕρηνται πορείαν ἣν ὑμεῖσ ξυμβουλεύετε· οὕτω δὲ ἔχει· εἰ μὲν μέλλει πλοῖα ἔσεσθαι ἱκανὰ ὡσ ἀριθμῷ ἕνα μὴ καταλείπεσθαι ἐνθάδε, ἡμεῖσ ἂν πλέοιμεν· εἰ δὲ μέλλοιμεν οἱ μὲν καταλείψεσθαι οἱ δὲ πλεύσεσθαι, οὐκ ἂν ἐμβαίημεν εἰσ τὰ πλοῖα. γιγνώσκομεν γὰρ ὅτι ὅπου μὲν ἂν κρατῶμεν, δυναίμεθ’ ἂν καὶ σῴζεσθαι καὶ τὰ ἐπιτήδεια ἔχειν·

εἰ δέ που ἥττουσ τῶν πολεμίων ληφθησόμεθα, εὔδηλον δὴ ὅτι ἐν ἀνδραπόδων χώρᾳ ἐσόμεθα. ἀκούσαντεσ ταῦτα οἱ πρέσβεισ ἐκέλευον πέμπειν πρέσβεισ. καὶ πέμπουσι Καλλίμαχον Ἀρκάδα καὶ Ἀρίστωνα Ἀθηναῖον καὶ Σαμόλαν Ἀχαιόν.

καὶ οἱ μὲν ᾤχοντο. ἐν δὲ τούτῳ τῷ χρόνῳ Ξενοφῶντι, ὁρῶντι μὲν ὁπλίτασ πολλοὺσ τῶν Ἑλλήνων, ὁρῶντι δὲ πελταστὰσ πολλοὺσ καὶ τοξότασ καὶ σφενδονήτασ καὶ ἱππέασ δὲ καὶ μάλα ἤδη διὰ τὴν τριβὴν ἱκανούσ, ὄντασ δ’ ἐν τῷ Πόντῳ, ἔνθα οὐκ ἂν ἀπ’ ὀλίγων χρημάτων τοσαύτη δύναμισ παρεσκευάσθη, καλὸν αὐτῷ ἐδόκει εἶναι χώραν καὶ δύναμιν τῇ Ἑλλάδι προσκτήσασθαι πόλιν κατοικίσαντασ.

καὶ γενέσθαι ἂν αὐτῷ ἐδόκει μεγάλη, καταλογιζομένῳ τό τε αὑτῶν πλῆθοσ καὶ τοὺσ περιοικοῦντασ τὸν Πόντον.

καὶ ἐπὶ τούτοισ ἐθύετο πρίν τινι εἰπεῖν τῶν στρατιωτῶν Σιλανὸν παρακαλέσασ τὸν Κύρου μάντιν γενόμενον τὸν Ἀμπρακιώτην. ὁ δὲ Σιλανὸσ δεδιὼσ μὴ γένηται ταῦτα καὶ καταμείνῃ που ἡ στρατιά, ἐκφέρει εἰσ τὸ στράτευμα λόγον ὅτι Ξενοφῶν βούλεται καταμεῖναι τὴν στρατιὰν καὶ πόλιν οἰκίσαι καὶ ἑαυτῷ ὄνομα καὶ δύναμιν περιποιήσασθαι.

αὐτὸσ δ’ ὁ Σιλανὸσ ἐβούλετο ὅτι τάχιστα εἰσ τὴν Ἑλλάδα ἀφικέσθαι·

οὓσ γὰρ παρὰ Κύρου ἔλαβε τρισχιλίουσ δαρεικοὺσ ὅτε τὰσ δέκα ἡμέρασ ἠλήθευσε θυόμενοσ Κύρῳ, διεσεσώκει. τῶν δὲ στρατιωτῶν, ἐπεὶ ἤκουσαν, τοῖσ μὲν ἐδόκει βέλτιστον εἶναι καταμεῖναι, τοῖσ δὲ πολλοῖσ οὔ.

Τιμασίων δὲ ὁ Δαρδανεὺσ καὶ Θώραξ ὁ Βοιώτιοσ πρὸσ ἐμπόρουσ τινὰσ παρόντασ τῶν Ἡρακλεωτῶν καὶ Σινωπέων λέγουσιν ὅτι εἰ μὴ ἐκποριοῦσι τῇ στρατιᾷ μισθὸν ὥστε ἔχειν τὰ ἐπιτήδεια ἐκπλέοντασ, ὅτι κινδυνεύσει μεῖναι τοσαύτη δύναμισ ἐν τῷ Πόντῳ· βούλεται γὰρ Ξενοφῶν καὶ ἡμᾶσ παρακαλεῖ, ἐπειδὰν ἔλθῃ τὰ πλοῖα, τότε εἰπεῖν ἐξαίφνησ τῇ στρατιᾷ· ἄνδρεσ, νῦν μὲν ὁρῶμεν ὑμᾶσ ἀπόρουσ ὄντασ καὶ ἐν τῷ ἀπόπλῳ ἔχειν τὰ ἐπιτήδεια καὶ ὡσ οἴκαδε ἀπελθόντασ ὀνῆσαί τι τοὺσ οἴκοι·

εἰ δὲ βούλεσθε τῆσ κύκλῳ χώρασ περὶ τὸν Πόντον οἰκουμένησ ἐκλεξάμενοι ὅποι ἂν βούλησθε κατασχεῖν, καὶ τὸν μὲν ἐθέλοντα ἀπιέναι οἴκαδε, τὸν δ’ ἐθέλοντα μένειν αὐτοῦ, πλοῖα δ’ ὑμῖν πάρεστιν, ὥστε ὅπῃ ἂν βούλησθε ἐξαίφνησ ἂν ἐπιπέσοιτε. ἀκούσαντεσ ταῦτα οἱ ἔμποροι ἀπήγγελλον ταῖσ πόλεσι·

ξυνέπεμψε δ’ αὐτοῖσ Τιμασίων Δαρδανεὺσ Εὐρύμαχόν τε τὸν Δαρδανέα καὶ Θώρακα τὸν Βοιώτιον ταὐτὰ ἐροῦντασ. Σινωπεῖσ δὲ καὶ Ἡρακλεῶται ταῦτα ἀκούσαντεσ πέμπουσι πρὸσ τὸν Τιμασίωνα καὶ κελεύουσι προστατεῦσαι λαβόντα χρήματα ὅπωσ ἐκπλεύσῃ ἡ στρατιά. ὁ δὲ ἄσμενοσ ἀκούσασ ἐν ξυλλόγῳ τῶν στρατιωτῶν ὄντων λέγει τάδε.

οὐ δεῖ προσέχειν μονῇ, ὦ ἄνδρεσ, οὐδὲ τῆσ Ἑλλάδοσ οὐδὲν περὶ πλείονοσ ποιεῖσθαι. ἀκούω δέ τινασ θύεσθαι ἐπὶ τούτῳ οὐδ’ ὑμῖν λέγοντασ. ὑπισχνοῦμαι δὲ ὑμῖν, ἂν ἐκπλέητε, ἀπὸ νουμηνίασ μισθοφορὰν παρέξειν κυζικηνὸν ἑκάστῳ τοῦ μηνόσ·

καὶ ἄξω ὑμᾶσ εἰσ τὴν Τρῳάδα, ἔνθεν καί εἰμι φυγάσ, καὶ ὑπάρξει ὑμῖν ἡ ἐμὴ πόλισ· ἑκόντεσ γάρ με δέξονται. ἡγήσομαι δὲ αὐτὸσ ἐγὼ ἔνθεν πολλὰ χρήματα λήψεσθε.

ἔμπειροσ δέ εἰμι τῆσ Αἰολίδοσ καὶ τῆσ Φρυγίασ καὶ τῆσ Τρῳάδοσ καὶ τῆσ Φαρναβάζου ἀρχῆσ πάσησ, τὰ μὲν διὰ τὸ ἐκεῖθεν εἶναι, τὰ δὲ διὰ τὸ ξυνεστρατεῦσθαι ἐν αὐτῇ σὺν Κλεάρχῳ τε καὶ Δερκυλίδᾳ. ἀναστὰσ αὖθισ Θώραξ ὁ Βοιώτιοσ, ὃσ περὶ στρατηγίασ Ξενοφῶντι ἐμάχετο, ἔφη, εἰ ἐξέλθοιεν ἐκ τοῦ Πόντου, ἔσεσθαι αὐτοῖσ Χερρόνησον χώραν καλὴν καὶ εὐδαίμονα ὥστε τῷ βουλομένῳ ἐνοικεῖν, τῷ δὲ μὴ βουλομένῳ ἀπιέναι οἴκαδε.

γελοῖον δὲ εἶναι ἐν τῇ Ἑλλάδι οὔσησ χώρασ πολλῆσ καὶ ἀφθόνου ἐν τῇ βαρβάρων μαστεύειν. ἔστε δ’ ἄν, ἔφη, ἐκεῖ γένησθε, κἀγὼ καθάπερ Τιμασίων ὑπισχνοῦμαι ὑμῖν τὴν μισθοφοράν.

ταῦτα δὲ ἔλεγεν εἰδὼσ ἃ Τιμασίωνι οἱ Ἡρακλεῶται καὶ οἱ Σινωπεῖσ ὑπισχνοῦντο ὥστε ἐκπλεῖν. ὁ δὲ Ξενοφῶν ἐν τούτῳ ἐσίγα.

ἀναστὰσ δὲ Φιλήσιοσ καὶ Λύκων οἱ Ἀχαιοὶ ἔλεγον ὡσ δεινὸν εἰή ἰδίᾳ μὲν Ξενοφῶντα πείθειν τε καταμένειν καὶ θύεσθαι ὑπὲρ τῆσ μονῆσ μὴ κοινούμενον τῇ στρατιᾷ, εἰσ δὲ τὸ κοινὸν μηδὲν ἀγορεύειν περὶ τούτων. ὥστε ἠναγκάσθη ὁ Ξενοφῶν ἀναστῆναι καὶ εἰπεῖν τάδε. ἐγώ, ὦ ἄνδρεσ, θύομαι μὲν ὡσ ὁρᾶτε ὁπόσα δύναμαι καὶ ὑπὲρ ὑμῶν καὶ ὑπὲρ ἐμαυτοῦ ὅπωσ ταῦτα τυγχάνω καὶ λέγων καὶ νοῶν καὶ πράττων ὁποῖα μέλλει ὑμῖν τε κάλλιστα καὶ ἄριστα ἔσεσθαι καὶ ἐμοί.

καὶ νῦν ἐθυόμην περὶ αὐτοῦ τούτου, εἰ ἄμεινον εἰή ἄρχεσθαι λέγειν εἰσ ὑμᾶσ καὶ πράττειν περὶ τούτων ἢ παντάπασι μηδὲ ἅπτεσθαι τοῦ πράγματοσ. Σιλανὸσ δέ μοι ὁ μάντισ ἀπεκρίνατο τὸ μὲν μέγιστον, τὰ ἱερὰ καλὰ εἶναι·

ᾔδει γὰρ καὶ ἐμὲ οὐκ ἄπειρον ὄντα διὰ τὸ ἀεὶ παρεῖναι τοῖσ ἱεροῖσ· ἔλεξε δὲ ὅτι ἐν τοῖσ ἱεροῖσ φαίνοιτό τισ δόλοσ καὶ ἐπιβουλὴ ἐμοί, ὡσ ἄρα γιγνώσκων ὅτι αὐτὸσ ἐπεβούλευε διαβάλλειν με πρὸσ ὑμᾶσ. ἐξήνεγκε γὰρ τὸν λόγον ὡσ ἐγὼ πράττειν ταῦτα διανοοίμην ἤδη οὐ πείσασ ὑμᾶσ. ἐγὼ δὲ εἰ μὲν ἑώρων ἀποροῦντασ ὑμᾶσ, τοῦτ’ ἂν ἐσκόπουν ἀφ’ οὗ ἂν γένοιτο ὥστε λαβόντασ ὑμᾶσ πόλιν τὸν μὲν βουλόμενον ἀποπλεῖν ἤδη, τὸν δὲ μὴ βουλόμενον, ἐπεὶ κτήσαιτο ἱκανὰ ὥστε καὶ τοὺσ ἑαυτοῦ οἰκείουσ ὠφελῆσαί τι.

ἐπεὶ δὲ ὁρῶ ὑμῖν καὶ τὰ πλοῖα πέμποντασ Ἡρακλεώτασ καὶ Σινωπέασ ὥστε ἐκπλεῖν, καὶ μισθὸν ὑπισχνουμένουσ ὑμῖν ἄνδρασ ἀπὸ νουμηνίασ, καλόν μοι δοκεῖ εἶναι σῳζομένουσ ἔνθα βουλόμεθα μισθὸν τῆσ σωτηρίασ λαμβάνειν, καὶ αὐτόσ τε παύομαι ἐκείνησ τῆσ διανοίασ, καὶ ὁπόσοι πρὸσ ἐμὲ προσῇσαν λέγοντεσ ὡσ χρὴ ταῦτα πράττειν, ἀναπαύεσθαί φημι χρῆναι.

οὕτω γὰρ γιγνώσκω·

ὁμοῦ μὲν ὄντεσ πολλοὶ ὥσπερ νυνὶ δοκεῖτε ἄν μοι καὶ ἔντιμοι εἶναι καὶ ἔχειν τὰ ἐπιτήδεια· ἐν γὰρ τῷ κρατεῖν ἐστι καὶ τὸ λαμβάνειν τὰ τῶν ἡττόνων· διασπασθέντεσ δ’ ἂν καὶ κατὰ μικρὰ γενομένησ τῆσ δυνάμεωσ οὔτ’ ἂν τροφὴν δύναισθε λαμβάνειν οὔτε χαίροντεσ ἂν ἀπαλλάξαιτε. δοκεῖ οὖν μοι ἅπερ ὑμῖν, ἐκπορεύεσθαι εἰσ τὴν Ἑλλάδα, καὶ ἐάν τισ μέντοι ἀπολιπὼν ληφθῇ πρὶν ἐν ἀσφαλεῖ εἶναι πᾶν τὸ στράτευμα, κρίνεσθαι αὐτὸν ὡσ ἀδικοῦντα.

καὶ ὅτῳ δοκεῖ, ἔφη, ταῦτα, ἀράτω τὴν χεῖρα. ἀνέτειναν ἅπαντεσ.

ὁ δὲ Σιλανὸσ ἐβόα, καὶ ἐπεχείρει λέγειν ὡσ δίκαιον εἰή ἀπιέναι τὸν βουλόμενον. οἱ δὲ στρατιῶται οὐκ ἠνείχοντο, ἀλλ’ ἠπείλουν αὐτῷ ὅτι εἰ λήψονται ἀποδιδράσκοντα, τὴν δίκην ἐπιθήσοιεν. ἐντεῦθεν ἐπεὶ ἔγνωσαν οἱ Ἡρακλεῶται ὅτι ἐκπλεῖν δεδογμένον εἰή καὶ Ξενοφῶν αὐτὸσ ἐπεψηφικὼσ εἰή, τὰ μὲν πλοῖα πέμπουσι, τὰ δὲ χρήματα ἃ ὑπέσχοντο Τιμασίωνι καὶ Θώρακι ἐψευσμένοι ἦσαν τῆσ μισθοφορᾶσ.

ἐνταῦθα δὲ ἐκπεπληγμένοι ἦσαν καὶ ἐδεδίεσαν τὴν στρατιὰν οἱ τὴν μισθοφορὰν ὑπεσχημένοι.

παραλαβόντεσ οὖν οὗτοι καὶ τοὺσ ἄλλουσ στρατηγοὺσ οἷσ ἀνεκεκοίνωντο ἃ πρόσθεν ἔπραττον, πάντεσ δ’ ἦσαν πλὴν Νέωνοσ τοῦ Ἀσιναίου, ὃσ Χειρισόφῳ ὑπεστρατήγει, Χειρίσοφοσ δὲ οὔπω παρῆν, ἔρχονται πρὸσ Ξενοφῶντα, καὶ λέγουσιν ὅτι μεταμέλοι αὐτοῖσ, καὶ δοκοίη κράτιστον εἶναι πλεῖν εἰσ Φᾶσιν, ἐπεὶ πλοῖα ἔστι, καὶ κατασχεῖν τὴν Φασιανῶν χώραν. αἰήτου δὲ ὑιδοῦσ ἐτύγχανε βασιλεύων αὐτῶν.

Ξενοφῶν δὲ ἀπεκρίνατο ὅτι οὐδὲν ἂν τούτων εἴποι εἰσ τὴν στρατιάν· ὑμεῖσ δὲ ξυλλέξαντεσ, ἔφη, εἰ βούλεσθε, λέγετε. ἐνταῦθα ἀποδείκνυται Τιμασίων ὁ Δαρδανεὺσ γνώμην οὐκ ἐκκλησιάζειν ἀλλὰ τοὺσ αὑτοῦ ἕκαστον λοχαγοὺσ πρῶτον πειρᾶσθαι πείθειν. καὶ ἀπελθόντεσ ταῦτ’ ἐποίουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Ε, chapter 6

(크세노폰, Anabasis, Κύρου Ἀναβάσεωσ Ε, chapter 6)

상위

목록

SEARCH

MENU NAVIGATION