호흡부호 보기
강세부호 보기
장단부호 보기
작은 Iota 보기
모든 부호 보기
ἀλλὰ γὰρ ὁ μὲν περὶ τῆσ Κνωσσοῦ λόγοσ τοιοῦτοσ. διαρρεῖ δ’ αὐτὴν ὅλην ὁ Ληθαῖοσ ποταμόσ. μετὰ δὲ ταύτην δευτερεῦσαι δοκεῖ κατὰ τὴν δύναμιν ἡ τῶν Γορτυνίων πόλισ. συμπράττουσαί τε γὰρ ἀλλήλαισ ἅπαντασ ὑπηκόουσ εἶχον αὗται τοὺσ ἄλλουσ, στασιάσασαί τε διέστησαν τὰ κατὰ τὴν νῆσον· προσθήκη δ’ ἦν ἡ Κυδωνία μεγίστη ὁποτέροισ προσγένοιτο. κεῖται δ’ ἐν πεδίῳ καὶ ἡ τῶν Γορτυνίων πόλισ, τὸ παλαιὸν μὲν ἴσωσ τετειχισμένη καθάπερ καὶ Ὅμηροσ εἴρηκε Γόρτυνά τε τειχήεσσαν , ὕστερον δ’ ἀποβαλοῦσα τὸ τεῖχοσ ἐκ θεμελίων καὶ πάντα τὸν χρόνον μείνασα ἀτείχιστοσ· καὶ γὰρ ὁ Φιλοπάτωρ Πτολεμαῖοσ ἀρξάμενοσ τειχίζειν ὅσον ἐπὶ ὀγδοήκοντα σταδίουσ παρῆλθε μόνον· ἀξιόλογον δ’ οὖν ἐξεπλήρου ποτὲ κύκλον ἡ οἴκησισ ὅσον πεντήκοντα σταδίων· διέχει δὲ τῆσ Λιβυκῆσ θαλάττησ κατὰ Λεβῆνα τὸ ἐμπόριον αὐτῆσ ἐνενήκοντα· ἔχει δέ τι καὶ ἄλλο ἐπίνειον τὸ Μάταλον, διέχει δ’ αὐτῆσ ἑκατὸν τριάκοντα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기