Strabo, Geography, Book 10, chapter 4 14:

(스트라본, 지리학, Book 10, chapter 4 14:)

περὶ μὲν οὖν Κνωσσοῦ ταῦτα, πόλεωσ οὐκ ἀλλοτρίασ ἡμῖν, διὰ δὲ τἀνθρώπινα καὶ τὰσ ἐν αὐτοῖσ μεταβολὰσ καὶ συντυχίασ ἐκλελειμμένων τῶν συμβολαίων τῶν ὑπαρξάντων ἡμῖν πρὸσ τὴν πόλιν. Δορύλαοσ γὰρ ἦν ἀνὴρ τακτικόσ, τῶν Μιθριδάτου τοῦ Εὐεργέτου φίλων· οὗτοσ διὰ τὴν ἐν τοῖσ πολεμικοῖσ ἐμπειρίαν ξενολογεῖν ἀποδειχθεὶσ πολὺσ ἦν ἔν τε τῇ Ἑλλάδι καὶ τῇ Θρᾴκῃ, πολὺσ δὲ καὶ τοῖσ παρὰ τῆσ Κρήτησ ἰοῦσιν, οὔπω τὴν νῆσον ἐχόντων Ῥωμαίων, συχνοῦ δὲ ὄντοσ ἐν αὐτῇ τοῦ μισθοφορικοῦ καὶ στρατιωτικοῦ πλήθουσ, ἐξ οὗ καὶ τὰ λῃστήρια πληροῦσθαι συνέβαινεν. ἐπιδημοῦντοσ δὲ τοῦ Δορυλάου κατὰ τύχην ἐνέστη πόλεμοσ τοῖσ Κνωσσίοισ πρὸσ τοὺσ Γορτυνίουσ· αἱρεθεὶσ δὲ στρατηγὸσ καὶ κατορθώσασ διὰ ταχέων ἤρατο τιμὰσ τὰσ μεγίστασ, καὶ ἐπειδὴ μικρὸν ὕστερον ἐξ ἐπιβουλῆσ δολοφονηθέντα ἔγνω τὸν Εὐεργέτην ὑπὸ τῶν φίλων ἐν Σινώπῃ, τὴν διαδοχὴν δὲ εἰσ γυναῖκα καὶ παιδία ἥκουσαν, ἀπογνοὺσ τῶν ἐκεῖ κατέμεινεν ἐν τῇ Κνωσσῷ· τεκνοποιεῖται δ’ ἐκ Μακέτιδοσ γυναικὸσ Στερόπησ τοὔνομα δύο μὲν υἱεῖσ Λαγέταν καὶ Στρατάρχαν, ὧν τὸν Στρατάρχαν ἐσχατόγηρων καὶ ἡμεῖσ ἤδη εἴδομεν, θυγατέρα δὲ μίαν. δυεῖν δὲ ὄντων υἱῶν τοῦ Εὐεργέτου διεδέξατο τὴν βασιλείαν Μιθριδάτησ ὁ προσαγορευθεὶσ Εὐπάτωρ ἕνδεκα ἔτη γεγονώσ· τούτῳ σύντροφοσ ὑπῆρξεν ὁ τοῦ Φιλεταίρου Δορύλαοσ· ἦν δ’ ὁ Φιλέταιροσ ἀδελφὸσ τοῦ τακτικοῦ Δορυλάου. ἀνδρωθεὶσ δ’ ὁ βασιλεὺσ ἐπὶ τοσοῦτο ᾕρητο τῇ συντροφίᾳ τῇ πρὸσ τὸν Δορύλαον ὥστ’ οὐκ ἐκεῖνον μόνον εἰσ τιμὰσ ἦγε τὰσ μεγίστασ, ἀλλὰ καὶ τῶν συγγενῶν ἐπεμελεῖτο καὶ τοὺσ ἐν Κνωσσῷ μετεπέμπετο· ἦσαν δ’ οἱ περὶ Λαγέταν, τοῦ μὲν πατρὸσ ἤδη τετελευτηκότοσ, αὐτοὶ δ’ ἠνδρωμένοι, καὶ ἧκον ἀφέντεσ τὰ ἐν Κνωσσῷ· τοῦ δὲ Λαγέτα θυγάτηρ ἦν ἡ μήτηρ τῆσ ἐμῆσ μητρόσ. εὐτυχοῦντοσ μὲν δὴ ἐκείνου συνευτυχεῖν καὶ τούτοισ συνέβαινε, καταλυθέντοσ δὲ ἐφωράθη γὰρ ἀφιστὰσ τοῖσ Ῥωμαίοισ τὴν βασιλείαν ἐφ’ ᾧ αὐτὸσ εἰσ τὴν ἀρχὴν καταστήσεται συγκατελύθη καὶ τὰ τούτων καὶ ἐταπεινώθησαν· ὠλιγωρήθη δὲ καὶ τὰ πρὸσ τοὺσ Κνωσσίουσ συμβόλαια καὶ αὐτοὺσ μυρίασ μεταβολὰσ δεξαμένουσ.

일치하는 문장이 없습니다.

SEARCH

MENU NAVIGATION