Strabo, Geography, Book 7, chapter fragments 74:

(스트라본, 지리학, Book 7, chapter fragments 74:)

ὅτι ἀντικρὺ Κανάστρου, ἄκρου τῆσ Παλλήνησ, ἡ Δέρρισ ἐστὶν ἄκρα πλησίον Κωφοῦ λιμένοσ, καὶ ὁ Τορωναῖοσ κόλποσ ὑπὸ τούτων ἀφορίζεται. καὶ πρὸσ ἀνατολὰσ αὖθισ κεῖται τὸ ἄκρον τοῦ Ἄθωνοσ, ὃ ἀφορίζει τὸν Σιγγιτικὸν κόλπον, ὡσ εἶναι ἐφεξῆσ κόλπουσ τοῦ Αἰγαίου πελάγουσ πρὸσ βορρᾶν, ἀλλήλων ἀπέχοντασ οὕτωσ, Μαλιακὸν Παγασιτικὸν Θερμαῖον Τορωναῖον Σιγγιτικὸν Στρυμονικόν. τὰ δὲ ἄκρα Ποσείδιον μὲν τὸ μεταξὺ Μαλιακοῦ καὶ Παγασιτικοῦ, τὸ δὲ ἐφεξῆσ πρὸσ βορρᾶν Σηπιάσ, εἶτα τὸ ἐν Παλλήνῃ Κάναστρον, εἶτα Δέρρισ, εἶτα Νυμφαῖον ἐν τῷ Ἄθωνι πρὸσ τῷ Σιγγιτικῷ, τὸ δὲ πρὸσ τῷ Στρυμονικῷ Ἀκράθωσ ἄκρον, ὧν μεταξὺ ὁ Ἄθων, οὗ πρὸσ ἀνατολὰσ ἡ Λῆμνοσ· πρὸσ δὲ βορρᾶν ἀφορίζει τὸν Στρυμονικὸν κόλπον ἡ Νεάπολισ.

일치하는 문장이 없습니다.

SEARCH

MENU NAVIGATION