헬라어 문장 검색 - ΣτραβόΓεογραπ́07́02́

(스트라본, 지리학, Book 7, chapter 2)

περὶ δὲ Κίμβρων τὰ μὲν οὐκ εὖ λέγεται, τὰ δ’ ἔχει πιθανότητασ οὐ μετρίασ. οὔτε γὰρ τὴν τοιαύτην αἰτίαν τοῦ πλάνητασ γενέσθαι καὶ λῃστρικοὺσ ἀποδέξαιτ’ ἄν τισ, ὅτι χερρόνησον οἰκοῦντεσ μεγάλῃ πλημμυρίδι ἐξελαθεῖεν ἐκ τῶν τόπων· καὶ γὰρ νῦν ἔχουσι τὴν χώραν ἣν εἶχον πρότερον, καὶ ἔπεμψαν τῷ Σεβαστῷ δῶρον τὸν ἱερώτατον παρ’ αὐτοῖσ λέβητα, αἰτούμενοι φιλίαν καὶ ἀμνηστίαν τῶν ὑπηργμένων, τυχόντεσ δὲ ὧν ἠξίουν ἀπῆραν· γελοῖον δὲ τῷ φυσικῷ καὶ αἰωνίῳ πάθει δὶσ ἑκάστησ ἡμέρασ συμβαίνοντι προσοργισθέντασ ἀπελθεῖν ἐκ τοῦ τόπου. ἐοίκε δὲ πλάσματι τὸ συμβῆναί ποτε ὑπερβάλλουσαν πλημμυρίδα· ἐπιτάσεισ μὲν γὰρ καὶ ἀνέσεισ δέχεται, τεταγμένασ δὲ καὶ περιοδιζούσασ, ὁ ὠκεανὸσ ἐν τοῖσ τοιούτοισ πάθεσιν. οὐκ εὖ δ’ οὐδὲ ὁ φήσασ ὅπλα αἴρεσθαι πρὸσ τὰσ πλημμυρίδασ τοὺσ Κίμβρουσ, οὐδ’ ὅτι ἀφοβίαν οἱ Κελτοὶ ἀσκοῦντεσ κατακλύζεσθαι τὰσ οἰκίασ ὑπομένουσιν, εἶτ’ ἀνοικοδομοῦσι, καὶ ὅτι πλείων αὐτοῖσ συμβαίνει φθόροσ ἐξ ὕδατοσ ἢ πολέμου, ὅπερ Ἔφορόσ φησιν. ἡ γὰρ τάξισ ἡ τῶν πλημμυρίδων καὶ τὸ τὴν ἐπικλυζομένην χώραν εἶναι γνώριμον οὐκ ἔμελλε τοιαύτασ τὰσ ἀτοπίασ παρέξειν. δὶσ γὰρ ἑκάστησ ἡμέρασ τούτου συμβαίνοντοσ τὸ μηδ’ ἅπαξ αἰσθάνεσθαι φυσικὴν οὖσαν τὴν παλίρροιαν καὶ ἀβλαβῆ, καὶ οὐ μόνοισ τούτοισ συμβαίνουσαν ἀλλὰ τοῖσ παρωκεανίταισ πᾶσι, πῶσ οὐκ ἀπίθανον; οὐδὲ Κλείταρχοσ εὖ· φησὶ γὰρ τοὺσ ἱππέασ ἰδόντασ τὴν ἔφοδον τοῦ πελάγουσ ἀφιππάσασθαι καὶ φεύγοντασ ἐγγὺσ γενέσθαι τοῦ περικαταληφθῆναι. οὔτε δὲ τοσούτῳ τάχει τὴν ἐπίβασιν ὁρμωμένην ἱστοροῦμεν, ἀλλὰ λεληθότωσ προσιοῦσαν τὴν θάλατταν· οὔτε τὸ καθ’ ἡμέραν γινόμενον καὶ πᾶσιν ἔναυλον ἤδη ὂν τοῖσ πλησιάζειν μέλλουσι πρὶν ἢ θεάσασθαι, τοσοῦτον ἔμελλε παρέξεσθαι φόβον ὥστε φεύγειν, ὡσ ἂν εἰ ἐξ ἀδοκήτου προσέπεσε. ταῦτά τε δὴ δικαίωσ ἐπιτιμᾷ τοῖσ συγγραφεῦσι Ποσειδώνιοσ καὶ οὐ κακῶσ εἰκάζει, διότι λῃστρικοὶ ὄντεσ καὶ πλάνητεσ οἱ Κίμβροι καὶ μέχρι τῶν περὶ τὴν Μαιῶτιν ποιήσαιντο στρατείαν, ἀπ’ ἐκείνων δὲ καὶ ὁ Κιμμέριοσ κληθείη Βόσποροσ, οἱο͂ν Κιμβρικόσ, Κιμμερίουσ τοὺσ Κίμβρουσ ὀνομασάντων τῶν Ἑλλήνων.

φησὶ δὲ καὶ Βοίουσ τὸν Ἑρκύνιον δρυμὸν οἰκεῖν πρότερον, τοὺσ δὲ Κίμβρουσ ὁρμήσαντασ ἐπὶ τὸν τόπον τοῦτον, ἀποκρουσθέντασ ὑπὸ τῶν Βοίων ἐπὶ τὸν Ἴστρον καὶ τοὺσ Σκορδίσκουσ Γαλάτασ καταβῆναι, εἶτ’ ἐπὶ Τευρίστασ καὶ Ταυρίσκουσ, καὶ τούτουσ Γαλάτασ, εἶτ’ ἐπὶ Ἑλουηττίουσ, πολυχρύσουσ μὲν ἄνδρασ εἰρηναίουσ δέ· ὁρῶντασ δὲ τὸν ἐκ τῶν λῃστηρίων πλοῦτον ὑπερβάλλοντα τοῦ παρ’ ἑαυτοῖσ τοὺσ Ἑλουηττίουσ ἐπαρθῆναι, μάλιστα δ’ αὐτῶν Τιγυρίνουσ τε καὶ Τωυγένουσ, ὥστε καὶ συνεξορμῆσαι. πάντεσ μέντοι κατελύθησαν ὑπὸ τῶν Ῥωμαίων αὐτοί τε οἱ Κίμβροι καὶ οἱ συναράμενοι τούτοισ, οἱ μὲν ὑπερβαλόντεσ τὰσ Ἄλπεισ εἰσ τὴν Ἰταλίαν οἱ δ’ ἔξω τῶν Ἄλπεων. ἔθοσ δέ τι τῶν Κίμβρων διηγοῦνται τοιοῦτον, ὅτι ταῖσ γυναιξὶν αὐτῶν συστρατευούσαισ παρηκολούθουν προμάντεισ ἱέρειαι πολιότριχεσ, λευχείμονεσ, καρπασίνασ ἐφαπτίδασ ἐπιπεπορπημέναι, ζῶσμα χαλκοῦν ἔχουσαι, γυμνόποδεσ·

τοῖσ οὖν αἰχμαλώτοισ διὰ τοῦ στρατοπέδου συνήντων ξιφήρεισ, καταστέψασαι δ’ αὐτοὺσ ἦγον ἐπὶ κρατῆρα χαλκοῦν ὅσον ἀμφορέων εἴκοσιν· εἶχον δὲ ἀναβάθραν, ἣν ἀναβᾶσα . . . ὑπερπετὴσ τοῦ λέβητοσ ἐλαιμοτόμει ἕκαστον μετεωρισθέντα· ἐκ δὲ τοῦ προχεομένου αἵματοσ εἰσ τὸν κρατῆρα μαντείαν τινὰ ἐποιοῦντο, ἄλλαι δὲ διασχίσασαι ἐσπλάγχνευον ἀναφθεγγόμεναι νίκην τοῖσ οἰκείοισ. ἐν δὲ τοῖσ ἀγῶσιν ἔτυπτον τὰσ βύρσασ τὰσ περιτεταμένασ τοῖσ γέρροισ τῶν ἁρμαμαξῶν, ὥστ’ ἀποτελεῖσθαι ψόφον ἐξαίσιον. τῶν δὲ Γερμανῶν, ὡσ εἶπον, οἱ μὲν προσάρκτιοι παροικοῦσι τῷ ὠκεανῷ, γνωρίζονται δ’ ἀπὸ τῶν ἐκβολῶν τοῦ Ῥήνου λαβόντεσ τὴν ἀρχὴν μέχρι τοῦ Ἄλβιοσ.

τούτων δ’ εἰσὶ γνωριμώτατοι Σούγαμβροί τε καὶ Κίμβροι. τὰ δὲ πέραν τοῦ Ἄλβιοσ τὰ πρὸσ τῷ ὠκεανῷ παντάπασιν ἄγνωστα ἡμῖν ἐστιν. οὔτε γὰρ τῶν προτέρων οὐδένασ ἴσμεν τὸν παράπλουν τοῦτον πεποιημένουσ πρὸσ τὰ ἑωθινὰ μέρη τὰ μέχρι τοῦ στόματοσ τῆσ Κασπίασ θαλάττησ, οὔθ’ οἱ Ῥωμαῖοί πω προῆλθον εἰσ τὰ περαιτέρω τοῦ Ἄλβιοσ· ὡσ δ’ αὕτωσ οὐδὲ πεζῇ παρωδεύκασιν οὐδένεσ. ἀλλ’ ὅτι μὲν κατὰ μῆκοσ ἰοῦσιν ἐπὶ τὴν ἑώ τὰ κατὰ τὸν Βορυσθένη καὶ τὰ πρὸσ βορρᾶν τοῦ Πόντου χωρία ἀπαντᾷ, δῆλον ἐκ τῶν κλιμάτων καὶ τῶν παραλλήλων διαστημάτων. τί δ’ ἐστὶ πέραν τῆσ Γερμανίασ καὶ τί τῶν ἄλλων τῶν ἑξῆσ, εἴτε Βαστάρνασ χρὴ λέγειν, ὡσ οἱ πλείουσ ὑπονοοῦσιν, εἴτ’ ἄλλουσ μεταξὺ ἢ Ιἄζυγασ ἢ Ῥωξολανοὺσ ἤ τινασ ἄλλουσ τῶν ἁμαξοίκων οὐ ῥᾴδιον εἰπεῖν, οὐδ’ εἰ μέχρι τοῦ ὠκεανοῦ παρήκουσι παρὰ πᾶν τὸ μῆκοσ, ἢ ἔστι τι ἀοίκητον ὑπὸ ψύχουσ ἢ ἄλλησ αἰτίασ, ἢ εἰ καὶ γένοσ ἀνθρώπων ἄλλο διαδέχεται μεταξὺ τῆσ θαλάττησ καὶ τῶν ἑῴων Γερμανῶν ἱδρυμένον. τοῦτο δὲ τὸ αὐτὸ ἀγνόημα καὶ περὶ τῶν ἄλλων τῶν ἐφεξῆσ προσαρκτίων ἐπέχει. οὔτε γὰρ τοὺσ Βαστάρνασ οὔτε τοὺσ Σαυρομάτασ καὶ ἁπλῶσ τοὺσ ὑπὲρ τοῦ Πόντου οἰκοῦντασ ἴσμεν, οὔθ’ ὁπόσον ἀπέχουσι τῆσ Ἀτλαντικῆσ θαλάττησ, οὔτ’ εἰ συνάπτουσιν αὐτῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 7, chapter 2

(스트라본, 지리학, Book 7, chapter 2)

상위

목록

SEARCH

MENU NAVIGATION