헬라어 문장 검색 - ΣτραβόΓεογραπ́07́01́

(스트라본, 지리학, Book 7, chapter 1)

εἰρηκόσι δ’ ἡμῖν περὶ τῆσ Ἰβηρίασ καὶ τῶν Κελτικῶν ἐθνῶν καὶ τῶν Ἰταλικῶν σὺν ταῖσ πλησίον νήσοισ ἐφεξῆσ ἂν εἰή λέγειν τὰ λειπόμενα τῆσ Εὐρώπησ μέρη, διελοῦσι τὸν ἐνδεχόμενον τρόπον. πολὺ γὰρ ἁπλούστερα τῶν ἐπὶ θάτερα μερῶν ἐστιν. λείπεται δὲ τὰ πρὸσ ἑώ μὲν τὰ πέραν τοῦ Ῥήνου μέχρι τοῦ Τανάιδοσ καὶ τοῦ στόματοσ τῆσ Μαιώτιδοσ λίμνησ, καὶ ὅσα μεταξὺ τοῦ Ἀδρίου καὶ τῶν ἀριστερῶν τῆσ Ποντικῆσ θαλάττησ μερῶν ἀπολαμβάνει πρὸσ νότον μέχρι τῆσ Ἑλλάδοσ καὶ τῆσ Προποντίδοσ ὁ Ἴστροσ· διαιρεῖ γὰρ οὗτοσ ἅπασαν ὡσ ἐγγυτάτω δίχα τὴν λεχθεῖσαν γῆν, μέγιστοσ τῶν κατὰ τὴν Εὐρώπην ποταμῶν, ῥέων πρὸσ νότον κατ’ ἀρχάσ, εἶτ’ ἐπιστρέφων εὐθὺσ ἀπὸ τῆσ δύσεωσ ἐπὶ τὴν ἀνατολὴν καὶ τὸν Πόντον. ἄρχεται μὲν οὖν ἀπὸ τῶν Γερμανικῶν ἄκρων τῶν ἑσπερίων, πλησίον δὲ καὶ τοῦ μυχοῦ τοῦ Ἀδριατικοῦ, διέχων αὐτοῦ περὶ χιλίουσ σταδίουσ· τελευτᾷ δ’ εἰσ τὸν Πόντον οὐ πολὺ ἄπωθεν τῶν τοῦ Τύρα καὶ τοῦ Βορυσθένουσ ἐκβολῶν, ἐκκλίνων πωσ πρὸσ ἄρκτουσ. προσάρκτια μὲν οὖν ἐστι τῷ Ἴστρῳ τὰ πέραν τοῦ Ῥήνου καὶ τῆσ Κελτικῆσ· ταῦτα δ’ ἐστὶ τά τε Γαλατικὰ ἔθνη καὶ τὰ Γερμανικὰ μέχρι Βασταρνῶν καὶ Τυρεγετῶν καὶ τοῦ ποταμοῦ τοῦ Βορυσθένουσ, καὶ ὅσα μεταξὺ τούτου καὶ Τανάιδοσ καὶ τοῦ στόματοσ τῆσ Μαιώτιδοσ εἴσ τε τὴν μεσόγαιαν ἀνατείνει μέχρι τοῦ ὠκεανοῦ καὶ τῇ Ποντικῇ κλύζεται θαλάττῃ· μεσημβρινὰ δὲ τά τε Ἰλλυρικὰ καὶ τὰ Θρᾴκια καὶ ὅσα τούτοισ ἀναμέμικται τῶν Κελτικῶν ἤ τινων ἄλλων, μέχρι τῆσ Ἑλλάδοσ. λέγωμεν δὲ πρῶτον περὶ τῶν ἐκτὸσ τοῦ Ἴστρου· εὐθὺσ τοίνυν τὰ πέραν τοῦ Ῥήνου μετὰ τοὺσ Κελτοὺσ πρὸσ τὴν ἑώ κεκλιμένα Γερμανοὶ νέμονται, μικρὸν ἐξαλλάττοντεσ τοῦ Κελτικοῦ φύλου τῷ τε πλεονασμῷ τῆσ ἀγριότητοσ καὶ τοῦ μεγέθουσ καὶ τῆσ ξανθότητοσ, τἆλλα δὲ παραπλήσιοι καὶ μορφαῖσ καὶ ἤθεσι καὶ βίοισ ὄντεσ, οἱούσ εἰρήκαμεν τοὺσ Κελτούσ.

διὸ δὴ καί μοι δοκοῦσι Ῥωμαῖοι τοῦτο αὐτοῖσ θέσθαι τοὔνομα ὡσ ἂν γνησίουσ Γαλάτασ φράζειν βουλόμενοι· γνήσιοι γὰρ οἱ Γερμανοὶ κατὰ τὴν Ῥωμαίων διάλεκτον. ἔστι δὲ τὰ μὲν πρῶτα μέρη τῆσ χώρασ ταύτησ τὰ πρὸσ τῷ Ῥήνῳ μέχρι τῶν ἐκβολῶν ἀπὸ τῆσ πηγῆσ ἀρξαμένοισ·

σχεδὸν δέ τι καὶ τοῦτ’ ἔστι τὸ ἑσπέριον τῆσ χώρασ πλάτοσ, ἡ ποταμία πᾶσα. ταύτησ δὲ τὰ μὲν εἰσ τὴν Κελτικὴν μετήγαγον Ῥωμαῖοι, τὰ δ’ ἔφθη μεταστάντα εἰσ τὴν ἐν βάθει χώραν, καθάπερ Μαρσοί· λοιποὶ δ’ εἰσὶν ὀλίγοι καὶ τῶν Σουγάμβρων μέροσ. μετὰ δὲ τοὺσ παραποταμίουσ τἆλλά ἐστιν ἔθνη τὰ μεταξὺ τοῦ Ῥήνου καὶ τοῦ Ἄλβιοσ ποταμοῦ, ὃσ παράλληλόσ πωσ ἐκείνῳ ῥεῖ πρὸσ τὸν ὠκεανόν, οὐκ ἐλάττω χώραν διεξιὼν ἤπερ ἐκεῖνοσ. εἰσὶ δὲ μεταξὺ καὶ ἄλλοι ποταμοὶ πλωτοὶ ὧν ἐν τῷ Ἀμασίᾳ Δροῦσοσ Βρουκτέρουσ κατεναυμάχησε, ῥέοντεσ ὡσαύτωσ ἀπὸ νότου πρὸσ βορρᾶν καὶ τὸν ὠκεανόν. ἐξῆρται γὰρ ἡ χώρα πρὸσ νότον καὶ συνεχῆ ταῖσ Ἄλπεσι ποιεῖ ῥάχιν τινὰ πρὸσ ἑώ τεταμένην, ὡσ ἂν μέροσ οὖσαν τῶν Ἄλπεων· καὶ δὴ καὶ ἀπεφήναντό τινεσ οὕτωσ διά τε τὴν λεχθεῖσαν θέσιν καὶ διὰ τὸ τὴν αὐτὴν ὕλην ἐκφέρειν· οὐ μὴν ἐπὶ τοσοῦτό γε ὕψοσ ἀνίσχει τὰ ταύτῃ ὄρη. ἐνταῦθα δ’ ἐστὶν ὁ Ἑρκύνιοσ δρυμὸσ καὶ τὰ τῶν Σοήβων ἔθνη, τὰ μὲν οἰκοῦντα ἐντὸσ τοῦ δρυμοῦ, ἐν οἷσ ἐστι καὶ τὸ Βουίαιμον τὸ τοῦ Μαροβόδου βασίλειον, εἰσ ὃν ἐκεῖνοσ τόπον ἄλλουσ τε μετανέστησε πλείουσ καὶ δὴ καὶ τοὺσ ὁμοεθνεῖσ ἑαυτῷ Μαρκομμάνουσ. ἐπέστη γὰρ τοῖσ πράγμασιν οὗτοσ ἐξ ἰδιώτου μετὰ τὴν ἐκ Ῥώμησ ἐπάνοδον· νέοσ γὰρ ἦν ἐνθάδε καὶ εὐεργετεῖτο ὑπὸ τοῦ Σεβαστοῦ, ἐπανελθὼν δὲ ἐδυνάστευσε καὶ κατεκτήσατο πρὸσ οἷσ εἶπον Λουγίουσ τε, μέγα ἔθνοσ, καὶ Ζούμουσ καὶ Γούτωνασ καὶ Μουγίλωνασ καὶ Σιβίνουσ καὶ τῶν Σοήβων αὐτῶν μέγα ἔθνοσ, Σέμνωνασ. πλὴν τά γε τῶν Σοήβων, ὡσ ἔφην, ἔθνη τὰ μὲν ἐντὸσ οἰκεῖ, τὰ δὲ ἐκτὸσ τοῦ δρυμοῦ, ὅμορα τοῖσ Γέταισ. μέγιστον μὲν οὖν τὸ τῶν Σοήβων ἔθνοσ· διήκει γὰρ ἀπὸ τοῦ Ῥήνου μέχρι τοῦ Ἄλβιοσ· μέροσ δέ τι αὐτῶν καὶ πέραν τοῦ Ἄλβιοσ νέμεται, καθάπερ Ἑρμόνδοροι καὶ Λαγκόβαρδοι· νυνὶ δὲ καὶ τελέωσ εἰσ τὴν περαίαν οὗτοί γε ἐκπεπτώκασι φεύγοντεσ. κοινὸν δ’ ἐστὶν ἅπασι τοῖσ ταύτῃ τὸ περὶ τὰσ μεταναστάσεισ εὐμαρὲσ διὰ τὴν λιτότητα τοῦ βίου καὶ διὰ τὸ μὴ γεωργεῖν μηδὲ θησαυρίζειν, ἀλλ’ ἐν καλυβίοισ οἰκεῖν ἐφήμερον ἔχουσι παρασκευήν· τροφὴ δ’ ἀπὸ τῶν θρεμμάτων ἡ πλείστη καθάπερ τοῖσ νομάσιν, ὥστ’ ἐκείνουσ μιμούμενοι τὰ οἰκεῖα ταῖσ ἁρμαμάξαισ ἐπάραντεσ ὅπῃ ἂν δόξῃ τρέπονται μετὰ τῶν βοσκημάτων. ἄλλα δ’ ἐνδεέστερά ἐστιν ἔθνη Γερμανικὰ Χηροῦσκοί τε καὶ Χάττοι καὶ Γαμαβρίουιοι καὶ Χαττουάριοι· πρὸσ δὲ τῷ ὠκεανῷ Σούγαμβροί τε καὶ Χαῦβοι καὶ Βρούκτεροι καὶ Κίμβροι Καῦκοί τε καὶ Καοῦλκοι καὶ Καμψιανοὶ καὶ ἄλλοι πλείουσ. ἐπὶ ταὐτὰ δὲ τῷ Ἀμασίᾳ φέρονται Βίσουργίσ τε καὶ Λουπίασ ποταμόσ, διέχων Ῥήνου περὶ ἑξακοσίουσ σταδίουσ, ῥέων διὰ Βρουκτέρων τῶν ἐλαττόνων. ἔστι δὲ καὶ Σάλασ ποταμόσ, οὗ μεταξὺ καὶ τοῦ Ῥήνου πολεμῶν καὶ κατορθῶν Δροῦσοσ ἐτελεύτησεν ὁ Γερμανικόσ. ἐχειρώσατο δ’ οὐ μόνον τῶν ἐθνῶν τὰ πλεῖστα, ἀλλὰ καὶ τὰσ ἐν τῷ παράπλῳ νήσουσ, ὧν ἐστι καὶ ἡ Βυρχανίσ, ἣν ἐκ πολιορκίασ εἷλε. γνώριμα δὲ ταῦτα κατέστη τὰ ἔθνη πολεμοῦντα πρὸσ Ῥωμαίουσ, εἶτ’ ἐνδιδόντα καὶ πάλιν ἀφιστάμενα ἢ καὶ καταλείποντα τὰσ κατοικίασ·

κἂν πλείω δὲ γνώριμα ὑπῆρξεν, εἰ ἐπέτρεπε τοῖσ στρατηγοῖσ ὁ Σεβαστὸσ διαβαίνειν τὸν Ἄλβιν μετιοῦσι τοὺσ ἐκεῖσε ἀπανισταμένουσ. νυνὶ δ’ εὐπορώτερον ὑπέλαβε στρατηγεῖν τὸν ἐν χερσὶ πόλεμον, εἰ τῶν ἔξω τοῦ Ἄλβιοσ καθ’ ἡσυχίαν ὄντων ἀπέχοιτο καὶ μὴ παροξύνοι πρὸσ τὴν κοινωνίαν τῆσ ἔχθρασ. ἤρξαντο δὲ τοῦ πολέμου Σούγαμβροι πλησίον οἰκοῦντεσ τοῦ Ῥήνου, Μέλωνα ἔχοντεσ ἡγεμόνα· κἀκεῖθεν ἤδη διεδέχοντο ἄλλοτ’ ἄλλοι δυναστεύοντεσ καὶ καταλυόμενοι, πάλιν δ’ ἀφιστάμενοι, προδιδόντεσ καὶ τὰ ὅμηρα καὶ τὰσ πίστεισ. πρὸσ οὓσ ἡ μὲν ἀπιστία μέγα ὄφελοσ, οἱ δὲ πιστευθέντεσ τὰ μέγιστα κατέβλαψαν, καθάπερ οἱ Χηροῦσκοι καὶ οἱ τούτοισ ὑπήκοοι, παρ’ οἷσ τρία τάγματα Ῥωμαίων μετὰ τοῦ στρατηγοῦ Ουἄρου Κουιντιλλίου παρασπονδηθέντα ἀπώλετο ἐξ ἐνέδρασ. ἔτισαν δὲ δίκασ ἅπαντεσ καὶ παρέσχον τῷ νεωτέρῳ Γερμανικῷ λαμπρότατον θρίαμβον, ἐν ᾧ ἐθριαμβεύθη τῶν ἐπιφανεστάτων ἀνδρῶν σώματα καὶ γυναικῶν, Σεγιμοῦντόσ τε Σεγέστου υἱόσ, Χηρούσκων ἡγεμών, καὶ ἀδελφὴ αὐτοῦ, γυνὴ δ’ Ἀρμενίου τοῦ πολεμαρχήσαντοσ ἐν τοῖσ Χηρούσκοισ ἐν τῇ πρὸσ Ουἆρον Κουιντίλλιον παρασπονδήσει καὶ νῦν ἔτι συνέχοντοσ τὸν πόλεμον, ὄνομα Θουσνέλδα, καὶ υἱὸσ τριετὴσ Θουμέλικοσ· ἔτι δὲ Σεσίθακοσ, Σεγιμήρου υἱὸσ τῶν Χηρούσκων ἡγεμόνοσ, καὶ γυνὴ τούτου Ῥαμίσ, Οὐκρομήρου θυγάτηρ ἡγεμόνοσ Χάττων, καὶ Δευδόριξ, Βαιτόριγοσ τοῦ Μέλωνοσ ἀδελφοῦ υἱόσ, Σούγαμβροσ. Σεγέστησ δὲ ὁ πενθερὸσ τοῦ Ἀρμενίου καὶ ἐξ ἀρχῆσ διέστη πρὸσ τὴν γνώμην αὐτοῦ καὶ λαβὼν καιρὸν ηὐτομόλησε καὶ τῷ θριάμβῳ παρῆν τῶν φιλτάτων, ἐν τιμῇ ἀγόμενοσ. ἐπόμπευσε δὲ καὶ Λίβησ τῶν Χάττων ἱερεύσ, καὶ ἄλλα δὲ σώματα ἐπομπεύθη ἐκ τῶν πεπορθημένων ἐθνῶν, Καούλκων Καμψανῶν Βρουκτέρων Οὐσίπων Χηρούσκων Χάττων Χαττουαρίων Λανδῶν Τουβαττίων. διέχει δὲ τοῦ Ἄλβιοσ ὁ Ῥῆνοσ περὶ τρισχιλίουσ σταδίουσ, εἴ τισ εὐθυπορούσασ ἔχοι τὰσ ὁδούσ· νυνὶ δὲ διὰ σκολιᾶσ καὶ ἑλώδουσ καὶ δρυμῶν κυκλοπορεῖν ἀνάγκη. ὁ δὲ Ἑρκύνιοσ δρυμὸσ πυκνότερόσ τέ ἐστι καὶ μεγαλόδενδροσ ἐν χωρίοισ ἐρυμνοῖσ κύκλον περιλαμβάνων μέγαν, ἐν μέσῳ δὲ ἵδρυται χώρα καλῶσ οἰκεῖσθαι δυναμένη, περὶ ἧσ εἰρήκαμεν.

ἔστι δὲ πλησίον αὐτῆσ ἥ τε τοῦ Ἴστρου πηγὴ καὶ ἡ τοῦ Ῥήνου καὶ ἡ μεταξὺ ἀμφοῖν λίμνη καὶ τὰ ἕλη τὰ ἐκ τοῦ Ῥήνου διαχεόμενα. ἔστι δ’ ἡ λίμνη τὴν μὲν περίμετρον σταδίων πλειόνων ἢ πεντακοσίων, δίαρμα δὲ ἐγγὺσ διακοσίων. ἔχει δὲ καὶ νῆσον, ᾗ ἐχρήσατο ὁρμητηρίῳ Τιβέριοσ ναυμαχῶν πρὸσ Ουἰνδολικούσ. νοτιωτέρα δ’ ἐστὶ τῶν τοῦ Ἴστρου πηγῶν καὶ αὕτη, ὥστ’ ἀνάγκη τῷ ἐκ τῆσ Κελτικῆσ ἐπὶ τὸν Ἑρκύνιον δρυμὸν ἰόντι πρῶτον μὲν διαπερᾶσαι τὴν λίμνην, ἔπειτα τὸν Ἴστρον, εἶτ’ ἤδη δι’ εὐπετεστέρων χωρίων ἐπὶ τὸν δρυμὸν τὰσ προβάσεισ ποιεῖσθαι δι’ ὀροπεδίων. ἡμερήσιον δ’ ἀπὸ τῆσ λίμνησ προελθὼν ὁδὸν Τιβέριοσ εἶδε τὰσ τοῦ Ἴστρου πηγάσ. προσάπτονται δὲ τῆσ λίμνησ ἐπ’ ὀλίγον μὲν οἱ Ῥαιτοί, τὸ δὲ πλέον Ἑλουήττιοι καὶ Ουἰνδολικοί . . . καὶ ἡ Βοίων ἐρημία. μέχρι Παννονίων πάντεσ, τὸ πλέον δ’ Ἑλουήττιοι καὶ Ουἰνδολικοί, οἰκοῦσιν ὀροπέδια. Ῥαιτοὶ δὲ καὶ Νωρικοὶ μέχρι τῶν Ἀλπείων ὑπερβολῶν ἀνίσχουσι καὶ πρὸσ τὴν Ἰταλίαν περινεύουσιν, οἱ μὲν Ἰνσούβροισ συνάπτοντεσ οἱ δὲ Κάρνοισ καὶ τοῖσ περὶ τὴν Ἀκυληίαν χωρίοισ. ἔστι δὲ καὶ ἄλλη ὕλη μεγάλη Γαβρῆτα ἐπὶ τάδε τῶν Σοήβων, ἐπέκεινα δ’ ὁ Ἑρκύνιοσ δρυμόσ· ἔχεται δὲ κἀκεῖνοσ ὑπ’ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 7, chapter 1

(스트라본, 지리학, Book 7, chapter 1)

상위

목록

SEARCH

MENU NAVIGATION