헬라어 문장 검색 - ΣτραβόΓεογραπ́06́04́

(스트라본, 지리학, Book 6, chapter 4)

τοσαύτη μὲν δὴ καὶ τοιαύτη τισ ἡ Ἰταλία. πολλὰ δ’ εἰρηκότων, τὰ μέγιστα νῦν ἐπισημανούμεθα, ὑφ’ ὧν εἰσ τοσοῦτον ὕψοσ ἐξήρθησαν Ῥωμαῖοι. ἓν μὲν ὅτι νήσου δίκην ἀσφαλῶσ φρουρεῖται τοῖσ πελάγεσι κύκλῳ πλὴν ὀλίγων μερῶν, ἃ καὶ αὐτὰ τετείχισται τοῖσ ὄρεσι δυσβάτοισ οὖσι. δεύτερον δὲ τὸ ἀλίμενον κατὰ τὸ πλεῖστον καὶ τὸ τοὺσ ὄντασ λιμένασ μεγάλουσ εἶναι καὶ θαυμαστούσ, ὧν τὸ μὲν πρὸσ τὰσ ἔξωθεν ἐπιχειρήσεισ χρήσιμον, τὸ δὲ πρὸσ τὰσ ἀντεπιχειρήσεισ καὶ τὴν τῶν ἐμποριῶν ἀφθονίαν συνεργόν. τρίτον δὲ τὸ πολλαῖσ ὑποπεπτωκέναι διαφοραῖσ ἀέρων τε καὶ κράσεων, παρ’ ἃσ καὶ ζῷα καὶ φυτὰ καὶ πάνθ’ ἁπλῶσ τὰ πρὸσ τὸν βίον χρήσιμα πλείστην ἐξάλλαξιν ἔχει πρόσ τε τὸ βέλτιον καὶ τὸ χεῖρον. ἐκτέταται δὲ τὸ μῆκοσ αὐτῆσ ἐπὶ μεσημβρίαν ἀπὸ τῶν ἄρκτων τὸ πλέον, προσθήκη δ’ ἐστὶν ἡ Σικελία τῷ μήκει τοσαύτη οὖσα καὶ τοσούτῳ καθάπερ μέροσ. εὐκρασία δ’ ἀέρων καὶ δυσκρασία κρίνεται παρὰ τὰ ψύχη καὶ τὰ θάλπη καὶ τὰ μεταξὺ τούτων, ὥστ’ ἐκ τούτων ἀνάγκη τὴν νῦν Ἰταλίαν ἐν μέσῳ τῶν ὑπερβολῶν ἀμφοτέρων κειμένην τοσαύτην τῷ μήκει πλεῖστον τῆσ εὐκράτου μετέχειν καὶ κατὰ πλείστασ ἰδέασ. τοῦτο δὲ καὶ ἄλλωσ συμβέβηκεν αὐτῇ· τῶν γὰρ Ἀπεννίνων ὀρῶν δι’ ὅλου τοῦ μήκουσ διατεταμένων, ἐφ’ ἑκάτερον δὲ τὸ πλευρὸν πεδία καὶ γεωλοφίασ καλλικάρπουσ ἀπολειπόντων, οὐδὲν μέροσ αὐτῆσ ἐστιν ὃ μὴ καὶ τῶν ὀρείων ἀγαθῶν καὶ τῶν πεδινῶν ἀπολαῦον τυγχάνει. καὶ προστίθει τὸ μέγεθοσ καὶ πλῆθοσ ποταμῶν τε καὶ λιμνῶν, πρὸσ δὲ τούτοισ θερμῶν τε καὶ ψυχρῶν ὑδάτων ἀναβολὰσ πολλαχοῦ πρὸσ ὑγίειαν φύσει παρεσκευασμένασ, καὶ μὴν καὶ μετάλλων εὐπορίασ παντοδαπῶν. ὕλησ δὲ καὶ τροφῆσ ἀνθρώποισ τε καὶ βοσκήμασιν οὐδ’ ἀξίωσ ἐστὶν εἰπεῖν τὴν ἀφθονίαν ὅσην παρέχεται καὶ τὴν χρηστοκαρπίαν. ἐν μέσῳ δὲ καὶ τῶν ἐθνῶν τῶν μεγίστων οὖσα καὶ τῆσ Ἑλλάδοσ καὶ τῶν ἀρίστων τῆσ Λιβύησ μερῶν τῷ μὲν κρατιστεύειν ἐν ἀρετῇ τε καὶ μεγέθει τὰ περιεστῶτα αὐτὴν πρὸσ ἡγεμονίαν εὐφυῶσ ἔχει, τῷ δ’ ἐγγὺσ εἶναι τὸ μετὰ ῥᾳστώνησ ὑπουργεῖσθαι πεπόρισται. εἰ δὲ δεῖ τῷ περὶ τῆσ Ἰταλίασ λόγῳ προσθεῖναί τινα λόγον κεφαλαιώδη καὶ περὶ τῶν Ῥωμαίων τῶν κατασχόντων αὐτὴν καὶ κατεσκευασμένων ὁρμητήριον πρὸσ τὴν σύμπασαν ἡγεμονίαν, προσειλήφθω καὶ ταῦτα, ὅτι Ῥωμαῖοι μετὰ τὴν κτίσιν τῆσ Ῥώμησ βασιλευόμενοι διετέλεσαν σωφρόνωσ ἐπὶ πολλὰσ γενεάσ·

ἔπειτα τοῦ ἐσχάτου Ταρκυνίου μοχθηρῶσ ἄρχοντοσ, τὸν μὲν ἐξέβαλον πολιτείαν δὲ συνεστήσαντο μικτὴν ἔκ τε μοναρχίασ καὶ ἀριστοκρατίασ, κοινωνοῖσ δ’ ἐχρήσαντο Σαβίνοισ τε καὶ Λατίνοισ· οὐκ εὐγνωμόνων δ’ οὔτε ἐκείνων ἀεὶ τυγχάνοντεσ οὔτε τῶν ἄλλων τῶν πλησιοχώρων ἠναγκάζοντο τρόπον τινὰ τῇ ἐκείνων καταλύσει τὴν σφετέραν ἐπαύξειν. οὕτω δ’ αὐτοῖσ κατ’ ὀλίγον προϊοῦσιν εἰσ ἐπίδοσιν συνέβη τὴν πόλιν αἰφνιδίωσ ἀποβαλεῖν παρὰ τὴν ἁπάντων δόξαν, παρὰ δόξαν δὲ καὶ ἀπολαβεῖν· ἐγένετο δὲ τοῦτο, ὥσ φησι Πολύβιοσ, ἔτει ἐννεακαιδεκάτῳ μετὰ τὴν ἐν Αἰγὸσ ποταμοῖσ ναυμαχίαν, κατὰ τὴν ἐπ’ Ἀνταλκίδου γενομένην εἰρήνην. διακρουσάμενοι δὲ τούτουσ Ῥωμαῖοι πρῶτον μὲν Λατίνουσ ἅπαντασ ὑπηκόουσ ἐποιήσαντο, εἶτα Τυρρηνοὺσ καὶ Κελτοὺσ τοὺσ περὶ τὸν Πάδον ἔπαυσαν τῆσ πολλῆσ καὶ ἀνέδην ἐλευθερίασ· εἶτα Σαυνίτασ, μετὰ δὲ τούτουσ Ταραντίνουσ καὶ Πύρρον κατεπολέμησαν, εἶτ’ ἤδη καὶ τὴν λοιπὴν τῆσ νῦν Ἰταλίασ πλὴν τῆσ περὶ τὸν Πάδον. ταύτησ δ’ ἔτι καθεστώσησ ἐν πολέμῳ διέβησαν εἰσ τὴν Σικελίαν, ἀφελόμενοι δὲ Καρχηδονίων αὐτὴν ἐπανῆλθον ἐπὶ τοὺσ περὶ τὸν Πάδον· συνεστῶτοσ δ’ ἔτι τούτου τοῦ πολέμου παρῆν Ἀννίβασ εἰσ τὴν Ἰταλίαν· καὶ δεύτεροσ οὗτοσ πόλεμοσ πρὸσ Καρχηδονίουσ συνέπεσε, καὶ μετ’ οὐ πολὺ τρίτοσ, ἐν ᾧ κατεσκάφη Καρχηδών· ἅμα δὲ τήν τε Λιβύην ἔσχον Ῥωμαῖοι καὶ τῆσ Ἰβηρίασ ὅσον ἀφείλοντο τῶν Καρχηδονίων. συνενεωτέρισαν δὲ τοῖσ Καρχηδονίοισ οἵ θ’ Ἕλληνεσ καὶ Μακεδόνεσ καὶ τῆσ Ἀσίασ οἱ ἐντὸσ Ἅλυοσ καὶ τοῦ Ταύρου· καὶ τούτουσ οὖν ἅμα συγκατακτᾶσθαι προήχθησαν, ὧν Ἀντίοχόσ τε ἦν ὁ βασιλεὺσ καὶ Φίλιπποσ καὶ Περσεύσ. καὶ Ἰλλυριῶν δὲ καὶ Θρᾳκῶν οἱ πλησιόχωροι τοῖσ τε Ἕλλησι καὶ Μακεδόσιν ἀρχὰσ ἔλαβον τοῦ πρὸσ Ῥωμαίουσ πολέμου, καὶ διετέλεσαν πολεμοῦντεσ μέχρι καταλύσεωσ ἁπάντων τῶν ἐντὸσ Ἴστρου καὶ τῶν ἐντὸσ Ἅλυοσ. τὰ δ’ αὐτὰ ἔπαθον καὶ Ἴβηρεσ καὶ Κελτοὶ καὶ ἅπαντεσ οἱ λοιποὶ ὅσοι Ῥωμαίων ὑπακούουσι· τήν τε γὰρ Ἰβηρίαν οὐκ ἐπαύσαντο ὑπαγόμενοι τοῖσ ὅπλοισ ἑώσ ἅπασαν κατεστρέψαντο, Νομαντίνουσ τε ἐξελόντεσ καὶ Οὐρίαθον καὶ Σερτώριον ὕστερον διαφθείραντεσ, ὑστάτουσ δὲ Καντάβρουσ, οὓσ κατέλυσεν ὁ Σεβαστὸσ Καῖσαρ· τήν τε Κελτικὴν ἅπασαν τήν τε ἐντὸσ καὶ τὴν ἐκτὸσ σὺν τῇ Λιγυστικῇ πρότερον μὲν κατὰ μέροσ ἀεὶ προσήγοντο, ὕστερον δὲ Καῖσαρ ὁ θεὸσ καὶ μετὰ ταῦτα ὁ Σεβαστὸσ κοινῷ πολέμῳ καὶ ἀθρόωσ κατεκτήσαντο. νυνὶ δὲ Γερμανοῖσ προσπολεμοῦσιν ἀπὸ τούτων ὁρμώμενοι τῶν τόπων ὡσ οἰκειοτάτων, καί τισιν ἤδη θριάμβοισ κεκοσμήκασιν ἀπ’ αὐτῶν τὴν πατρίδα. τῆσ δὲ Λιβύησ ὅση μὴ Καρχηδονίων βασιλεῦσιν ἐπετέτραπτο ὑπηκόοισ οὖσιν, ἀφιστάμενοι δὲ κατελύοντο· νυνὶ δ’ εἰσ Ιοὔβαν περιέστηκεν ἥ τε Μαυρουσία καὶ πολλὰ μέρη τῆσ ἄλλησ Λιβύησ διὰ τὴν πρὸσ Ῥωμαίουσ εὔνοιάν τε καὶ φιλίαν. τὰ δ’ ὅμοια καὶ περὶ τὴν Ἀσίαν συνέβη, ἣ κατ’ ἀρχὰσ μὲν διὰ τῶν βασιλέων διῳκεῖτο ὑπηκόων ὄντων, ὕστερον δ’ ἐκλιπόντων ἐκείνων, καθάπερ τῶν Ἀτταλικῶν βασιλέων καὶ Σύρων καὶ Παφλαγόνων καὶ Καππαδόκων καὶ Αἰγυπτίων, ἢ ἀφισταμένων καὶ ἔπειτα καταλυομένων, καθάπερ ἐπὶ Μιθριδάτου συνέβη ἀφισταμένων καὶ ἔπειτα καταλυομένων, καθάπερ ἐπὶ Μιθριδάτου συνέβη τοῦ Εὐπάτοροσ καὶ τῆσ Αἰγυπτίασ Κλεοπάτρασ, ἅπαντα τὰ ἐντὸσ Φάσιδοσ καὶ Εὐφράτου πλὴν Ἀράβων τινῶν ὑπὸ Ῥωμαίοισ ἐστὶ καὶ τοῖσ ὑπ’ ἐκείνων ἀποδειχθεῖσι δυνάσταισ. Ἀρμένιοι δὲ καὶ οἱ ὑπερκείμενοι τῆσ Κολχίδοσ Ἀλβανοί τε καὶ Ἴβηρεσ παρουσίασ δέονται μόνον τῶν ἡγησομένων, καλῶσ δὲ κρατοῦνται· νεωτερίζουσι δὲ διὰ τὰσ τῶν Ῥωμαίων ἀπασχολίασ, καθάπερ καὶ οἱ πέραν τοῦ Ἴστρου τὸν Εὔξεινον περιοικοῦντεσ πλὴν τοῦ Βοσπόρου καὶ τῶν νομάδων· τὸ μὲν γὰρ ὑπήκοον τὸ δ’ ἄχρηστον εἰσ πᾶν διὰ τὸ ἀκοινώνητον, φυλακῆσ δὲ μόνον δεόμενον· καὶ τἆλλα δὲ τὰ πολλὰ σκηνιτῶν καὶ νομάδων ἐστὶ πόρρω σφόδρα ὄντων. Παρθυαῖοι δὲ ὅμοροί τε ὄντεσ καὶ μέγιστον δυνάμενοι τοσοῦτον ὅμωσ ἐνέδοσαν πρὸσ τὴν Ῥωμαίων καὶ τῶν καθ’ ἡμᾶσ ἡγεμόνων ὑπεροχὴν ὥστ’ οὐ μόνον τὰ τρόπαια ἔπεμψαν εἰσ Ῥώμην ἃ κατὰ Ῥωμαίων ἀνέστησάν ποτε, ἀλλὰ καὶ παῖδασ ἐπίστευσε Φραάτησ τῷ Σεβαστῷ Καίσαρι καὶ παίδων παῖδασ ἐξομηρευσάμενοσ θεραπευτικῶσ τὴν φιλίαν· οἱ δὲ νῦν μετίασιν ἐνθένδε πολλάκισ τὸν βασιλεύσοντα, καὶ σχεδόν τι πλησίον εἰσὶ τοῦ ἐπὶ Ῥωμαίοισ ποιῆσαι τὴν σύμπασαν ἐξουσίαν. καὶ αὐτὴν δὲ τὴν Ἰταλίαν διαστᾶσαν πολλάκισ, ἀφ’ οὗ γε ὑπὸ Ῥωμαίοισ ἐστί, καὶ αὐτὴν τὴν Ῥώμην ἡ τῆσ πολιτείασ ἀρετὴ καὶ τῶν ἡγεμόνων ἐκώλυσεν ἐπὶ πλέον προελθεῖν πλημμελείασ καὶ διαφθορᾶσ. χαλεπὸν δὲ ἄλλωσ διοικεῖν τὴν τηλικαύτην ἡγεμονίαν ἢ ἑνὶ ἐπιτρέψαντασ ὡσ πατρί. οὐδέποτε γοῦν εὐπορῆσαι τοσαύτησ εἰρήνησ καὶ ἀφθονίασ ἀγαθῶν ὑπῆρξε Ῥωμαίοισ καὶ τοῖσ συμμάχοισ αὐτῶν, ὅσην Καῖσάρ τε ὁ Σεβαστὸσ παρέσχεν ἀφ’ οὗ παρέλαβε τὴν ἐξουσίαν αὐτοτελῆ, καὶ νῦν ὁ διαδεξάμενοσ υἱὸσ ἐκεῖνον παρέχει Τιβέριοσ, κανόνα τῆσ διοικήσεωσ καὶ τῶν προσταγμάτων ποιούμενοσ ἐκεῖνον, καὶ αὐτὸν οἱ παῖδεσ αὐτοῦ Γερμανικόσ τε καὶ Δροῦσοσ ὑπουργοῦντεσ τῷ πατρί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 6, chapter 4

(스트라본, 지리학, Book 6, chapter 4)

상위

목록

SEARCH

MENU NAVIGATION