Strabo, Geography, Book 6, chapter 2 20:

(스트라본, 지리학, Book 6, chapter 2 20:)

συγγενῆ δὲ καὶ τούτοισ καὶ τοῖσ κατὰ τὴν Σικελίαν πάθεσι τὰ περὶ τὰσ Λιπαραίων νήσουσ καὶ αὐτὴν τὴν Λιπάραν δείκνυται. εἰσὶ δ’ ἑπτὰ μὲν τὸν ἀριθμόν, μεγίστη δὲ ἡ Λιπάρα Κνιδίων ἄποικοσ ἐγγυτάτω τῆσ Σικελίασ κειμένη μετά γε τὴν Θέρμεσσαν· ἐκαλεῖτο δὲ πρότερον Μελιγουνίσ· ἡγήσατο δὲ καὶ στόλῳ καὶ πρὸσ τὰσ τῶν Τυρρηνῶν ἐπιδρομὰσ πολὺν χρόνον ἀντέσχεν, ὑπηκόουσ ἔχουσα τὰσ νῦν λεγομένασ Λιπαραίων νήσουσ ἃσ Αἰόλου τινὲσ προσαγορεύουσι. καὶ δὴ καὶ τὸ ἱερὸν τοῦ Ἀπόλλωνοσ ἐκόσμησε πολλάκισ τὸ ἐν Δελφοῖσ ἀπὸ τῶν ἀκροθινίων· ἔχει δὲ καὶ τὴν γῆν εὔκαρπον καὶ στυπτηρίασ μέταλλον ἐμπρόσοδον καὶ θερμὰ ὕδατα καὶ πυρὸσ ἀναπνοάσ. ταύτησ δὲ μεταξύ πώσ ἐστι καὶ τῆσ Σικελίασ ἣν νῦν ἱερὰν Ἡφαίστου καλοῦσι, πετρώδησ πᾶσα καὶ ἔρημοσ καὶ διάπυροσ· ἔχει δὲ ἀναπνοὰσ τρεῖσ ὡσ ἂν ἐκ τριῶν κρατήρων. ἐκ δὲ τοῦ μεγίστου καὶ μύδρουσ αἱ φλόγεσ ἀναφέρουσιν, οἳ προσκεχώκασιν ἤδη πολὺ μέροσ τοῦ πόρου. ἐκ δὲ τῆσ τηρήσεωσ πεπίστευται διότι τοῖσ ἀνέμοισ συμπαροξύνονται καὶ αἱ φλόγεσ αἵ τε ἐνταῦθα καὶ αἱ κατὰ τὴν Αἴτνην, παυομένων δὲ παύονται καὶ αἱ φλόγεσ. οὐκ ἄλογον δέ· καὶ γὰρ οἱ ἄνεμοι γεννῶνται καὶ τρέφονται τὴν ἀρχὴν λαβόντεσ ἀπὸ τῶν ἐκ τῆσ θαλάττησ ἀναθυμιάσεων, ὥστ’ ἀπὸ συγγενοῦσ ὕλησ καὶ πάθουσ καὶ τὸ πῦρ ἐξαπτόμενον οὐκ ἐᾷ θαυμάζειν τοὺσ ὁρῶντασ ἀμωσγέπωσ τὰ τοιάδε. Πολύβιοσ δὲ τῶν τριῶν κρατήρων τὸν μὲν κατερρυηκέναι φησὶν ἐκ μέρουσ, τοὺσ δὲ συμμένειν, τὸν δὲ μέγιστον τὸ χεῖλοσ ἔχειν περιφερὲσ ὂν πέντε σταδίων, κατ’ ὀλίγον δὲ συνάγεσθαι εἰσ πεντήκοντα ποδῶν διάμετρον· καθ’ οὗ βάθοσ εἶναι τὸ μέχρι θαλάττησ σταδιαῖον, ὥστε καθορᾶν ταῖσ νηνεμίαισ. ἐὰν μὲν οὖν νότοσ μέλλῃ πνεῖν, ἀχλὺν ὁμιχλώδη καταχεῖσθαι κύκλῳ φησὶ τῆσ νησῖδοσ ὥστε μηδὲ τὴν Σικελίαν ἄπωθεν φαίνεσθαι· ὅταν δὲ βορέασ, φλόγασ καθαρὰσ ἀπὸ τοῦ λεχθέντοσ κρατῆροσ εἰσ ὕψοσ ἐξαίρεσθαι καὶ βρόμουσ ἐκπέμπεσθαι μείζουσ· τὸν δὲ ζέφυρον μέσην τινὰ ἔχειν τάξιν. τοὺσ δ’ ἄλλουσ κρατῆρασ ὁμοειδεῖσ μὲν εἶναι, τῇ δὲ βίᾳ λείπεσθαι τῶν ἀναφυσημάτων· ἔκ τε δὴ τῆσ διαφορᾶσ τῶν βρόμων καὶ ἐκ τοῦ πόθεν ἄρχεται τὰ ἀναφυσήματα καὶ αἱ φλόγεσ καὶ αἱ λιγνύεσ προσημαίνεσθαι καὶ τὸν εἰσ ἡμέραν τρίτην πάλιν μέλλοντα ἄνεμον πνεῖν· τῶν γοῦν ἐν Λιπάραισ γενομένησ ἀπλοίασ προειπεῖν τινάσ φησι τὸν ἐσόμενον ἄνεμον καὶ μὴ διαψεύσασθαι. ἀφ’ οὗ δὴ τὸ μυθωδέστατον δοκοῦν εἰρῆσθαι τῷ ποιητῇ οὐ μάτην φαίνεσθαι λεχθέν, ἀλλ’ αἰνιξαμένου τὴν ἀλήθειαν, ὅταν φῇ ταμίαν τῶν ἀνέμων τὸν Αἰόλον· περὶ ὧν ἐμνήσθημεν καὶ πρότερον ἱκανῶσ. ἐπάνιμεν δ’ ἐπὶ τὰ ἑξῆσ ἀφ’ ὧν παρεξέβημεν.

상위

Geography (지리학)

목록

일치하는 문장이 없습니다.

SEARCH

MENU NAVIGATION