Strabo, Geography, Book 6, chapter 2 16:

(스트라본, 지리학, Book 6, chapter 2 16:)

πλησίον δὲ τῶν Κεντορίπων ἐστὶ πόλισμα ἡ μικρὸν ἔμπροσθεν λεχθεῖσα Αἴτνη τοὺσ ἀναβαίνοντασ ἐπὶ τὸ ὄροσ δεχομένη καὶ παραπέμπουσα· ἐντεῦθεν γὰρ ἀρχὴ τῆσ ἀκρωρείασ. ἔστι δὲ ψιλὰ τὰ ἄνω χωρία καὶ τεφρώδη καὶ χιόνοσ μεστὰ τοῦ χειμῶνοσ, τὰ κάτω δὲ δρυμοῖσ καὶ φυτείαισ διείληπται παντοδαπαῖσ. ἐοίκε δὲ λαμβάνειν μεταβολὰσ πολλὰσ τὰ ἄκρα τοῦ ὄρουσ διὰ τὴν νομὴν τοῦ πυρόσ, τοτὲ μὲν εἰσ ἕνα κρατῆρα συμφερομένου τοτὲ δὲ σχιζομένου, καὶ τοτὲ μὲν ῥύακασ ἀναπέμποντοσ τοτὲ δὲ φλόγασ καὶ λιγνῦσ, ἄλλοτε δὲ καὶ μύδρουσ ἀναφυσῶντοσ· ἀνάγκη δὲ τοῖσ πάθεσι τούτοισ τούσ τε ὑπὸ γῆν πόρουσ συμμεταβάλλειν καὶ τὰ στόμια ἐνίοτε πλείω ὄντα κατὰ τὴν ἐπιφάνειαν τὴν πέριξ. οἱ δ’ οὖν νεωστὶ ἀναβάντεσ διηγοῦντο ἡμῖν ὅτι καταλάβοιεν ἄνω πεδίον ὁμαλὸν ὅσον εἴκοσι σταδίων τὴν περίμετρον, κλειόμενον ὀφρύι τεφρώδει τειχίου τὸ ὕψοσ ἔχοντι, ὥστε δεῖν καθάλλεσθαι τοὺσ εἰσ τὸ πεδίον προελθεῖν βουλομένουσ· ὁρᾶν τ’ ἐν τῷ μέσῳ βουνὸν τεφρώδη τὴν χρόαν, οἱάπερ καὶ ἡ ἐπιφάνεια καθεωρᾶτο τοῦ πεδίου, ὑπὲρ δὲ τοῦ βουνοῦ νέφοσ ὄρθιον διανεστηκὸσ εἰσ ὕψοσ ὅσον διακοσίων ποδῶν ἠρεμοῦν εἶναι γὰρ καὶ νηνεμίαν, εἰκάζειν δὲ καπνῷ· δύο δὲ τολμήσαντασ προελθεῖν εἰσ τὸ πεδίον, ἐπειδὴ θερμοτέρασ ἐπέβαινον τῆσ ψάμμου καὶ βαθυτέρασ, ἀναστρέψαι μηδὲν ἔχοντασ περιττότερον φράζειν τῶν φαινομένων τοῖσ πόρρωθεν ἀφορῶσι. νομίζειν δ’ ἐκ τῆσ τοιαύτησ ὄψεωσ πολλὰ μυθεύεσθαι καὶ μάλιστα οἱᾶ́ φασί τινεσ περὶ Ἐμπεδοκλέουσ, ὅτι καθάλοιτο εἰσ τὸν κρατῆρα καὶ καταλίποι τοῦ πάθουσ ἴχνοσ τῶν ἐμβάδων τὴν ἑτέραν ἃσ ἐφόρει χαλκᾶσ· εὑρεθῆναι γὰρ ἔξω μικρὸν ἄπωθεν τοῦ χείλουσ τοῦ κρατῆροσ ὡσ ἀνερριμμένην ὑπὸ τῆσ βίασ τοῦ πυρόσ· οὔτε γὰρ προσιτὸν εἶναι τὸν τόπον οὔθ’ ὁρατόν, εἰκάζειν τε μηδὲ καταρριφῆναί τι δύνασθαι ἐκεῖσε ὑπὸ τῆσ ἀντιπνοίασ τῶν ἐκ βάθουσ ἀνέμων καὶ τῆσ θερμότητοσ, ἣν προαπαντᾶν εὔλογον πόρρωθεν πρὶν ἢ τῷ στομίῳ τοῦ κρατῆροσ προσπελάσαι· εἰ δὲ καταρριφείη, φθάνοι ἂν διαφθαρὲν πρὶν ἀναρριφῆναι πάλιν ὁποῖον παρελήφθη πρότερον. τὸ μὲν οὖν ἐκλείπειν ποτὲ τὰ πνεύματα καὶ τὸ πῦρ ἐπιλειπούσησ τῆσ ὕλησ, οὐκ ἄλογον, οὐ μὴν ἐπὶ τοσοῦτόν γε ὥστ’ ἀντὶ τῆσ τοσαύτησ βίασ ἐφικτὸν ἀνθρώπῳ γενέσθαι τὸν πλησιασμόν. ὑπέρκειται δ’ ἡ Αἴτνη μᾶλλον μὲν τῆσ κατὰ τὸν πορθμὸν καὶ τὴν Καταναίαν παραλίασ, ἀλλὰ καὶ τῆσ κατὰ τὸ Τυρρηνικὸν πέλαγοσ καὶ τὰσ Λιπαραίων νήσουσ. νύκτωρ μὲν οὖν καὶ φέγγη φαίνεται λαμπρὰ ἐκ τῆσ κορυφῆσ, μεθ’ ἡμέραν δὲ καπνῷ καὶ ἀχλύι κατέχεται.

상위

Geography (지리학)

목록

일치하는 문장이 없습니다.

SEARCH

MENU NAVIGATION