Strabo, Geography, Book 6, chapter 2 6:

(스트라본, 지리학, Book 6, chapter 2 6:)

τῶν δὲ συμμενουσῶν κατὰ τὸ λεχθὲν πλευρὸν πόλεων ἡ μὲν Μεσσήνη τῆσ Πελωριάδοσ ἐν κόλπῳ κεῖται, καμπτομένησ ἐπὶ πολὺ πρὸσ ἑώ καὶ μασχάλην τινὰ ποιούσησ· ἀπέχει δὲ τοῦ μὲν Ῥηγίου δίαρμα ἑξηκονταστάδιον, τῆσ δὲ στυλίδοσ πολὺ ἔλαττον. κτίσμα δ’ ἐστὶ Μεσσηνίων τῶν ἐν Πελοποννήσῳ, παρ’ ὧν τοὔνομα μετήλλαξε καλουμένη Ζάγκλη πρότερον διὰ τὴν σκολιότητα τῶν τόπων ζάγκλον γὰρ ἐκαλεῖτο τὸ σκολιόν, Ναξίων οὖσα πρότερον κτίσμα τῶν πρὸσ Κατάνην· ἐπῴκησαν δ’ ὕστερον Μαμερτῖνοι Καμπανῶν τι φῦλον. ἐχρήσαντο δ’ ὁρμητηρίῳ Ῥωμαῖοι πρὸσ τὸν Σικελικὸν πόλεμον τὸν πρὸσ Καρχηδονίουσ, καὶ μετὰ ταῦτα Πομπήιοσ ὁ Σέξτοσ ἐνταῦθα συνεῖχε τὸ ναυτικὸν πολεμῶν πρὸσ τὸν Σεβαστὸν Καίσαρα· ἐντεῦθεν δὲ καὶ τὴν φυγὴν ἐποιήσατο ἐκπεσὼν ἐκ τῆσ νήσου. δείκνυται δὲ καὶ ἡ Χάρυβδισ μικρὸν πρὸ τῆσ πόλεωσ ἐν τῷ πόρῳ, βάθοσ ἐξαίσιον, εἰσ ὃ αἱ παλίρροιαι τοῦ πορθμοῦ κατάγουσι φυσικῶσ τὰ σκάφη τραχηλιζόμενα μετὰ συστροφῆσ καὶ δίνησ μεγάλησ· καταποθέντων δὲ καὶ διαλυθέντων τὰ ναυάγια παρασύρεται πρὸσ ᾐόνα τῆσ Ταυρομενίασ, ἣν καλοῦσιν ἀπὸ τοῦ συμπτώματοσ τούτου Κοπρίαν. τοσοῦτον δ’ ἐπεκράτησαν οἱ Μαμερτῖνοι παρὰ τοῖσ Μεσσηνίοισ ὥστ’ ἐπ’ ἐκείνοισ ὑπῆρξεν ἡ πόλισ, καλοῦσί τε Μαμερτίνουσ μᾶλλον ἅπαντεσ αὐτοὺσ ἢ Μεσσηνίουσ, εὐοίνου τε σφόδρα τῆσ χώρασ οὔσησ οὐ Μεσσήνιον καλοῦσι τὸν οἶνον ἀλλὰ Μαμερτῖνον, τοῖσ ἀρίστοισ ἐνάμιλλον ὄντα τῶν Ἰταλικῶν. οἰκεῖται δ’ ἱκανῶσ ἡ πόλισ, μᾶλλον δὲ Κατάνη· καὶ γὰρ οἰκήτορασ δέδεκται Ῥωμαίουσ· ἧττον δ’ ἀμφοῖν τὸ Ταυρομένιον. καὶ Κατάνη δ’ ἐστὶ Ναξίων τῶν αὐτῶν κτίσμα, Ταυρομένιον δὲ τῶν ἐν Ὕβλῃ Ζαγκλαίων· ἀπέβαλε δὲ τοὺσ οἰκήτορασ τοὺσ ἐξ ἀρχῆσ ἡ Κατάνη, κατοικίσαντοσ ἑτέρουσ Ιἕρωνοσ τοῦ Συρακουσσίων τυράννου καὶ προσαγορεύσαντοσ αὐτὴν Αἴτνην ἀντὶ Κατάνησ. ταύτησ δὲ καὶ Πίνδαροσ κτίστορα λέγει αὐτὸν ὅταν φῇ ξύνεσ ὅ τοι λέγω, ζαθέων ἱερῶν ὁμώνυμε πάτερ, κτίστορ Αἴτνασ. μετὰ δὲ τὴν τελευτὴν τοῦ Ιἕρωνοσ κατελθόντεσ οἱ Καταναῖοι τούσ τε ἐνοίκουσ ἐξέβαλον καὶ τὸν τάφον ἀνέσκαψαν τοῦ τυράννου. οἱ δὲ Αἰτναῖοι παραχωρήσαντεσ τὴν Ἴννησαν καλουμένην τῆσ Αἴτνησ ὀρεινὴν ᾤκησαν καὶ προσηγόρευσαν τὸ χωρίον Αἴτνην διέχον τῆσ Κατάνησ σταδίουσ ὀγδοήκοντα, καὶ τὸν Ιἕρωνα οἰκιστὴν ἀπέφηναν. ὑπέρκειται δὲ μάλιστα τῆσ Κατάνησ ἡ Αἴτνη καὶ τῶν περὶ τοὺσ κρατῆρασ παθῶν πλεῖστον κοινωνεῖ· καὶ γὰρ οἱ ῥύακεσ εἰσ τὴν Καταναίαν ἐγγυτάτω καταφέρονται, καὶ τὰ περὶ τοὺσ εὐσεβεῖσ ἐκεῖ τεθρύληται τὸν Ἀμφίνομον καὶ τὸν Ἀναπίαν, οἳ τοὺσ γονέασ ἐπὶ τῶν ὤμων ἀράμενοι διέσωσαν ἐπιφερομένου τοῦ κακοῦ. ὅταν δ’, ὁ Ποσειδώνιόσ φησι, γίνηται τὰ περὶ τὸ ὄροσ, κατατεφροῦται πολλῷ βάθει τὰ Καταναίων χωρία· ἡ μὲν οὖν σποδὸσ λυπήσασα πρὸσ καιρὸν εὐεργετεῖ τὴν χώραν χρόνοισ ὕστερον· εὐάμπελον γὰρ παρέχεται καὶ χρηστόκαρπον, τῆσ ἄλλησ οὐχ ὁμοίωσ οὔσησ εὐοίνου· τάσ τε ῥίζασ, ἃσ ἐκφέρει τὰ κατατεφρωθέντα χωρία, πιαίνειν ἐπὶ τοσοῦτον τὰ πρόβατά φασιν ὥστε πνίγεσθαι· διόπερ ἐκ τῶν ὤτων ἀφαιροῦσιν αἷμα δι’ ἡμερῶν τεττάρων ἢ πέντε, καθάπερ τοῦτο καὶ κατὰ τὴν Ἐρύθειαν συμβαῖνον εἰρήκαμεν. ὁ δὲ ῥύαξ εἰσ πῆξιν μεταβάλλων ἀπολιθοῖ τὴν ἐπιφάνειαν τῆσ γῆσ ἐφ’ ἱκανὸν βάθοσ, ὥστε λατομίασ εἶναι χρείαν τοῖσ ἀνακαλύψαι βουλομένοισ τὴν ἐξ ἀρχῆσ ἐπιφάνειαν. τακείσησ γὰρ ἐν τοῖσ κρατῆρσι τῆσ πέτρασ, εἶτ’ ἀναβληθείσησ, τὸ ὑπερχυθὲν τῆσ κορυφῆσ ὑγρὸν πηλόσ ἐστι μέλασ ῥέων κατὰ τῆσ ὀρεινῆσ· εἶτα πῆξιν λαβὼν γίνεται λίθοσ μυλίασ τὴν αὐτὴν φυλάττων χρόαν ἣν ῥέων εἶχε. καὶ ἡ σποδὸσ δὲ καιομένων τῶν λίθων ὡσ ἀπὸ τῶν ξύλων γίνεται· καθάπερ οὖν τὸ πήγανον τῇ ξυλίνῃ σποδῷ τρέφεται, τοιοῦτον ἔχειν τι οἰκείωμα πρὸσ τὴν ἄμπελον εἰκὸσ τὴν Αἰτναίαν σποδόν.

상위

Geography (지리학)

목록

일치하는 문장이 없습니다.

SEARCH

MENU NAVIGATION