Strabo, Geography, Book 6, chapter 1 26:

(스트라본, 지리학, Book 6, chapter 1 26:)

ἐφεξῆσ δ’ ἐστὶν ἐν διακοσίοισ σταδίοισ Ἀχαιῶν κτίσμα ἡ Σύβαρισ δυεῖν ποταμῶν μεταξύ, Κράθιδοσ καὶ Συβάριδοσ· οἰκιστὴσ δ’ αὐτῆσ ὁ Ἶσοσ Ἑλικεύσ. τοσοῦτον δ’ εὐτυχίᾳ διήνεγκεν ἡ πόλισ αὕτη τὸ παλαιὸν ὥστε τεττάρων μὲν ἐθνῶν τῶν πλησίον ἐπῆρξε, πέντε δὲ καὶ εἴκοσι πόλεισ ὑπηκόουσ ἔσχε, τριάκοντα δὲ μυριάσιν ἀνδρῶν ἐπὶ Κροτωνιάτασ ἐστράτευσεν, πεντήκοντα δὲ σταδίων κύκλον συνεπλήρουν οἰκοῦντεσ ἐπὶ τῷ Κράθιδι. ὑπὸ μέντοι τρυφῆσ καὶ ὕβρεωσ ἅπασαν τὴν εὐδαιμονίαν ἀφῃρέθησαν ὑπὸ Κροτωνιατῶν ἐν ἡμέραισ ἑβδομήκοντα· ἑλόντεσ γὰρ τὴν πόλιν ἐπήγαγον τὸν ποταμὸν καὶ κατέκλυσαν. ὕστερον δ’ οἱ περιγενόμενοι συνελθόντεσ ἐπῴκουν ὀλίγοι· χρόνῳ δὲ καὶ οὗτοι διεφθάρησαν ὑπὸ Ἀθηναίων καὶ ἄλλων Ἑλλήνων, οἳ συνοικήσοντεσ μὲν ἐκείνοισ ἀφίκοντο, καταφρονήσαντεσ δὲ αὐτῶν τοὺσ μὲν διεχειρίσαντο . . . τὴν δὲ πόλιν εἰσ ἕτερον τόπον μετέθηκαν πλησίον καὶ Θουρίουσ προσηγόρευσαν ἀπὸ κρήνησ ὁμωνύμου. ὁ μὲν οὖν Σύβαρισ τοὺσ πίνοντασ ἵππουσ ἀπ’ αὐτοῦ πτυρτικοὺσ ποιεῖ· διὸ καὶ τὰσ ἀγέλασ ἀπείργουσιν ἀπ’ αὐτοῦ· ὁ δὲ Κρᾶθισ τοὺσ ἀνθρώπουσ ξανθοτριχεῖν καὶ λευκοτριχεῖν ποιεῖ λουομένουσ καὶ ἄλλα πολλὰ πάθη ἰᾶται. Θούριοι δ’ εὐτυχήσαντεσ πολὺν χρόνον ὑπὸ Λευκανῶν ἠνδραποδίσθησαν, Ταραντίνων δ’ ἀφελομένων ἐκείνουσ ἐπὶ Ῥωμαίουσ κατέφυγον. οἱ δὲ πέμψαντεσ συνοίκουσ ὀλιγανδροῦσι μετωνόμασαν Κωπιὰσ τὴν πόλιν.

상위

Geography (지리학)

목록

일치하는 문장이 없습니다.

SEARCH

MENU NAVIGATION