Strabo, Geography, Book 6, chapter 1 2:

(스트라본, 지리학, Book 6, chapter 1 2:)

μετὰ δὲ τὸ στόμα τοῦ Σιλάριδοσ Λευκανία καὶ τὸ τῆσ Ἥρασ ἱερὸν τῆσ Ἀργῴασ, Ιἄσονοσ ἵδρυμα, καὶ πλησίον ἐν πεντήκοντα σταδίοισ ἡ Ποσειδωνία. Συβαρῖται μὲν οὖν ἐπὶ θαλάττῃ τεῖχοσ ἔθεντο, οἱ δ’ οἰκισθέντεσ ἀνωτέρω μετέστησαν, ὕστερον δὲ Λευκανοὶ μὲν ἐκείνουσ, Ῥωμαῖοι δὲ Λευκανοὺσ ἀφείλοντο τὴν πόλιν. ποιεῖ δ’ αὐτὴν ἐπίνοσον ποταμὸσ πλησίον εἰσ ἕλη ἀναχεόμενοσ. ἐντεῦθεν δ’ ἐκπλέοντι τὸν κόλπον νῆσοσ Λευκωσία, μικρὸν ἔχουσα πρὸσ τὴν ἤπειρον διάπλουν, ἐπώνυμοσ μιᾶσ τῶν Σειρήνων, ἐκπεσούσησ δεῦρο μετὰ τὴν μυθευομένην ῥῖψιν αὐτῶν εἰσ τὸν βυθόν. τῆσ δὲ νήσου πρόκειται τὸ ἀντακρωτήριον ταῖσ Σειρηνούσσαισ ποιοῦν τὸν Ποσειδωνιάτην κόλπον. κάμψαντι δ’ ἄλλοσ συνεχὴσ κόλποσ, ἐν ᾧ πόλισ ἣν οἱ μὲν κτίσαντεσ Φωκαιεῖσ Υἕλην οἱ δὲ Ἔλην ἀπὸ κρήνησ τινὸσ οἱ δὲ νῦν Ἐλέαν ὀνομάζουσιν, ἐξ ἧσ Παρμενίδησ καὶ Ζήνων ἐγένοντο ἄνδρεσ Πυθαγόρειοι. δοκεῖ δέ μοι καὶ δι’ ἐκείνουσ καὶ ἔτι πρότερον εὐνομηθῆναι· διὸ καὶ πρὸσ Λευκανοὺσ ἀντέσχον καὶ πρὸσ Ποσειδωνιάτασ καὶ κρείττουσ ἀπῄεσαν καίπερ ἐνδεέστεροι καὶ χώρᾳ καὶ πλήθει σωμάτων ὄντεσ. ἀναγκάζονται γοῦν διὰ τὴν λυπρότητα τῆσ γῆσ τὰ πολλὰ θαλαττουργεῖν καὶ ταριχείασ συνίστασθαι καὶ ἄλλασ τοιαύτασ ἐργασίασ. φησὶ δ’ Ἀντίοχοσ Φωκαίασ ἁλούσησ ὑφ’ Ἁρπάγου τοῦ Κύρου στρατηγοῦ, τοὺσ δυναμένουσ ἐμβάντασ εἰσ τὰ σκάφη πανοικίουσ πλεῦσαι πρῶτον εἰσ Κύρνον καὶ Μασσαλίαν μετὰ Κρεοντιάδου, ἀποκρουσθέντασ δὲ τὴν Ἐλέαν κτίσαι· διέχει δὲ τῆσ Ποσειδωνίασ ὅσον διακοσίουσ σταδίουσ ἡ πόλισ. μετὰ δὲ ταύτην ἀκρωτήριον Παλίνουροσ. πρὸ δὲ τῆσ Ἐλεάτιδοσ αἱ Οἰνωτρίδεσ νῆσοι δύο ὑφόρμουσ ἔχουσαι. μετὰ δὲ Παλίνουρον Πυξοῦσ ἄκρα καὶ λιμὴν καὶ ποταμόσ· ἓν γὰρ τῶν τριῶν ὄνομα· ᾤκισε δὲ Μίκυθοσ ὁ Μεσσήνησ ἄρχων τῆσ ἐν Σικελίᾳ, πάλιν δ’ ἀπῆραν οἱ ἱδρυθέντεσ πλὴν ὀλίγων. μετὰ δὲ Πυξοῦντα Λᾶοσ κόλποσ καὶ ποταμὸσ καὶ πόλισ, ἐσχάτη τῶν Λευκανίδων, μικρὸν ὑπὲρ τῆσ θαλάττησ, ἄποικοσ Συβαριτῶν, εἰσ ἣν ἀπὸ Ἔλησ στάδιοι τετρακόσιοι· ὁ δὲ πᾶσ τῆσ Λευκανίασ παράπλουσ ἑξακοσίων πεντήκοντα. πλησίον δὲ τὸ τοῦ Δράκοντοσ ἡρῷον ἑνὸσ τῶν Ὀδυσσέωσ ἑταίρων, ἐφ’ οὗ ὁ χρησμὸσ τοῖσ Ἰταλιώταισ ἐγένετο Λάιον ἀμφὶ Δράκοντα πολύν ποτε λαὸν ὀλεῖσθαι. ἐπὶ γὰρ ταύτην Λᾶον στρατεύσαντεσ οἱ κατὰ τὴν Ἰταλίαν Ἕλληνεσ ὑπὸ Λευκανῶν ἠτύχησαν ἐξαπατηθέντεσ τῷ χρησμῷ.

상위

Geography (지리학)

목록

일치하는 문장이 없습니다.

SEARCH

MENU NAVIGATION