Strabo, Geography, book 4, chapter 6 12:

(스트라본, 지리학, book 4, chapter 6 12:)

ἐπὶ δὲ θάτερα μέρη τὰ πρὸσ τὴν Ἰταλίαν κεκλιμένα τῆσ λεχθείσησ ὀρεινῆσ Ταυρῖνοί τε οἰκοῦσι Λιγυστικὸν ἔθνοσ καὶ ἄλλοι Λίγυεσ. τούτων δ’ ἐστὶ καὶ ἡ τοῦ Δόννου λεγομένη γῆ καὶ ἡ τοῦ Κοττίου. μετὰ δὲ τούτουσ καὶ τὸν Πάδον Σαλασσοί· ὑπὲρ δὲ τούτων ἐν ταῖσ κορυφαῖσ Κέντρωνεσ καὶ Κατόριγεσ καὶ Ουἄραγροι καὶ Ναντουᾶται καὶ ἡ Λημέννα λίμνη, δι’ ἧσ ὁ Ῥοδανὸσ φέρεται, καὶ ἡ πηγὴ τοῦ ποταμοῦ. οὐκ ἄπωθεν δὲ τούτων οὐδὲ τοῦ Ῥήνου αἱ πηγαί, οὐδ’ ὁ Ἀδούλασ τὸ ὄροσ, ἐξ οὗ ῥεῖ καὶ ὁ Ῥῆνοσ ἐπὶ τὰσ ἄρκτουσ καὶ ὁ Ἀδούασ εἰσ τἀναντία ἐμβάλλων εἰσ τὴν Λάριον λίμνην τὴν πρὸσ τῷ Κώμῳ. ὑπέρκεινται δὲ τοῦ Κώμου πρὸσ τῇ ῥίζῃ τῶν Ἄλπεων ἱδρυμένου τῇ μὲν Ῥαιτοὶ καὶ Ουἔννωνεσ ἐπὶ τὴν ἑώ κεκλιμένοι, τῇ δὲ Ληπόντιοι καὶ Τριδεντῖνοι καὶ Στόνοι καὶ ἄλλα πλείω μικρὰ ἔθνη κατέχοντα τὴν Ἰταλίαν ἐν τοῖσ πρόσθεν χρόνοισ λῃστρικὰ καὶ ἄπορα· νυνὶ δὲ τὰ μὲν ἐξέφθαρται τὰ δ’ ἡμέρωται τελέωσ, ὥστε τὰσ δι’ αὐτῶν ὑπερβολὰσ τοῦ ὄρουσ πρότερον οὔσασ ὀλίγασ καὶ δυσπεράτουσ νυνὶ πολλαχόθεν εἶναι καὶ ἀσφαλεῖσ ἀπὸ τῶν ἀνθρώπων καὶ εὐβάτουσ, ὡσ ἔνεστι, διὰ τὴν κατασκευήν. προσέθηκε γὰρ ὁ Σεβαστὸσ Καῖσαρ τῇ καταλύσει τῶν λῃστῶν τὴν κατασκευὴν τῶν ὁδῶν ὅσην οἱο͂́ν τ’ ἦν· οὐ γὰρ δυνατὸν πανταχοῦ βιάσασθαι τὴν φύσιν διὰ πετρῶν καὶ κρημνῶν ἐξαισίων, τῶν μὲν ὑπερκειμένων τῆσ ὁδοῦ τῶν δ’ ὑποπιπτόντων, ὥστε καὶ μικρὸν ἐκβᾶσιν ἄφυκτον εἶναι τὸν κίνδυνον, εἰσ φάραγγασ ἀβύσσουσ τοῦ πτώματοσ ὄντοσ. οὕτω δέ ἐστι στενὴ κατά τι αὐτοῦ ἡ ὁδὸσ ὥστ’ ἴλιγγον φέρειν τοῖσ πεζῇ βαδίζουσι καὶ αὐτοῖσ καὶ ὑποζυγίοισ τοῖσ ἀήθεσι· τὰ δ’ ἐπιχώρια κομίζει τοὺσ φόρτουσ ἀσφαλῶσ. οὔτ’ οὖν ταῦτα ἰάσιμα οὔθ’ αἱ κατολισθάνουσαι πλάκεσ τῶν κρυστάλλων ἄνωθεν ἐξαίσιοι, συνοδίαν ὅλην ἀπολαμβάνειν δυνάμεναι καὶ συνεξωθεῖν εἰσ τὰσ ὑποπιπτούσασ φάραγγασ. πολλαὶ γὰρ ἀλλήλαισ ἐπίκεινται πλάκεσ, πάγων ἐπὶ πάγοισ γενομένων τῆσ χιόνοσ κρυσταλλωδῶν καὶ τῶν ἐπιπολῆσ ἀεὶ ῥᾳδίωσ ἀπολυομένων ἀπὸ τῶν ἐντὸσ πρὶν διαλυθῆναι τελέωσ ἐν τοῖσ ἡλίοισ.

일치하는 문장이 없습니다.

SEARCH

MENU NAVIGATION