헬라어 문장 검색 - ΣτραβόΓεογραπ́04́06́

(스트라본, 지리학, book 4, chapter 6)

μετὰ δὲ τὴν ὑπὲρ τῶν Ἄλπεων Κελτικὴν καὶ τὰ ἔθνη τὰ ἔχοντα τὴν χώραν ταύτην περὶ αὐτῶν τῶν Ἄλπεων λεκτέον καὶ τῶν κατοικούντων αὐτάσ, ἔπειτα περὶ τῆσ συμπάσησ Ἰταλίασ, φυλάττουσιν ἐν τῇ γραφῇ τὴν αὐτὴν τάξιν ἥνπερ δίδωσιν ἡ τῆσ χώρασ φύσισ. καὶ γὰρ νῦν ἔτι τὸ ἐν τοῖσ Ιἄποσιν ὄροσ ὑψηλὸν συνάπτον πωσ τῇ Ὄκρᾳ καὶ ταῖσ Ἄλπεσιν Ἄλβιον λέγεσθαι, ὡσ ἂν μέχρι δεῦρο τῶν Ἄλπεων ἐκτεταμένων. ἄρχονται μὲν οὖν αἱ Ἄλπεισ οὐκ ἀπὸ Μονοίκου λιμένοσ, ὡσ εἰρήκασί τινεσ, ἀλλ’ ἀπὸ τῶν αὐτῶν χωρίων ἀφ’ ὧνπερ καὶ τὰ Ἀπέννινα ὄρη κατὰ Γένουαν ἐμπόριον Λιγύων καὶ τὰ καλούμενα Σαβάτων ὀυάδα, ὅπερ ἐστὶ τενάγη· τὸ μὲν γὰρ Ἀπέννινον ἀπὸ Γενούασ, αἱ δὲ Ἄλπεισ ἀπὸ τῶν Σαβάτων ἔχουσι τὴν ἀρχήν· στάδιοι δ’ εἰσὶ μεταξὺ Γενούασ καὶ Σαβάτων διακόσιοι πρὸσ τοῖσ ἑξήκοντα· μετὰ δὲ τριακοσίουσ πρὸσ τοῖσ ἑβδομήκοντα Ἀλβίγγαυνόν ἐστι πόλισμα, οἱ δ’ ἐνοικοῦντεσ Λίγυεσ Ἴγγαυνοι καλοῦνται· ἐντεῦθεν δ’ εἰσ Μονοίκου λιμένα τετρακόσιοι καὶ ὀγδοήκοντα. ἔν τε τῷ μεταξὺ πόλισ εὐμεγέθησ Ἄλβιον Ἰντεμέλιον καὶ οἱ κατοικοῦντεσ Ἰντεμέλιοι. καὶ δὴ καὶ σημεῖον τίθενται τοῦ τὴν ἀρχὴν ἀπὸ τῶν Σαβάτων εἶναι ταῖσ Ἄλπεσιν ἐκ τῶν ὀνομάτων τούτων· τὰ γὰρ Ἄλπεια καλεῖσθαι πρότερον Ἄλβια, καθάπερ καὶ Ἀλπεινά. τῶν οὖν Λιγύων τῶν μὲν ὄντων Ἰγγαύνων τῶν δὲ Ἰντεμελίων, εἰκότωσ τὰσ ἐποικίασ αὐτῶν ἐπὶ τῇ θαλάττῃ τὴν μὲν ὀνομάζεσθαι Ἄλβιον Ἰντεμέλιον οἱο͂ν Ἄλπειον, τὴν δὲ ἐπιτετμημένωσ μᾶλλον Ἀλβίγγαυνον.

Πολύβιοσ δὲ προστίθησι τοῖσ δυσὶ φύλοισ τῶν Λιγύων τοῖσ λεχθεῖσι τό τε τῶν Ὀξυβίων καὶ τὸ τῶν Δεκιητῶν. ὅλωσ δὲ ἡ παραλία αὕτη πᾶσα μέχρι Τυρρηνίασ ἐκ Μονοίκου λιμένοσ προσεχήσ τέ ἐστι καὶ ἀλίμενοσ πλὴν βραχέων ὁρ́μων καὶ ἀγκυροβολίων. ὑπέρκεινται δὲ οἱ τῶν ὀρῶν ἐξαίσιοι κρημνοὶ στενὴν ἀπολείποντεσ πρὸσ θαλάττῃ πάροδον. κατοικοῦσι δὲ Λίγυεσ ζῶντεσ ἀπὸ θρεμμάτων τὸ πλέον καὶ γάλακτοσ καὶ κριθίνου πόματοσ, νεμόμενοι τά τε πρὸσ θαλάττῃ χωρία καὶ τὸ πλέον τὰ ὄρη. ἔχουσι δ’ ὕλην ἐνταῦθα παμπόλλην ναυπηγήσιμον καὶ μεγαλόδενδρον, ὥστ’ ἐνίων τοῦ πάχουσ τὴν διάμετρον ὀκτὼ ποδῶν εὑρίσκεσθαι· πολλὰ δὲ καὶ τῇ ποικιλίᾳ τῶν θυί̈νων οὐκ ἔστι χείρω πρὸσ τὰσ τραπεζοποιίασ. ταῦτά τε δὴ κατάγουσιν εἰσ τὸ ἐμπόριον τὴν Γένουαν καὶ θρέμματα καὶ δέρματα καὶ μέλι, ἀντιφορτίζονται δὲ ἔλαιον καὶ οἶνον τὸν ἐκ τῆσ Ἰταλίασ· ὁ δὲ παρ’ αὐτοῖσ ὀλίγοσ ἐστί, πιττίτησ αὐστηρόσ. ἐντεῦθεν δέ εἰσιν οἱ γίννοι λεγόμενοι ἵπποι τε καὶ ἡμίονοι, καὶ οἱ λιγυστῖνοί τε χιτῶνεσ καὶ σάγοι· πλεονάζει δὲ καὶ τὸ λιγγούριον παρ’ αὐτοῖσ, ὅ τινεσ ἤλεκτρον προσαγορεύουσι. στρατεύονται δ’ ἱππεῖσ μὲν οὐ πάνυ, ὁπλῖται δὲ ἀγαθοὶ καὶ ἀκροβολισταί· ἀπὸ δὲ τοῦ χαλκάσπιδασ εἶναι τεκμαίρονταί τινεσ Ἕλληνασ αὐτοὺσ εἶναι. ὁ δὲ τοῦ Μονοίκου λιμὴν ὁρ́μοσ ἐστὶν οὐ μεγάλαισ οὐδὲ πολλαῖσ ναυσίν, ἔχων ἱερὸν Ἡρακλέουσ Μονοίκου καλουμένου·

ἐοίκε δὲ ἀπὸ τοῦ ὀνόματοσ καὶ μέχρι δεῦρο διατείνειν ὁ Μασσαλιωτικὸσ παράπλουσ· διέχει δ’ Ἀντιπόλεωσ μικρῷ πλείουσ ἢ διακοσίουσ σταδίουσ. τοὐντεῦθεν δ’ ἤδη μέχρι Μασσαλίασ καὶ μικρὸν προσωτέρω τὸ τῶν Σαλύων ἔθνοσ οἰκεῖ τὰσ Ἄλπεισ τὰσ ὑπερκειμένασ καί τινα τῆσ αὐτῆσ παραλίασ ἀναμὶξ τοῖσ Ἕλλησι. καλοῦσι δὲ τοὺσ Σάλυασ οἱ μὲν παλαιοὶ τῶν Ἑλλήνων Λίγυασ καὶ τὴν χώραν, ἣν ἔχουσιν οἱ Μασσαλιῶται, Λιγυστικήν, οἱ δ’ ὕστερον Κελτολίγυασ ὀνομάζουσι, καὶ τὴν μέχρι Αὐενίωνοσ καὶ τοῦ Ῥοδανοῦ πεδιάδα τούτοισ προσνέμουσιν, ἀφ’ ἧσ οὐ πεζὴν μόνον ἀλλὰ καὶ ἱππικὴν ἔστελλον στρατιάν, εἰσ δέκα μέρη διῃρημένοι. πρώτουσ δ’ ἐχειρώσαντο Ῥωμαῖοι τούτουσ τῶν ὑπεραλπείων Κελτῶν, πολὺν χρόνον πολεμήσαντεσ καὶ τούτοισ καὶ τοῖσ Λίγυσιν, ἀποκεκλεικόσι τὰσ εἰσ τὴν Ἰβηρίαν παρόδουσ τὰσ διὰ τῆσ παραλίασ. καὶ γὰρ καὶ κατὰ γῆν καὶ κατὰ θάλατταν ἐλῄζοντο καὶ τοσοῦτον ἴσχυον ὥστε μόλισ στρατοπέδοισ μεγάλοισ πορευτὴν εἶναι τὴν ὁδόν. ὀγδοηκοστὸν δ’ ἔτοσ πολεμοῦντεσ διεπράξαντο μόλισ ὥστ’ ἐπὶ δώδεκα σταδίουσ τὸ πλάτοσ ἀνεῖσθαι τὴν ὁδὸν τοῖσ ὁδεύουσι δημοσίᾳ. μετὰ ταῦτα μέντοι κατέλυσαν ἅπαντασ καὶ διέταξαν αὐτοὶ τὰσ πολιτείασ, ἐπιστήσαντεσ φόβον. μετὰ δὲ τοὺσ Σάλυασ Ἀλβιεῖσ καὶ Ἀλβίοικοι καὶ Ουὀκόντιοι νέμονται τὰ προσάρκτια μέρη τῶν ὀρῶν.

παρατείνουσι δὲ οἱ Ουὀκόντιοι μέχρι Ἀλλοβρίγων, ἔχοντεσ αὐλῶνασ ἐν βάθει τῆσ ὀρεινῆσ ἀξιολόγουσ καὶ οὐ χείρουσ ὧν ἔχουσιν ἐκεῖνοι. Ἀλλόβριγεσ μὲν οὖν καὶ Λίγυεσ ὑπὸ τοῖσ στρατηγοῖσ τάττονται τοῖσ ἀφικνουμένοισ εἰσ τὴν Ναρβωνῖτιν, Ουὀκόντιοι δέ, καθάπερ τοὺσ Ουὄλκασ ἔφαμεν τοὺσ περὶ Νέμαυσον, τάττονται καθ’ αὑτούσ. τῶν δὲ μεταξὺ τοῦ Ουἄρου καὶ τῆσ Γενούασ Λιγύων οἱ μὲν ἐπὶ τῇ θαλάττῃ τοῖσ Ἰταλιώταισ εἰσὶν οἱ αὐτοί, ἐπὶ δὲ τοὺσ ὀρεινοὺσ πέμπεταί τισ ὕπαρχοσ τῶν ἱππικῶν ἀνδρῶν, καθάπερ καὶ ἐπ’ ἄλλουσ τῶν τελέωσ βαρβάρων. μετὰ δὲ Ουὀκοντίουσ Ἰκόνιοι καὶ Τρικόριοι καὶ μετ’ αὐτοὺσ Μέδουλλοι, οἵπερ τὰσ ὑψηλοτάτασ ἔχουσι κορυφάσ·

τὸ γοῦν ὀρθιώτατον αὐτῶν ὕψοσ σταδίων ἑκατὸν ἔχειν φασὶ τὴν ἀνάβασιν, κἀνθένδε πάλιν τὴν ἐπὶ τοὺσ ὁρ́ουσ τοὺσ τῆσ Ἰταλίασ κατάβασιν. ἄνω δ’ ἔν τισι κοίλοισ χωρίοισ λίμνη τε συνίσταται μεγάλη καὶ πηγαὶ δύο οὐ πολὺ ἄπωθεν ἀλλήλων, ὧν ἐκ μὲν τῆσ ἑτέρασ εἶσιν ὁ Δρουεντίασ ποταμὸσ χαραδρώδησ, ὃσ ἐπὶ τὸν Ῥοδανὸν καταράττει, καὶ ὁ Δουρίασ εἰσ τἀναντία· τῷ γὰρ Πάδῳ συμμίσγει κατενεχθεὶσ διὰ Σαλασσῶν εἰσ τὴν ἐντὸσ τῶν Ἄλπεων Κελτικήν· ἐκ δὲ τῆσ ἑτέρασ πολὺ ταπεινότεροσ τούτων τῶν χωρίων ἀναδίδωσιν αὐτὸσ ὁ Πάδοσ πολύσ τε καὶ ὀξύσ, προϊὼν δὲ γίνεται μείζων καὶ πραότεροσ· ἐκ πολλῶν γὰρ λαμβάνει τὴν αὔξησιν ἐν τοῖσ πεδίοισ ἤδη γενόμενοσ καὶ πλατύνεται· τῇ οὖν διαχύσει περισπᾷ καὶ ἀμβλύνει τὸν ῥοῦν· εἰσ δὲ τὴν Ἀδριατικὴν θάλατταν ἐκπίπτει μέγιστοσ γενόμενοσ τῶν κατὰ τὴν Εὐρώπην ποταμῶν πλὴν τοῦ Ἴστρου. ὑπέρκεινται δ’ οἱ Μέδουλλοι μάλιστα τῆσ συμβολῆσ τοῦ Ἴσαροσ πρὸσ τὸν Ῥοδανόν. ἐπὶ δὲ θάτερα μέρη τὰ πρὸσ τὴν Ἰταλίαν κεκλιμένα τῆσ λεχθείσησ ὀρεινῆσ Ταυρῖνοί τε οἰκοῦσι Λιγυστικὸν ἔθνοσ καὶ ἄλλοι Λίγυεσ.

τούτων δ’ ἐστὶ καὶ ἡ τοῦ Δόννου λεγομένη γῆ καὶ ἡ τοῦ Κοττίου. μετὰ δὲ τούτουσ καὶ τὸν Πάδον Σαλασσοί· ὑπὲρ δὲ τούτων ἐν ταῖσ κορυφαῖσ Κέντρωνεσ καὶ Κατόριγεσ καὶ Ουἄραγροι καὶ Ναντουᾶται καὶ ἡ Λημέννα λίμνη, δι’ ἧσ ὁ Ῥοδανὸσ φέρεται, καὶ ἡ πηγὴ τοῦ ποταμοῦ. οὐκ ἄπωθεν δὲ τούτων οὐδὲ τοῦ Ῥήνου αἱ πηγαί, οὐδ’ ὁ Ἀδούλασ τὸ ὄροσ, ἐξ οὗ ῥεῖ καὶ ὁ Ῥῆνοσ ἐπὶ τὰσ ἄρκτουσ καὶ ὁ Ἀδούασ εἰσ τἀναντία ἐμβάλλων εἰσ τὴν Λάριον λίμνην τὴν πρὸσ τῷ Κώμῳ. ὑπέρκεινται δὲ τοῦ Κώμου πρὸσ τῇ ῥίζῃ τῶν Ἄλπεων ἱδρυμένου τῇ μὲν Ῥαιτοὶ καὶ Ουἔννωνεσ ἐπὶ τὴν ἑώ κεκλιμένοι, τῇ δὲ Ληπόντιοι καὶ Τριδεντῖνοι καὶ Στόνοι καὶ ἄλλα πλείω μικρὰ ἔθνη κατέχοντα τὴν Ἰταλίαν ἐν τοῖσ πρόσθεν χρόνοισ λῃστρικὰ καὶ ἄπορα· νυνὶ δὲ τὰ μὲν ἐξέφθαρται τὰ δ’ ἡμέρωται τελέωσ, ὥστε τὰσ δι’ αὐτῶν ὑπερβολὰσ τοῦ ὄρουσ πρότερον οὔσασ ὀλίγασ καὶ δυσπεράτουσ νυνὶ πολλαχόθεν εἶναι καὶ ἀσφαλεῖσ ἀπὸ τῶν ἀνθρώπων καὶ εὐβάτουσ, ὡσ ἔνεστι, διὰ τὴν κατασκευήν. προσέθηκε γὰρ ὁ Σεβαστὸσ Καῖσαρ τῇ καταλύσει τῶν λῃστῶν τὴν κατασκευὴν τῶν ὁδῶν ὅσην οἱο͂́ν τ’ ἦν· οὐ γὰρ δυνατὸν πανταχοῦ βιάσασθαι τὴν φύσιν διὰ πετρῶν καὶ κρημνῶν ἐξαισίων, τῶν μὲν ὑπερκειμένων τῆσ ὁδοῦ τῶν δ’ ὑποπιπτόντων, ὥστε καὶ μικρὸν ἐκβᾶσιν ἄφυκτον εἶναι τὸν κίνδυνον, εἰσ φάραγγασ ἀβύσσουσ τοῦ πτώματοσ ὄντοσ. οὕτω δέ ἐστι στενὴ κατά τι αὐτοῦ ἡ ὁδὸσ ὥστ’ ἴλιγγον φέρειν τοῖσ πεζῇ βαδίζουσι καὶ αὐτοῖσ καὶ ὑποζυγίοισ τοῖσ ἀήθεσι· τὰ δ’ ἐπιχώρια κομίζει τοὺσ φόρτουσ ἀσφαλῶσ. οὔτ’ οὖν ταῦτα ἰάσιμα οὔθ’ αἱ κατολισθάνουσαι πλάκεσ τῶν κρυστάλλων ἄνωθεν ἐξαίσιοι, συνοδίαν ὅλην ἀπολαμβάνειν δυνάμεναι καὶ συνεξωθεῖν εἰσ τὰσ ὑποπιπτούσασ φάραγγασ. πολλαὶ γὰρ ἀλλήλαισ ἐπίκεινται πλάκεσ, πάγων ἐπὶ πάγοισ γενομένων τῆσ χιόνοσ κρυσταλλωδῶν καὶ τῶν ἐπιπολῆσ ἀεὶ ῥᾳδίωσ ἀπολυομένων ἀπὸ τῶν ἐντὸσ πρὶν διαλυθῆναι τελέωσ ἐν τοῖσ ἡλίοισ. ἡ δὲ τῶν Σαλασσῶν πολλὴ μέν ἐστιν ἐν αὐλῶνι βαθεῖ τῶν ὀρῶν ἀμφοτέρωθεν κλειόντων τὸ χωρίον, μέροσ δέ τι αὐτῶν ἀνατείνει καὶ πρὸσ τὰσ ὑπερκειμένασ κορυφάσ.

τοῖσ οὖν ἐκ τῆσ Ἰταλίασ ὑπερτιθεῖσι τὰ ὄρη διὰ τοῦ λεχθέντοσ αὐλῶνόσ ἐστιν ἡ ὁδόσ. εἶτα σχίζεται δίχα· καὶ ἡ μὲν διὰ τοῦ Ποινίνου λεγομένου φέρεται ζεύγεσιν οὐ βατὴ κατὰ τὰ ἄκρα τῶν Ἄλπεων, ἡ δὲ διὰ Κεντρώνων δυσμικωτέρα. ἔχει δὲ καὶ χρυσεῖα ἡ τῶν Σαλασσῶν, ἃ κατεῖχον ἰσχύοντεσ οἱ Σαλασσοὶ πρότερον, καθάπερ καὶ τῶν παρόδων ἦσαν κύριοι. προσελάμβανε δὲ πλεῖστον εἰσ τὴν μεταλλείαν αὐτοῖσ ὁ Δουρίασ ποταμὸσ εἰσ τὰ χρυσοπλύσια, διόπερ ἐπὶ πολλοὺσ τόπουσ σχίζοντεσ εἰσ τὰσ ἐξοχετείασ τὸ ὕδωρ τὸ κοινὸν ῥεῖθρον ἐξεκένουν. τοῦτο δ’ ἐκείνοισ μὲν συνέφερε πρὸσ τὴν τοῦ χρυσοῦ θήραν, τοὺσ δὲ γεωργοῦντασ τὰ ὑπ’ αὐτοῖσ πεδία τῆσ ἀρδείασ στερομένουσ ἐλύπει, τοῦ ποταμοῦ δυναμένου ποτίζειν τὴν χώραν διὰ τὸ ὑπερδέξιον ἔχειν τὸ ῥεῖθρον. ἐκ δὲ ταύτησ τῆσ αἰτίασ πόλεμοι συνεχεῖσ ἦσαν πρὸσ ἀλλήλουσ ἀμφοτέροισ τοῖσ ἔθνεσι. κρατησάντων δὲ Ῥωμαίων τῶν μὲν χρυσουργείων ἐξέπεσον καὶ τῆσ χώρασ οἱ Σαλασσοί, τὰ δ’ ὄρη κατέχοντεσ ἀκμὴν τὸ ὕδωρ ἐπώλουν τοῖσ δημοσιώναισ τοῖσ ἐργολαβήσασι τὰ χρυσεῖα· καὶ πρὸσ τούτουσ δ’ ἦσαν ἀεὶ διαφοραὶ διὰ τὴν πλεονεξίαν τῶν δημοσιωνῶν. οὕτω δὲ συνέβαινε τοὺσ στρατηγιῶντασ ἀεὶ τῶν Ῥωμαίων καὶ πεμπομένουσ ἐπὶ τοὺσ τόπουσ εὐπορεῖν προφάσεων ἀφ’ ὧν πολεμήσουσι. μέχρι μὲν δὴ τῶν νεωστὶ χρόνων τοτὲ μὲν πολεμούμενοι τοτὲ δὲ καταλυόμενοι τὸν πρὸσ τοὺσ Ῥωμαίουσ πόλεμον ἴσχυον ὅμωσ, καὶ πολλὰ κατέβλαπτον τοὺσ δι’ αὐτῶν ὑπερβάλλοντασ τὰ ὄρη κατὰ τὸ λῃστρικὸν ἔθοσ· οἵ γε καὶ Δέκιμον Βροῦτον φυγόντα ἐκ Μουτίνησ ἐπράξαντο δραχμὴν κατ’ ἄνδρα· Μεσσάλασ δὲ πλησίον αὐτῶν χειμαδεύων τιμὴν ξύλων κατέβαλε τῶν τε καυσίμων καὶ τῶν πτελεί̈νων ἀκοντισμάτων τῶν γυμναστικῶν. ἐσύλησαν δέ ποτε καὶ χρήματα Καίσαροσ οἱ ἄνδρεσ οὗτοι καὶ ἐπέβαλον κρημνοὺσ στρατοπέδοισ, πρόφασιν ὡσ ὁδοποιοῦντεσ ἢ γεφυροῦντεσ ποταμούσ. ὕστερον μέντοι κατεστρέψατο αὐτοὺσ ἄρδην ὁ Σεβαστὸσ καὶ πάντασ ἐλαφυροπώλησε, κομισθέντασ εἰσ Ἐπορεδίαν Ῥωμαίων ἀποικίαν, ἣν συνῴκισαν μὲν φρουρὰν εἶναι βουλόμενοι τοῖσ Σαλασσοῖσ, ὀλίγον δ’ ἀντέχειν ἐδύναντο οἱ αὐτόθι, ἑώσ ἠφανίσθη τὸ ἔθνοσ. τῶν μὲν οὖν ἄλλων σωμάτων τρεῖσ μυριάδεσ ἐξητάσθησαν ἐπὶ τοῖσ ἑξακισχιλίοισ, τῶν δὲ μαχίμων ἀνδρῶν ὀκτακισχίλιοι· πάντασ δ’ ἐπώλησε Τερέντιοσ Ουἄρρων ὑπὸ δόρυ καταστρεψάμενοσ αὐτοὺσ στρατηγόσ· τρισχιλίουσ δὲ Ῥωμαίων πέμψασ ᾤκισε τὴν πόλιν Αὐγοῦσταν ὁ Καῖσαρ, ἐν ᾧ ἐστρατοπέδευσε χωρίῳ ὁ Ουἄρρων, καὶ νῦν εἰρήνην ἄγει πᾶσα ἡ πλησιόχωροσ μέχρι τῶν ἄκρων ὑπερβολῶν τοῦ ὄρουσ. ἑξῆσ δὲ τὰ πρὸσ ἑώ μέρη τῶν ὀρῶν καὶ τὰ ἐπιστρέφοντα πρὸσ νότον Ῥαιτοὶ καὶ Ουἰνδολικοὶ κατέχουσι συνάπτοντεσ Ἐλουηττίοισ καὶ Βοί̈οισ·

ἐπίκεινται γὰρ τοῖσ ἐκείνων πεδίοισ. οἱ μὲν οὖν Ῥαιτοὶ μέχρι τῆσ Ἰταλίασ καθήκουσι τῆσ ὑπὲρ Οὐήρωνοσ καὶ Κώμου. καὶ ὅ γε Ῥαιτικὸσ οἶνοσ τῶν ἐν τοῖσ Ἰταλικοῖσ ἐπαινουμένων οὐκ ἀπολείπεσθαι δοκῶν ἐν ταῖσ τούτων ὑπωρείαισ γίνεται· διατείνουσι δὲ καὶ μέχρι τῶν χωρίων δι’ ὧν ὁ Ῥῆνοσ φέρεται· τούτου δ’ εἰσὶ τοῦ φύλου καὶ Ληπόντιοι καὶ Καμοῦνοι. οἱ δὲ Ουἰνδολικοὶ καὶ Νωρικοὶ τὴν ἐκτὸσ παρώρειαν κατέχουσι τὸ πλέον μετὰ Βρεύνων καὶ Γεναύνων, ἤδη τούτων Ἰλλυριῶν. ἅπαντεσ δ’ οὗτοι καὶ τῆσ Ἰταλίασ τὰ γειτονεύοντα μέρη κατέτρεχον ἀεὶ καὶ τῆσ Ἐλουηττίων καὶ Σηκοανῶν καὶ Βοί̈ων καὶ Γερμανῶν. ἰταμώτατοι δὲ τῶν μὲν Ουἰνδολικῶν ἐξητάζοντο Λικάττιοι καὶ Κλαυτηνάτιοι καὶ Ουἔννωνεσ, τῶν δὲ Ῥαιτῶν Ῥουκάντιοι καὶ Κωτουάντιοι. καὶ οἱ Ἐστίωνεσ δὲ τῶν Ουἰνδολικῶν εἰσὶ καὶ Βριγάντιοι, καὶ πόλεισ αὐτῶν Βριγάντιον καὶ Καμβόδουνον καὶ ἡ τῶν Λικαττίων ὥσπερ ἀκρόπολισ Δαμασία. τῆσ δὲ πρὸσ τοὺσ Ἰταλιώτασ τῶν λῃστῶν τούτων χαλεπότητοσ λέγεταί τι τοιοῦτον ὡσ, ἐπειδὰν ἕλωσι κώμην ἢ πόλιν οὐ μόνον ἡβηδὸν ἀνδροφονοῦντασ, ἀλλὰ καὶ μέχρι τῶν νηπίων προϊόντασ τῶν ἀρρένων, καὶ μηδ’ ἐνταῦθα παυομένουσ, ἀλλὰ καὶ τὰσ ἐγκύουσ γυναῖκασ κτείνοντασ ὅσασ φαῖεν οἱ μάντεισ ἀρρενοκυεῖν. μετὰ δὲ τούτουσ οἱ ἐγγὺσ ἤδη τοῦ Ἀδριατικοῦ μυχοῦ καὶ τῶν κατὰ Ἀκυληίαν τόπων οἰκοῦσι, Νωρικῶν τέ τινεσ καὶ Κάρνοι·

τῶν δὲ Νωρικῶν εἰσι καὶ οἱ Ταυρίσκοι. πάντασ δ’ ἔπαυσε τῶν ἀνέδην καταδρομῶν Τιβέριοσ καὶ ὁ ἀδελφὸσ αὐτοῦ Δροῦσοσ θερείᾳ μιᾷ, ὥστ’ ἤδη τρίτον καὶ τριακοστὸν ἔτοσ ἐστὶν ἐξ οὗ καθ’ ἡσυχίαν ὄντεσ ἀπευτακτοῦσι τοὺσ φόρουσ. κατὰ πᾶσαν δὲ τὴν τῶν Ἄλπεων ὀρεινὴν ἔστι μὲν καὶ γεώλοφα χωρία καλῶσ γεωργεῖσθαι δυνάμενα καὶ αὐλῶνεσ εὖ συνεκτισμένοι, τὸ μέντοι πλέον καὶ μάλιστα περὶ τὰσ κορυφάσ, περὶ ὃ δὴ καὶ συνίσταντο οἱ λῃσταί, λυπρὸν καὶ ἄκαρπον διά τε τὰσ πάχνασ καὶ τὴν τραχύτητα τῆσ γῆσ. κατὰ σπάνιν οὖν τροφῆσ τε καὶ ἄλλων ἐφείδοντο ἔσθ’ ὅτε τῶν ἐν τοῖσ πεδίοισ, ἵν’ ἔχοιεν χορηγούσ· ἀντεδίδοσαν δὲ ῥητίνην πίτταν δᾷδα κηρὸν τυρὸν μέλι· τούτων γὰρ εὐπόρουν. ὑπέρκειται δὲ τῶν Κάρνων τὸ Ἀπέννινον ὄροσ, λίμνην ἔχον ἐξιεῖσαν εἰσ τὸν Ἀτησῖνον ποταμόν, ὃσ παραλαβὼν Ἄταγιν ἄλλον ποταμὸν εἰσ τὸν Ἀδρίαν ἐκβάλλει. ἐκ δὲ τῆσ αὐτῆσ λίμνησ καὶ ἄλλοσ ποταμὸσ εἰσ τὸν Ἴστρον ῥεῖ, καλούμενοσ Ἰσάρασ. καὶ γὰρ ὁ Ἴστροσ τὰσ ἀρχὰσ ἀπὸ τούτων λαμβάνει τῶν ὀρῶν πολυσχιδῶν ὄντων καὶ πολυκεφάλων. μέχρι μὲν γὰρ δεῦρο ἀπὸ τῆσ Λιγυστικῆσ συνεχῆ τὰ ὑψηλὰ τῶν Ἄλπεων διέτεινε καὶ ἑνὸσ ὄρουσ φαντασίαν παρεῖχεν, εἶτ’ ἀνεθέντα καὶ ταπεινωθέντα ἐξαίρεται πάλιν εἰσ πλείω μέρη καὶ πλείουσ κορυφάσ. πρώτη δ’ ἐστὶ τούτων ἡ τοῦ Ῥήνου πέραν καὶ τῆσ λίμνησ κεκλιμένη πρὸσ ἑώ ῥάχισ μετρίωσ ὑψηλή, ὅπου αἱ τοῦ Ἴστρου πηγαὶ πλησίον Σοήβων καὶ τοῦ Ἑρκυνίου δρυμοῦ· ἄλλαι δ’ εἰσὶν ἐπιστρέφουσαι πρὸσ τὴν Ἰλλυρίδα καὶ τὸν Ἀδρίαν, ὧν ἐστι τό τε Ἀπέννινον ὄροσ τὸ λεχθὲν καὶ τὸ Τοῦλλον καὶ Φλιγαδία, τὰ ὑπερκείμενα τῶν Ουἰνδολικῶν, ἐξ ὧν ὁ Δούρασ καὶ Κλάνισ καὶ ἄλλοι πλείουσ χαραδρώδεισ ποταμοὶ συμβάλλουσιν εἰσ τὸ τοῦ Ἴστρου ῥεῖθρον. καὶ οἱ Ιἄποδεσ δὲ ἤδη τοῦτο ἐπίμικτον Ἰλλυριοῖσ καὶ Κελτοῖσ ἔθνοσ περὶ τούτουσ οἰκοῦσι τοὺσ τόπουσ, καὶ ἡ Ὄκρα πλησίον τούτων ἐστίν.

οἱ μὲν οὖν Ιἄποδεσ πρότερον εὐανδροῦντεσ καὶ τοῦ ὄρουσ ἐφ’ ἑκάτερον τὴν οἴκησιν ἔχοντεσ καὶ τοῖσ λῃστηρίοισ ἐπικρατοῦντεσ, ἐκπεπόνηνται τελέωσ ὑπὸ τοῦ Σεβαστοῦ Καίσαροσ καταπολεμηθέντεσ. πόλεισ δ’ αὐτῶν Μέτουλον Ἀρουπῖνοι Μονήτιον Ουἔνδων. μεθ’ οὓσ ἡ Σεγεστικὴ πόλισ ἐν πεδίῳ, παρ’ ἣν ὁ Σάοσ παραρρεῖ ποταμὸσ ἐκδιδοὺσ εἰσ τὸν Ἴστρον. κεῖται δὲ ἡ πόλισ εὐφυῶσ πρὸσ τὸν κατὰ τῶν Δακῶν πόλεμον· ἡ δ’ Ὄκρα τὸ ταπεινότατον μέροσ τῶν Ἄλπεών ἐστι καθ’ ὃ συνάπτουσι τοῖσ Κάρνοισ, καὶ δι’ οὗ τὰ ἐκ τῆσ Ἀκυληίασ φορτία κομίζουσιν ἁρμαμάξαισ εἰσ τὸν καλούμενον Ναύπορτον, σταδίων ὁδὸν οὐ πολὺ πλειόνων ἢ τετρακοσίων· ἐκεῖθεν δὲ τοῖσ ποταμοῖσ κατάγεται μέχρι τοῦ Ἴστρου καὶ τῶν ταύτῃ χωρίων. παραρρεῖ γὰρ δὴ τὸν Ναύπορτον [Κορκόρασ] ποταμὸσ ἐκ τῆσ Ἰλλυρίδοσ φερόμενοσ πλωτόσ, ἐκβάλλει δ’ εἰσ τὸν Σάον, ὥστ’ εὐμαρῶσ εἰσ τὴν Σεγεστικὴν κατάγεται καὶ τοὺσ Παννονίουσ καὶ Ταυρίσκουσ. συμβάλλει δ’ εἰσ τὸν Σάον κατὰ τὴν πόλιν καὶ ὁ Κόλαπισ· ἀμφότεροι δ’ εἰσὶ πλωτοί, ῥέουσι δ’ ἀπὸ τῶν Ἄλπεων. ἔχουσι δ’ αἱ Ἄλπεισ καὶ ἵππουσ ἀγρίουσ καὶ βόασ. φησὶ δὲ Πολύβιοσ καὶ ἰδιόμορφόν τι γεννᾶσθαι ζῷον ἐν αὐταῖσ ἐλαφοειδὲσ τὸ σχῆμα πλὴν αὐχένοσ καὶ τριχώματοσ, ταῦτα δ’ ἐοικέναι κάπρῳ, ὑπὸ δὲ τῷ γενείῳ πυρῆνα ἴσχειν ὅσον σπιθαμιαῖον ἀκρόκομον, πωλικῆσ κέρκου τὸ πάχοσ. τῶν δ’ ὑπερθέσεων τῶν ἐκ τῆσ Ἰταλίασ εἰσ τὴν ἔξω Κελτικὴν καὶ τὴν προσάρκτιον ἡ διὰ Σαλασσῶν ἐστιν ἄγουσα ἐπὶ Λούγδουνον·

διττὴ δ’ ἐστίν, ἡ μὲν ἁμαξεύεσθαι δυναμένη διὰ μήκουσ πλείονοσ ἡ διὰ Κεντρώνων, ἡ δὲ ὀρθία καὶ στενή, σύντομοσ δέ, ἡ διὰ τοῦ Ποινίνου. τὸ δὲ Λούγδουνον ἐν μέσῳ τῆσ χώρασ ἐστὶν ὥσπερ ἀκρόπολισ, διά τε τὰσ συμβολὰσ τῶν ποταμῶν καὶ διὰ τὸ ἐγγὺσ εἶναι πᾶσι τοῖσ μέρεσι. διόπερ καὶ Ἀγρίππασ ἐντεῦθεν τὰσ ὁδοὺσ ἔτεμε, τὴν διὰ τῶν Κεμμένων ὀρῶν μέχρι Σαντόνων καὶ τῆσ Ἀκυιτανίασ, καὶ τὴν ἐπὶ τὸν Ῥῆνον, καὶ τρίτην τὴν ἐπὶ τὸν ὠκεανόν, τὴν πρὸσ Βελλοάκοισ καὶ Ἀμβιανοῖσ, τετάρτη δ’ ἐστὶν ἐπὶ τὴν Ναρβωνῖτιν καὶ τὴν Μασσαλιωτικὴν παραλίαν. ἔστι δὲ καὶ ἐν ἀριστερᾷ ἀφεῖσι τὸ Λούγδουνον καὶ τὴν ὑπερκειμένην χώραν ἐν αὐτῷ τῷ Ποινίνῳ πάλιν ἐκτροπὴ διαβάντι τὸν Ῥοδανὸν ἢ τὴν λίμνην τὴν Λημένναν εἰσ τὰ Ἐλουηττίων πεδία, κἀντεῦθεν εἰσ Σηκοανοὺσ ὑπέρθεσισ διὰ τοῦ Ιὄρα ὄρουσ καὶ εἰσ Λίγγονασ· διά τε τούτων ἐπ’ ἄμφω καὶ ἐπὶ τὸν Ῥῆνον καὶ ἐπὶ τὸν ὠκεανὸν δίοδοι σχίζονται. ἔτι φησὶ Πολύβιοσ ἐφ’ ἑαυτοῦ κατ’ Ἀκυληίαν μάλιστα ἐν τοῖσ Ταυρίσκοισ τοῖσ Νωρικοῖσ εὑρεθῆναι χρυσεῖον οὕτωσ εὐφυὲσ ὥστ’ ἐπὶ δύο πόδασ ἀποσύραντι τὴν ἐπιπολῆσ γῆν εὐθὺσ ὀρυκτὸν εὑρίσκεσθαι χρυσόν, τὸ δ’ ὄρυγμα μὴ πλειόνων ὑπάρχειν ἢ πεντεκαίδεκα ποδῶν, εἶναι δὲ τοῦ χρυσοῦ τὸν μὲν αὐτόθεν καθαρὸν κυάμου μέγεθοσ ἢ θέρμου, τοῦ ὀγδόου μέρουσ μόνον ἀφεψηθέντοσ, τὸν δὲ δεῖσθαι μὲν χωνείασ πλείονοσ σφόδρα δὲ λυσιτελοῦσ.

συνεργασαμένων δὲ τοῖσ βαρβάροισ τῶν Ἰταλιωτῶν ἐν διμήνῳ, παραχρῆμα τὸ χρυσίον εὐωνότερον γενέσθαι τῷ τρίτῳ μέρει καθ’ ὅλην τὴν Ἰταλίαν, αἰσθομένουσ δὲ τοὺσ Ταυρίσκουσ μονοπωλεῖν ἐκβαλόντασ τοὺσ συνεργαζομένουσ. ἀλλὰ νῦν ἅπαντα τὰ χρυσεῖα ὑπὸ Ῥωμαίοισ ἐστί. κἀνταῦθα δ’, ὥσπερ κατὰ τὴν Ἰβηρίαν, φέρουσιν οἱ ποταμοὶ χρυσοῦ ψῆγμα πρὸσ τῷ ὀρυκτῷ, οὐ μέντοι τοσοῦτον. ὁ δ’ αὐτὸσ ἀνὴρ περὶ τοῦ μεγέθουσ τῶν Ἄλπεων καὶ τοῦ ὕψουσ λέγων παραβάλλει τὰ ἐν τοῖσ Ἕλλησιν ὄρη τὰ μέγιστα, τὸ Ταύ̈γετον τὸ Λύκαιον Παρνασσὸν Ὄλυμπον Πήλιον Ὄσσαν, ἐν δὲ Θρᾴκῃ Αἷμον Ῥοδόπην Δούνακα· καί φησιν ὅτι τούτων μὲν ἕκαστον μικροῦ δεῖν αὐθημερὸν εὐζώνοισ ἀναβῆναι δυνατόν, αὐθημερὸν δὲ καὶ περιελθεῖν, τὰσ δ’ Ἄλπεισ οὐδ’ ἂν πεμπταῖοσ ἀναβαίη τίσ· τὸ δὲ μῆκόσ ἐστι δισχιλίων καὶ διακοσίων σταδίων τὸ παρῆκον παρὰ τὰ πεδία. τέτταρασ δ’ ὑπερβάσεισ ὀνομάζει μόνον· διὰ Λιγύων μὲν τὴν ἔγγιστα τῷ Τυρρηνικῷ πελάγει, εἶτα τὴν διὰ Ταυρίνων ἣν Ἀννίβασ διῆλθεν, εἶτα τὴν διὰ Σαλασσῶν, τετάρτην δὲ τὴν διὰ Ῥαιτῶν, ἁπάσασ κρημνώδεισ. λίμνασ δὲ εἶναί φησιν ἐν τοῖσ ὄρεσι πλείουσ μέν, τρεῖσ δὲ μεγάλασ· ὧν ἡ μὲν Βήνακοσ ἔχει μῆκοσ πεντακοσίων σταδίων, πλάτοσ δὲ [ἑκατὸν] τριάκοντα, ἐκρεῖ δὲ ποταμὸσ Μίγκιοσ· ἡ δ’ ἑξῆσ Λάριοσ τετρακοσίων, πλάτοσ δὲ στενωτέρα τῆσ πρότερον, ἐξίησι δὲ ποταμὸν τὸν Ἀδούαν· τρίτη δὲ Ουἐρβανὸσ μῆκοσ ἐγγὺσ τριακοσίων σταδίων, πλάτοσ δὲ τριάκοντα, ποταμὸν δὲ ἐξίησι μέγαν Τικῖνον· πάντεσ δ’ εἰσ τὸν Πάδον συρρέουσι. τοσαῦτα καὶ περὶ τῶν ὀρῶν ἔχομεν λέγειν τῶν Ἀλπεινῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 6

(스트라본, 지리학, book 4, chapter 6)

상위

목록

SEARCH

MENU NAVIGATION