헬라어 문장 검색 - ΣτραβόΓεογραπ́04́04́006́

(스트라본, 지리학, book 4, chapter 4 6:)

τούτων δὲ τοὺσ Βέλγασ ἀρίστουσ φασίν, εἰσ πεντεκαίδεκα ἔθνη διῃρημένουσ, τὰ μεταξὺ τοῦ Ῥήνου καὶ τοῦ Λίγηροσ παροικοῦντα τὸν ὠκεανόν, ὥστε μόνουσ ἀντέχειν πρὸσ τὴν τῶν Γερμανῶν ἔφοδον, Κίμβρων καὶ Τευτόνων. αὐτῶν δὲ τῶν Βελγῶν Βελλοάκουσ ἀρίστουσ φασί, μετὰ δὲ τούτουσ Σουεσσίωνασ. τῆσ δὲ πολυανθρωπίασ σημεῖον· εἰσ γὰρ τριάκοντα μυριάδασ ἐξετάζεσθαί φασι τῶν Βελγῶν πρότερον τῶν δυναμένων φέρειν ὅπλα. εἴρηται δὲ καὶ τὸ τῶν Ἐλουηττίων πλῆθοσ καὶ τὸ τῶν Ἀρουέρνων καὶ τὸ τῶν συμμάχων, ἐξ ὧν ἡ πολυανθρωπία φαίνεται καὶ ὅπερ εἶπον ἡ τῶν γυναικῶν ἀρετὴ πρὸσ τὸ τίκτειν καὶ ἐκτρέφειν τοὺσ παῖδασ. σαγηφοροῦσι δὲ καὶ κομοτροφοῦσι καὶ ἀναξυρίσι χρῶνται περιτεταμέναισ, ἀντὶ δὲ χιτώνων σχιστοὺσ χειριδωτοὺσ φέρουσι μέχρι αἰδοίων καὶ γλουτῶν. ἡ δ’ ἐρέα τραχεῖα μὲν ἀκρόμαλλοσ δέ, ἀφ’ ἧσ τοὺσ δασεῖσ σάγουσ ἐξυφαίνουσιν οὓσ λαίνασ καλοῦσιν· οἱ μέντοι Ῥωμαῖοι καὶ ἐν τοῖσ προσβορροτάτοισ ὑποδιφθέρουσ τρέφουσι ποίμνασ ἱκανῶσ ἀστείασ ἐρέασ. ὁπλισμὸσ δὲ σύμμετροσ τοῖσ τῶν σωμάτων μεγέθεσι, μάχαιρα μακρὰ παρηρτημένη παρὰ τὸ δεξιὸν πλευρόν, καὶ θυρεὸσ μακρὸσ καὶ λόγχαι κατὰ λόγον καὶ μάδαρισ, πάλτου τι εἶδοσ. χρῶνται δὲ καὶ τόξοισ ἔνιοι καὶ σφενδόναισ· ἔστι δέ τι καὶ γρόσφῳ ἐοικὸσ ξύλον, ἐκ χειρὸσ οὐκ ἐξ ἀγκύλησ ἀφιέμενον, τηλεβολώτερον καὶ βέλουσ, ᾧ μάλιστα καὶ πρὸσ τὰσ τῶν ὀρνέων χρῶνται θήρασ. χαμευνοῦσι δὲ καὶ μέχρι νῦν οἱ πολλοὶ καὶ καθεζόμενοι δειπνοῦσιν ἐν στιβάσι. τροφὴ δὲ πλείστη μετὰ γάλακτοσ καὶ κρεῶν παντοίων, μάλιστα δὲ τῶν ὑείων καὶ νέων καὶ ἁλιστῶν. αἱ δ’ ὑέσ καὶ ἀγραυλοῦσιν ὕψει τε καὶ ἀλκῇ καὶ τάχει διαφέρουσαι· κίνδυνοσ γοῦν ἐστι τῷ ἀήθει προσιόντι, ὡσαύτωσ καὶ λύκῳ. τοὺσ δ’ οἴκουσ ἐκ σανίδων καὶ γέρρων ἔχουσι μεγάλουσ θολοειδεῖσ, ὄροφον πολὺν ἐπιβάλλοντεσ. οὕτωσ δ’ ἐστὶ δαψιλῆ καὶ τὰ ποίμνια καὶ τὰ ὑοφόρβια ὥστε τῶν σάγων καὶ τῆσ ταριχείασ ἀφθονίαν μὴ τῇ Ῥώμῃ χορηγεῖσθαι μόνον, ἀλλὰ καὶ τοῖσ πλείστοισ μέρεσι τῆσ Ἰταλίασ. ἀριστοκρατικαὶ δ’ ἦσαν αἱ πλείουσ τῶν πολιτειῶν· ἕνα δ’ ἡγεμόνα ᾑροῦντο κατ’ ἐνιαυτὸν τὸ παλαιόν, ὡσ δ’ αὕτωσ εἰσ πόλεμον εἷσ ὑπὸ τοῦ πλήθουσ ἀπεδείκνυτο στρατηγόσ· νυνὶ δὲ προσέχουσι τοῖσ τῶν Ῥωμαίων προστάγμασι τὸ πλέον. ἴδιον δὲ τὸ ἐν τοῖσ συνεδρίοισ συμβαῖνον· ἐὰν γάρ τισ θορυβῇ τὸν λέγοντα καὶ ὑποκρούσῃ, προσιὼν ὁ ὑπηρέτησ ἐσπασμένοσ τὸ ξίφοσ κελεύει σιγᾶν μετ’ ἀπειλῆσ, μὴ παυομένου δέ, καὶ δεύτερον καὶ τρίτον ποιεῖ τὸ αὐτό, τελευταῖον δὲ ἀφαιρεῖ τοῦ σάγου τοσοῦτον ὅσον ἄχρηστον ποιῆσαι τὸ λοιπόν. τὸ δὲ περὶ τοὺσ ἄνδρασ καὶ τὰσ γυναῖκασ, τὸ διηλλάχθαι τὰ ἔργα ὑπεναντίωσ τοῖσ παρ’ ἡμῖν, κοινὸν καὶ πρὸσ ἄλλουσ συχνοὺσ τῶν βαρβάρων ἐστί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 4 6:

(스트라본, 지리학, book 4, chapter 4 6:)

상위

목록

SEARCH

MENU NAVIGATION