헬라어 문장 검색 - ΣτραβόΓεογραπ́04́02́

(스트라본, 지리학, book 4, chapter 2)

ἑξῆσ δὲ περὶ τῶν Ἀκυιτανῶν λεκτέον καὶ τῶν προσωρισμένων αὐτοῖσ ἐθνῶν τετταρεσκαίδεκα Γαλατικῶν τῶν μεταξὺ τοῦ Γαρούνα κατοικούντων καὶ τοῦ Λίγηροσ, ὧν ἔνια ἐπιλαμβάνει καὶ τῆσ τοῦ Ῥοδανοῦ ποταμίασ καὶ τῶν πεδίων τῶν κατὰ τὴν Ναρβωνῖτιν. ἁπλῶσ γὰρ εἰπεῖν, οἱ Ἀκυιτανοὶ διαφέρουσι τοῦ Γαλατικοῦ φύλου κατά τε τὰσ τῶν σωμάτων κατασκευὰσ καὶ κατὰ τὴν γλῶτταν, ἐοίκασι δὲ μᾶλλον Ἴβηρσιν. ὁρίζονται δὲ τῷ Γαρούνᾳ ποταμῷ ἐντὸσ τούτου καὶ τῆσ Πυρήνησ οἰκοῦντεσ. ἔστι δὲ ἔθνη τῶν Ἀκυιτανῶν πλείω μὲν τῶν εἴκοσι, μικρὰ δὲ καὶ ἄδοξα τὰ πολλά, [τὰ] μὲν παρωκεανιτικὰ τὰ δὲ εἰσ τὴν μεσόγαιαν καὶ τὰ ἄκρα τῶν Κεμμένων ὀρῶν μέχρι Τεκτοσάγων ἀνέχοντα. ἐπειδὴ δὲ μικρὰ μερὶσ ἦν ἡ τοσαύτη, προσέθεσαν καὶ τὴν μεταξὺ τοῦ Γαρούνα καὶ τοῦ Λίγηροσ. παράλληλοι δέ πώσ εἰσιν οἱ ποταμοὶ τῇ Πυρήνῃ καὶ δύο ποιοῦσι παραλληλόγραμμα πρὸσ αὐτὴν χωρία, ὁριζόμενα κατὰ τὰσ ἄλλασ πλευρὰσ τῷ τε ὠκεανῷ καὶ τοῖσ Κεμμένοισ ὄρεσι· δισχιλίων δ’ ὁμοῦ τι σταδίων ἐστὶν ὁ πλοῦσ ἑκατέρων τῶν ποταμῶν. ἐκβάλλει δ’ ὁ μὲν Γαρούνασ τρισὶ ποταμοῖσ αὐξηθεὶσ εἰσ τὸ μεταξὺ Βιτουρίγων τε τῶν Οἴ̈σκων ἐπικαλουμένων καὶ Σαντόνων, ἀμφοτέρων Γαλατικῶν ἐθνῶν· μόνον γὰρ δὴ τὸ τῶν Βιτουρίγων τούτων ἔθνοσ ἐν τοῖσ Ἀκυιτανοῖσ ἀλλόφυλον ἵδρυται, καὶ οὐ συντελεῖ αὐτοῖσ, ἔχει δὲ ἐμπόριον Βουρδίγαλα ἐπικείμενον λιμνοθαλάττῃ τινί, ἣν ποιοῦσιν αἱ ἐκβολαὶ τοῦ ποταμοῦ. ὁ δὲ Λίγηρ μεταξὺ Πικτόνων τε καὶ Ναμνιτῶν ἐκβάλλει. πρότερον δὲ Κορβιλὼν ὑπῆρχεν ἐμπόριον ἐπὶ τούτῳ τῷ ποταμῷ, περὶ ἧσ εἴρηκε Πολύβιοσ, μνησθεὶσ τῶν ὑπὸ Πυθέου μυθολογηθέντων, ὅτι Μασσαλιωτῶν μὲν τῶν συμμιξάντων Σκιπίωνι οὐδεὶσ εἶχε λέγειν οὐδὲν μνήμησ ἄξιον ἐρωτηθεὶσ ὑπὸ τοῦ Σκιπίωνοσ περὶ τῆσ Βρεττανικῆσ, οὐδὲ τῶν ἐκ Νάρβωνοσ οὐδὲ τῶν ἐκ Κορβιλῶνοσ, αἵπερ ἦσαν ἄρισται πόλεισ τῶν ταύτῃ, Πυθέασ δ’ ἐθάρρησε τοσαῦτα ψεύσασθαι. τῶν δὲ Σαντόνων πόλισ ἐστὶ Μεδιολάνιον. ἔστι δ’ ἡ μὲν παρωκεανῖτισ τῶν Ἀκυιτανῶν ἀμμώδησ ἡ πλείστη καὶ λεπτή, κέγχρῳ τρέφουσα, τοῖσ δὲ ἄλλοισ καρποῖσ ἀφορωτέρα. ἐνταῦθα δ’ ἐστὶ καὶ ὁ κόλποσ ὁ ποιῶν τὸν ἰσθμὸν πρὸσ τὸν ἐν τῇ Ναρβωνίτιδι παραλίᾳ Γαλατικὸν κόλπον, ὁμώνυμοσ ἐκείνῳ καὶ αὐτόσ. ἔχουσι δὲ Τάρβελλοι τὸν κόλπον, παρ’ οἷσ ἐστι τὰ χρυσεῖα σπουδαιότατα πάντων· ἐν γὰρ βόθροισ ὀρυχθεῖσιν ἐπὶ μικρὸν εὑρίσκονται καὶ χειροπληθεῖσ χρυσίου πλάκεσ ἔσθ’ ὅτε μικρᾶσ ἀποκαθάρσεωσ δεόμεναι. τὸ δὲ λοιπὸν ψῆγμά ἐστι καὶ βῶλοι, καὶ αὗται κατεργασίαν οὐ πολλὴν ἔχουσαι. ἡ δὲ μεσόγειοσ καὶ ὀρεινὴ βελτίω γῆν ἔχει, πρὸσ μὲν τῇ Πυρήνῃ τὴν τῶν Κωνουενῶν, ὅ ἐστι συνηλύδων, ἐν ᾗ πόλισ Λούγδουνον καὶ τὰ τῶν Ὀνησιῶν θερμὰ κάλλιστα ποτιμωτάτου ὕδατοσ· καλὴ δὲ καὶ ἡ τῶν Αὐσκίων. τὰ δὲ μεταξὺ τοῦ Γαρούνα καὶ τοῦ Λίγηροσ ἔθνη τὰ προσκείμενα τοῖσ Ἀκυιτανοῖσ ἐστιν Ἐλουοὶ μὲν ἀπὸ τοῦ Ῥοδανοῦ τὴν ἀρχὴν ἔχοντεσ, Ουἐλλάιοι δὲ μετὰ τούτουσ, οἳ προσωρίζοντό ποτε Ἀρουέρνοισ, νῦν δὲ τάττονται καθ’ ἑαυτούσ·

εἶτα Ἀρουέρνοι καὶ Λεμοουίκεσ καὶ Πετροκόριοι· πρὸσ δὲ τούτοισ Νιτιόβριγεσ καὶ Καδοῦρκοι καὶ Βιτούριγεσ οἱ Κοῦβοι καλούμενοι· πρὸσ δὲ τῷ ὠκεανῷ Σάντονοί τε καὶ Πίκτονεσ, οἱ μὲν τῷ Γαρούνᾳ παροικοῦντεσ, ὡσ εἴπομεν, οἱ δὲ τῷ Λίγηρι. Ῥουτηνοὶ δὲ καὶ Γαβαλεῖσ τῇ Ναρβωνίτιδι πλησιάζουσι. παρὰ μὲν οὖν τοῖσ Πετροκορίοισ σιδηρουργεῖά ἐστιν ἀστεῖα καὶ τοῖσ Κούβοισ Βιτούριξι, παρὰ δὲ τοῖσ Καδούρκοισ λινουργίαι, παρὰ δὲ τοῖσ Ῥουτηνοῖσ ἀργυρεῖα· ἔχουσι δ’ ἀργυρεῖα καὶ οἱ Γαβαλεῖσ. δεδώκασι δὲ Λάτιον Ῥωμαῖοι καὶ τῶν Ἀκυιτανῶν τισι, καθάπερ Αὐσκίοισ καὶ Κωνουέναισ. ἀρουέρνοι δὲ ἵδρυνται μὲν ἐπὶ τῷ Λίγηρι·

μητρόπολισ δ’ αὐτῶν ἐστι Νεμωσσὸσ ἐπὶ τῷ ποταμῷ κειμένη. ῥυεὶσ δ’ οὗτοσ παρὰ Κήναβον, τὸ τῶν Καρνούτων ἐμπόριον κατὰ μέσον που τὸν πλοῦν συνοικούμενον, ἐκβάλλει πρὸσ τὸν ὠκεανόν. τῆσ δυνάμεωσ δὲ τῆσ πρότερον Ἀρουέρνοι μέγα τεκμήριον παρέχονται τὸ πολλάκισ πολεμῆσαι πρὸσ Ῥωμαίουσ, τοτὲ μὲν μυριάσιν εἴκοσι πάλιν δὲ διπλασίαισ. τοσαύταισ γὰρ πρὸσ Καίσαρα τὸν θεὸν διηγωνίσαντο μετὰ Ουἐρκιγγετόριγοσ, πρότερον δὲ καὶ εἴκοσι πρὸσ Μάξιμον τὸν Αἰμιλιανόν, καὶ πρὸσ Δομίτιον δ’ ὡσαύτωσ Αἠνόβαρβον. πρὸσ μὲν οὖν Καίσαρα περί τε Γεργοουίαν πόλιν τῶν Ἀρουέρνων ἐφ’ ὑψηλοῦ ὄρουσ κειμένην συνέστησαν οἱ ἀγῶνεσ, ἐξ ἧσ ἦν ὁ Ουἐρκιγγέτοριξ· καὶ περὶ Ἀλησίαν πόλιν Μανδουβίων, ἔθνουσ ὁμόρου τοῖσ Ἀρουέρνοισ, καὶ ταύτην ἐφ’ ὑψηλοῦ λόφου κειμένην περιεχομένην δ’ ὄρεσι καὶ ποταμοῖσ δυσίν, ἐν ᾗ καὶ ἑάλω ὁ ἡγεμὼν καὶ ὁ πόλεμοσ τέλοσ ἔσχε· πρὸσ δὲ Μάξιμον Αἰμιλιανὸν κατὰ τὴν συμβολὴν τοῦ τ’ Ἴσαροσ καὶ τοῦ Ῥοδανοῦ, καθ’ ἣν καὶ τὸ Κέμμενον ὄροσ πλησιάζει τῷ Ῥοδανῷ· πρὸσ δὲ Δομίτιον κατωτέρω ἔτι κατὰ τὴν συμβολὴν τοῦ τε Σούλγα καὶ τοῦ Ῥοδανοῦ. διέτειναν δὲ τὴν ἀρχὴν οἱ Ἀρουέρνοι καὶ μέχρι Νάρβωνοσ καὶ τῶν ὁρ́ων τῆσ Μασσαλιώτιδοσ, ἐκράτουν δὲ καὶ τῶν μέχρι Πυρήνησ ἐθνῶν καὶ μέχρι ὠκεανοῦ καὶ Ῥήνου. Βιτυί̈του δὲ τοῦ πρὸσ τὸν Μάξιμον καὶ τὸν Δομίτιον πολεμήσαντοσ ὁ πατὴρ Λουέριοσ τοσοῦτον πλούτῳ λέγεται καὶ τρυφῇ διενεγκεῖν, ὥστε ποτὲ ἐπίδειξιν ποιούμενοσ τοῖσ φίλοισ τῆσ εὐπορίασ ἐπ’ ἀπήνησ φέρεσθαι διὰ πεδίου, χρυσοῦ νόμισμα καὶ ἀργύρου δεῦρο κἀκεῖσε διασπείρων, ὥστε συλλέγειν ἐκείνουσ ἀκολουθοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 2

(스트라본, 지리학, book 4, chapter 2)

상위

목록

SEARCH

MENU NAVIGATION