Strabo, Geography, book 3, chapter 5 16:

(스트라본, 지리학, book 3, chapter 5 16:)

οὐκ οἶδα δὲ πῶσ κατ’ ἄλλα δεινοὺσ ἀποφαίνων ὁ Ποσειδώνιοσ τοὺσ Φοίνικασ ἐνταῦθα μωρίαν μᾶλλον ἢ δριμύτητα αὐτῶν κατέγνωκεν. ἡμέρα μὲν γὰρ καὶ νὺξ τῇ τοῦ ἡλίου περιφορᾷ μετρεῖται τοτὲ μὲν ὑπὸ γῆσ ὄντοσ τοτὲ δὲ ὑπὲρ γῆσ φαινομένου· φησὶ δὲ τὴν τοῦ ὠκεανοῦ κίνησιν ὑπέχειν ἀστροειδῆ περίοδον, τὴν μὲν ἡμερήσιον ἀποδιδοῦσαν, τὴν δὲ μηνιαίαν, τὴν δ’ ἐνιαυσιαίαν συμπαθῶσ τῇ σελήνῃ· ὅταν γὰρ αὕτη ζῳδίου μέγεθοσ ὑπερέχῃ τοῦ ὁρίζοντοσ, ἄρχεσθαι διοιδεῖν τὴν θάλατταν καὶ ἐπιβαίνειν τῆσ γῆσ αἰσθητῶσ μέχρι μεσουρανήσεωσ· ἐκκλίναντοσ δὲ τοῦ ἄστρου, πάλιν ἀναχωρεῖν τὸ πέλαγοσ κατ’ ὀλίγον ἑώσ ἂν ζῴδιον ὑπερέχῃ τῆσ δύσεωσ ἡ σελήνη, εἶτα μένειν τοσοῦτον ἐν τῇ αὐτῇ καταστάσει χρόνον ὅσον ἡ σελήνη συνάπτει πρὸσ αὐτὴν τὴν δύσιν, καὶ ἔτι μᾶλλον τοσοῦτον ὅσον κινηθεῖσα ὑπὸ γῆσ ζῴδιον ἀπόσχοι ἂν τοῦ ὁρίζοντοσ· εἶτ’ ἐπιβαίνειν πάλιν ἑώσ τοῦ ὑπὸ γῆν μεσουρανήματοσ· εἶτ’ ἀναχωρεῖν ἑώσ ἂν πρὸσ τὰσ ἀνατολὰσ περιχωρήσασα ἡ σελήνη ζῴδιον τοῦ ὁρίζοντοσ ἀπόσχῃ, μένειν δὲ μέχρι ἂν ζῴδιον ὑπὲρ γῆσ μετεωρισθῇ, καὶ πάλιν ἐπιβαίνειν· ταύτην μὲν εἶναι λέγει τὴν ἡμερήσιον περίοδον. τὴν δὲ μηνιαίαν, ὅτι μέγισται μὲν αἱ παλίρροιαι γίνονται περὶ τὰσ συνόδουσ, εἶτα μειοῦνται μέχρι διχοτόμου· πάλιν δ’ αὔξονται μέχρι πανσελήνου, καὶ μειοῦνται πάλιν ἑώσ διχοτόμου φθινάδοσ· εἶθ’ ἑώσ τῶν συνόδων αἱ αὐξήσεισ· πλεονάζειν δὲ καὶ χρόνῳ καὶ τάχει τὰσ αὐξήσεισ. τὰσ δ’ ἐνιαυσιαίασ παρὰ τῶν ἐν Γαδείροισ πυθέσθαι φησί, λεγόντων ὡσ κατὰ θερινὰσ τροπὰσ μάλιστα αὔξοιντο καὶ αἱ ἀναχωρήσεισ καὶ αἱ ἐπιβάσεισ. εἰκάζει δ’ αὐτὸσ ἀπὸ τῶν τροπῶν μειοῦσθαι μὲν ἑώσ ἰσημερίασ, αὔξεσθαι δὲ ἑώσ χειμερινῶν τροπῶν· εἶτα μειοῦσθαι μέχρι ἐαρινῆσ ἰσημερίασ· εἶτ’ αὔξεσθαι μέχρι θερινῶν τροπῶν. τῶν δὲ περιόδων τούτων οὐσῶν καθ’ ἑκάστην ἡμέραν καὶ νύκτα, τὸν συνάμφω χρόνον δὶσ μὲν ἐπιβαινούσησ τῆσ θαλάττησ δὶσ δὲ ἀναχωρούσησ, τεταγμένωσ δὲ καὶ τῶν ἡμερησίων χρόνων καὶ τῶν νυκτερινῶν, πῶσ οἱο͂́ν τε πολλάκισ μὲν συμβαίνειν κατὰ τὰσ ἀμπώτεισ τὴν πλήρωσιν τοῦ φρέατοσ, μὴ πολλάκισ δὲ τὴν λειψυδρίαν; ἢ πολλάκισ μέν, μὴ ἰσάκισ δέ; ἢ καὶ ἰσάκισ μέν, τοὺσ δὲ Γαδειρίτασ ταῦτα μὲν μὴ ἱκανοὺσ γενέσθαι τηρῆσαι τὰ καθ’ ἡμέραν γινόμενα, τὰσ δ’ ἐνιαυσίουσ περιόδουσ ἐκ τῶν ἅπαξ συμβαινόντων κατ’ ἔτοσ τηρῆσαι; ἀλλὰ μὴν ὅτι γε πιστεύει αὐτοῖσ, δῆλον ἐξ ὧν καὶ προσεικάζει γίνεσθαι τὰσ μειώσεισ καὶ πάλιν αὐξήσεισ ἀπὸ τροπῶν ἐπὶ τροπάσ τε ἑτέρασ κἀκεῖθεν πάλιν ἐπανόδουσ. καὶ μὴν οὐδὲ ἐκεῖνο εἰκόσ, ὅτι τηρητικοὶ ὄντεσ τὰ μὲν συμβαίνοντα οὐκ εἶδον, τοῖσ δὲ μὴ συμβαίνουσιν ἐπίστευσαν.

일치하는 문장이 없습니다.

SEARCH

MENU NAVIGATION